ડસ્ટરની સફળતાના બે વર્ષઃ રેનોની ભારતને ખાસ ભેટ

રેનો ઇન્ડિયા પોતાની લોકપ્રિય કોમ્પેક્ટ એસયુવી ડસ્ટરની બીજી વર્ષગાંઠ ઉજવી રહી છે. ફ્રાન્સની કાર નિર્માણ કરતી કંપનીએ ડસ્ટરની બીજી વર્ષગાંઠ ઉજવવા માટે એક ખાસ લિમિટેડ એડિશન મોડલ લોન્ચ કર્યું છે. ડસ્ટર એડવેન્ચર મોડલને એક્સ શોરૂમ દિલ્હી અનુસાર 8,80,000 રૂપિયાની કિંમતે લોન્ચ કરવામાં આવ્યું છે.

આ પહેલા ડસ્ટરના એક લાખ વેચાણની ઉજવાણીના ભાગરૂપે લિમિટેડ એડિશન મોડલ લોન્ચ કરવામાં આવ્યું હતું. બીજી વર્ષગાંઠ નિમિત્તે રેનો પોતાની લિમિટેડ એડિશન એડવેન્ચર ડસ્ટરમાં કેટલીક ખાસ સુવિધાઓ ઓફર કરી રહી છે. આ કારની બે વર્ષની વધુ વોરન્ટી, ચાર વર્ષ માટે રોડસાઇડ એસિસ્ટન્સ, તેમજ 20 જુલાઇ 2014 સુધી 8,80,000 રૂપિયાની ખાસ કિંમત અને ડસ્ટર ગેંગમાં સામેલ થવા માટે ફ્રી સભ્યપદ.

એડવેન્ચર ડસ્ટરમાં નવો એમોઝન ગ્રીન પેઇન્ટ સાથે નિયો યલો ઇન્ટિરીયર પણ જોવા મળશે. બે એડિશનલ લાઇટ્સ અને બમ્પરની ચારેકોર બોલ્ડ કવચ હશે. હેડલેમ્પને સ્ટીલ્થ લુક આપવામાં આવ્યો છે. તો ચાલો તસવીરો થકી આ લિમિટેડ એડિશન અંગે થોડુંક જાણીએ.

એન્જીન

રેનો ડસ્ટર એડવેન્ચર મોડલમાં 1.5 લિટર ડીસીઆઇ મિલ એન્જીન છે, જે 200 એન ટાર્ક અને 85પીએસ વધુ પાવર જનરેટ કરે છે.

એડવેન્ચર ડસ્ટરની એવરેજ

એડવેન્ચર ડસ્ટરમાં 5 સ્પીડ મેન્યુઅલ ગીયરબોક્સ છે, જે 20.5 કિ.મી પ્રતિ લિટરની એવરેજ આપી શકે છે.

ડસ્ટર રેનો માટે ગેમ ચેન્જર સાબિત થઇ

રેનો કંપની માટે ડસ્ટર એક ગેમ ચેન્જર કાર સાબિત થઇ છે. રેનોએ પહેલી કંપની હતી કે જેણે કોમ્પેક્ટ એસયુવી સેગમેન્ટની કાર ભારતમાં લોન્ચ કરી હતી અને ઘણી જ સફળ રહી છે.

ડસ્ટરની બીજી વર્ષગાંઠ

ડસ્ટરની બીજી વર્ષગાંઠ નિમિત્તે રેનોએ એડવેન્ચર ડસ્ટર નામે લિમિટેડ એડિશન ભારતમાં લોન્ચ કરી છે, જેની કિંમત 8,80,000 રૂપિયા રાખવામાં આવી છે. જે 20 જુલાઇ 2014 સુધી માન્ય રાખવામાં આવી છે.

English summary

Renault India is celebrating its second anniversary of its popular compact SUV the Duster. The French manufacturer has launched a limited edition model to celebrate its second anniversary. The Duster Adventure model has been launched at an attractive price of INR 8,80,000 ex-showroom, Delhi.