જ્યારે ક્રિકેટના ભગવાન સચિનનો સામનો થયો આ રેસર સાથે

Published: Thursday, August 22, 2013, 13:20 [IST]

ક્રિકેટની પીચ પર પોતાના બેટ થકી રનનો વરસાદ કરનારા ક્રિકેટ જગતના ભગવાન તરીકેની ઉપાધી મેળવનારા ભારતીય માસ્ટર બ્લાસ્ટર સચિન તેંડુલકર માત્ર પોતાના બેટ થકી રોમાંચ ઉભો નથી કરતા, પરંતુ તેમના હાથ થકી તે કાર વડે રેસિંગ ટ્રેક પર પણ પોતાનો રોમાંચ ઉભો કરવા સક્ષમ છે, જેને જાણીને કદાચ તમે આશ્ચર્ય પામ્યા હશો.

જીહાં, સચિન તેંડુલકરને શરૂઆતથી જ કાર્સ અને સ્પીડ સાથે ખાસ્સો લગાવ છે. તાજેતરમાં ભારતીય બજારમાં પોતાની શાનદાર સિડાન કાર 3 સીરીઝને લોન્ચ કરનારી જર્મનીની પ્રમુખ કાર નિર્માતા કંપની બીએમડબલ્યુએ પોતાની નવી સ્પોર્ટ કાર બીએમડબલ્યુ 1 સીરીઝને રજૂ કરવાની ઘોષણા કરી છે. કંપનીએ આ કારને પણ સચિન સાથે જ બજારમાં ઉતારવાની યોજના બનાવી છે.

પરંતુ તે પૂર્વે કંપનીએ ખાસ તૈયારી કરી છે, જે દેશના યુવાનોને વધુ રોમાંચિત કરી દેશે. તો ચાલો તસવીરો અને વીડિયો થકી જોઇએ આખરે શું કનેક્શન છે બીએમડબલ્યુ 1 સીરીઝ અને સચિન તેંડુલકર વચ્ચે.

બીએમડબલ્યુની નવી કાર 3 સપ્ટેમ્બરે થશે લોન્ચ

બીએમબડબલ્યુ પોતાની આ નવી કાર 1 સીરીઝને આગામી 3 સપ્ટેમ્બરે ભારતીય બજારમાં રજૂ કરવા જઇ રહી છે.

સચિન તેંડુલકર સાથે તૈયાર કરાયો એક વીડિયો

કારને લોન્ચ કરવા માટે કંપનીએ 1 સીરીઝ સાથે સચિન તેંડુલકરનો એક વીડિયો તૈયાર કર્યો છે, જે સોશિયલ મીડિયામાં ઘણો લોકપ્રિય થયો છે.

વીડિયોમાં સચિન ચલાવી રહ્યાં છે આ કાર

આ વીડિયોમાં સચિન તેંડુલકરને આ કાર ચલાવતા દર્શાવવામાં આવ્યા છે. તે કેવી રીતે બીએમડબલ્યુ 1 સીરીઝીને પોતાની આંગળીઓના ઇશારે ટ્રેક પર કારને ચલાવી રહ્યાં છે.

સચિન સાથે વિશ્વ ચેમ્પિયન રેસર

સચિનની આ કલાકારીએ માત્ર તેમની શાનદાર ડ્રાઇવિંગ સ્કીલને મદદ નથી કરી પરંતુ તેમનો સાથ આપ્યો છે, દેશના જાણીતા રેસર અરમાન ઇબ્રાઇહમે, જે એફઆઇએ જીટી વિશ્વ ચેમ્પિયનના વિજેતા છે.

આ વખતે પણ સચિન સાથે બજારમાં ઉતારાશે કાર

કંપનીએ આ વખતે પણ સચિન તેંડુલકર સાથે જ પોતાની નવી કારને બજારમાં ઉતારવાની યોજના બનાવી છે.

વિશ્વ ચેમ્પિયનને પડકારતા સચિન

તો આગળની સ્લાઇડ પર ક્લિક કરીને વીડિયોમાં જૂઓ કે કેવી રીતે સચિન તેંડુલકર પોતાની શાનદાર ડ્રાફ્ટિંગથી અરમાન ઇબ્રાહિમને વધુ એક રેસ માટે પડકાર ફેંકી રહ્યાં છે.