જગુઆરની સૌથી લગ્ઝરી કાર ભારતમાં લોન્ચ

Published: Wednesday, February 27, 2013, 15:31 [IST]

ભારતીય બજારમાં લગ્ઝરી સેગ્મેન્ટમાં વધુ એક શાનદાર કારે પોતાના સફરની શરૂઆત કરી છે. દેશની સૌથી મોટી વાહન નિર્માતા કંપી ટાટા મોટર્સ દ્વારા અધિગ્રહિત બ્રિટીશ કાર નિર્માતા કંપની જુગઆરે દેશમાં પોતાની લગ્ઝરી સિડાન કાર રેન્જમાં એક્સજે અલ્ટિમેટને રજૂ કરી છે. આ સિડાન કારની સૌથી મોટી વિશેષતા એ છે કે આ કાર જગુઆરની અત્યારસુધીની સૌથી ચડિયાતી અને લગ્ઝરી કાર છે.

ભારતીય બજારમાં લગ્ઝરી સેગ્મેન્ટની કાર્સને પડકાર ફેંકવામાં જગુઆરની આ શાનદાર કાર સંપૂર્ણરીતે સક્ષમ છે. ભારતીય બજારમાં આ કારની પ્રારંભિક કિંમત 1.88 કરોડ રૂપિયા નક્કી કરવામાં આવી છે. કંપનીની આ કારને આકર્ષક લૂક આપવાની સાથે જ દમદાર એન્જીન અને આધુનિક ફીચર્સ પણ વધારવામાં આવ્યા છે. આ કારને દેશના માર્ગો પર પેટ્રોલ અને ડીઝલ બન્ને વેરિએન્ટમાં રજૂ કરવામાં આવી છે. જેમાં કંપનીએ પેટ્રોલ વેરિએન્ટમાં 5.0 લીટરની ક્ષમતા વી8 સુપરચાર્જ્ડ પેટ્રોલ એન્જીનનો પ્રયોગ કરવામાં આવ્યો છે.

જ્યારે ડીઝલ વેરિએન્ટમાં કંપનીએ 3.0 લીટરની ક્ષમતાના વી6 ટર્બોચાર્જ્ડ ડીઝલ એન્જીનનો પ્રયોગ કર્યો છે. રિયર વ્હીલ ડ્રાઇવિંગ અને 8-સ્પીડ ટ્રાંસમિશન ગિયરબોક્સ સાથેની નવી જગુઆર એક્સજે અલ્ટિમેટના ફીચર્સને જોઇને નિશ્ચયી તમે દંગ રહી જશો. તો ચાલો તસવીરોના માધ્યમથી જોઇએ, જગુઆરની આ નવી લગ્ઝરી સિડાન કારને.