મારુતિની નવી ઓટોમેટિક કાર અલ્ટો કે10: જાણો શું છે નવું

મારુતિ સુઝુકી દ્વારા ભારતીય ઓટોમોબાઇલ સેક્ટરમાં આ વર્ષે અનેકવિધ મોડલ્સને લોન્ચ કરવામાં આવ્યા છે. આ વર્ષે મારુતિએ સિલેરિયો, સિયાઝ અને રિફ્રેશ્ડ સ્વિફ્ટ હેચબેકને લોન્ચ કરી હતી. હવે 4 નવેમ્બરના રોજ મારુતિ સુઝુકી નેક્સ્ટ જનરેશન અલ્ટો કે10ને લોન્ચ કરવા જઇ રહી છે. આ હેચબેક સિલેરિયોને લોન્ચ કરવામાં આવી ત્યારથી લોકપ્રિય છે. કંપનીએ આ કારમાં કોઇ વધુ ફેરબદલ કર્યા નથી. માહિતી અનુસાર આ કારને પેટ્રોલ અને સીએનજી એન્જીન સાથે લોન્ચ કરવામાં આવનારી છે. આ કારની કિંમત 3.2થી 4 લાખ રૂપિયાની વચ્ચે રાખવામાં આવી શકે છે.

કંપનીએ આ કારમાં કે સિરિઝના એન્જીનનો ઉપયોગ કર્યો છે અને આ એન્જીનને વધુ ફ્યુઅલ એફિસિઅન્સીવાળું બનાવવાનો પ્રયાસ કરાયો છે. આ કારના એન્જીનમાં 5 સ્પીડ મેન્યુઅલ ગીયરબોક્સ આપવામાં આવ્યું છે, તેમેજ એએમટી વર્ઝન પણ લોન્ચ કરવામાં આવશે. જે સિલેરિયો હેચબેક જેવું હશે. કારની ડિઝાઇન અંગે વાત કરવામાં આવે તો આ કારની ડિઝાઇન અલ્ટો 800 અને સિલેરિયોમાંથી ઉઠાવવામાં આવી છે. કંપનીએ આ કારના છ વેરિએન્ટ્સ આપ્યા છે. તો ચાલો આ કારના એન્જીન અને ફીચર્સ અંગે માહિતી મેળવીએ.

એન્જીન સ્પેસિફિકેશન

ફ્યુઅલ ટાઇપ	વેરિએન્ટ્સ	સીસી	એન્જીન	પાવર	ટાર્ક	એવરેજ
પેટ્રોલ	LX, LXi, VXi, VXi (AGS) VXi (O)	998 સીસી	1.0 લિટર, 3-સિલિન્ડર કે10બી સિરિઝ	6200 આરપીએમ પર 67 બીએચપી	3500 આરપીએમ પર 90 એનએમ	24.07 કેએમપીએલ
સીએનજી	LXi (CNG)	998 સીસી	1.0 લિટર, 3-સિલિન્ડર કે10બી સિરિઝ	6200 આરપીએમ પર 67 બીએચપી	3500 આરપીએમ પર 90 એનએમ	32.26 કિ.મી પ્રતિ કેજી

કારના ડિમેન્શન અંગે વાત કરીએ તો કારનું વજન 760 કેજીની આસપાસ રહેશે. તેની લંબાઇ 3620 એમએમ અને પહોળાઇ 1475 એમએમ હશે આ કારનું ગ્રાઉન્ડ ક્લીયરન્સ 160 એમએમ અને બૂટ સ્પેશ 160 લિટર્સ રહેશે તેવું માનવામાં આવી રહ્યું છે. અહીં કારના ડિમેન્શન અંગેનું ટેબલ આપવામાં આવ્યું છે.
કારનું ડિમેન્શન

લંબાઇ	પહોળાઇ	ઉંચાઇ	વ્હીલબેઝ	ગ્રાઉન્ડ ક્લિયરન્સ
3620 એમએમ	1475 એમએમ	1460 એમએમ	2360 એમએમ	160 એમએમ

કારના વેરિએન્ટ્સ અને તેમાં આપવામાં આવેલા ફીચર્સ
કારના ફીચર્સ અંગે વાત કરીએ તો એલએક્સ વેરિએન્ટ્સમાં માત્ર એસી અને હીટર આપવામાં આવશે. જ્યારે એલએક્સઆઇ વિરેએન્ટ્સથી કારમાં પાવર સ્ટીયરિંગ આપવામાં આવનારું છે. તેમજ રીયર ડોર્સ માટે ચાઇલ્ડ લોક્સ, એડ્જસ્ટેબલ વિંગ મિરર્સ પણ આપવામાં આવશે. વીએક્સઆઇ વેરિએન્ટ્સની વાત કરવામાં આવે તો તેમાં 2 ડીન મ્યુઝિક સિસ્ટમ, સીડી, એમપી3, રેડિયો, યુએસબી, એયુએક્સ અને 2 સ્પીકર્સ આપવામાં આવશે. તેમજ પાવર વિન્ડો, સેન્ટ્રલ લોકિંગ, હેડલાઇટ ઓન વોર્નિંગ, ડીજીટલ ક્લોક, રીયર પાર્સલ ટ્રે, ટેકોમીટર અને વ્હીલ કવર્સ પણ આ મોડલમાં આપવામાં આવનારા છે.

અન્ય વેરિએન્ટ્સ અંગે વાત કરવામાં આવે તો વીએક્સઆઇ(ઓ)માં કીલેસ એન્ટ્રી, ફોગલાઇટ, ડ્રાઇવર સાઇડ એરબેગ જોવા મળશે. આ ઉપરાંત વીએક્સઆઇમાં ઓટોમેટેડ મેન્યુઅલ ટ્રાન્સમિશન( એજીએસ અથવા તો ઓટો ગીયર શિફ્ટ સિસ્ટમ, મારુતિ અનુસાર) આપવામાં આવશે. જ્યારે સીએનજી એન્જીન એલએક્સઆઇ વેરિએન્ટ્સમાં આપવામાં આવનારું છે. આ કારની સીધી લડાઇ ડટ્સન ગો અને હુન્ડાઇ ઇઓન 1.0 એલ સાથે થવાની છે. આ કારનું લોન્ચિંગ પહેલા જ 10 હજાર જેટલું બુકિંગ થઇ ગયુ હોવાનું માનવામાં આવી રહ્યું છે.

English summary

On the 4th of November, 2014 Maruti Suzuki will be launching its next-gen Alto K10. The hatchback was a popular choice prior to launch of their Celerio. The manufacturer will be providing its vehicle with a mild facelift, no major changes are expected.