ટી-ટ્વેન્ટી વર્લ્ડકપ: આજે ભારત અને ઇગ્લેંડ સામસામે ટકરાશે

કોલંબો, 23 સપ્ટેમ્બર: ભારતીય ક્રિકેટ ટીમ ટ્વેન્ટી-20 વર્લ્ડકપ અંતર્ગત રવિવારે ગ્રુપ-'એ' ના લીગ મુકાબલાની વિજેતા ટીમ ઇગ્લેંડ સાથે ટકરાશે. બંને ટીમો પહેલાંથી જ સુપર-8માં પ્રવેશી ચૂકી છે. આ મુકાબલો પ્રેમદાસા સ્ટેડિયમમાં રમાશે. બંને ટીમોએ પોતાના પ્રથમ મુકાબલામાં અફઘાનિસ્તાનને હરાવ્યું છે. ભારતે અફઘાનિસ્તાનને 23 રનથી માત આપી હતી જ્યારે ઇગ્લેંડે અફઘાનિસ્તાનને 116 રન હરાવ્યું હતું. આવામાં બંને ટીમો લક્ષ્ય પોતાના વિજય અભિયાન ટકાવી રાખવાનું રહેશે.

અફઘાનિસ્તાન જેવી ટીમ વિરૂદ્ધ ભારતના વિસ્ફોટક બેસ્ટમેન વિરેન્દ્ર સહેવાગ અને ગૌતમ ગંભીરની જોડી ખાસ જાદૂ બતાવી શક્યા ન હતા. બંને બેસ્ટમેનો સસ્તામાં આઉટ થઇ ગયા હતા. વિરાટ કોહલી એક એવો બેસ્ટમેન છે જે સતત સારૂ પ્રદર્શન કરી રહ્યો છે.

વિરાટ કોહલી અફઘાનિસ્તાન વિરૂદ્ધ સૌથી વધુ 50 રન બનાવ્યા હતા. મધ્યક્રમને મજબૂત બનાવવાની જવાબદારી યુવરાજ સિંહ, સુરેશ રૈના, મહેન્દ્રસિંહ ધોની અને રોહિત શર્માની છે. અનુભવી બોલર ઝહિરખાનનું ખરાબ ફોર્મ ચિંતાનો વિષય છે જ્યારે ઇરફાન પઠાન અને લક્ષ્મીપતિ બાલાજી હાલમાં સારા ફોર્મમાં છે.

અનુભવી બોલર હરભજન સિંહ અને રવિચંદ્રન અશ્વિનમાંથી ગમે તે એકનો સમાવેશ કરવામાં આવી શકે છે. ઇગ્લેંડ ટીમે પ્રથમ મેચમાં જીત મેળવતાં તેનો આત્મવિશ્વાસ મજબૂત જોવા મળી રહ્યો છે. લ્યૂક રાઇટે અફઘાનિસ્તાન વિરૂદ્ધ અણનમ 99 રન ફટકારી સ્પષ્ટ કરી દિધુ છે કે આગામી મેચોમાં પોતાનું પ્રદર્શન બતાવવા માટે ઉત્સાહીત છે.

ક્રેગ કીસવેટર, એલેક્સ હાલેસ, ઇયોન મોર્ગન, જોસ બટલર અને જોની બેયરસ્ટો લોન્ગ શૉટ્સ રમવા માટે સક્ષમ છે. ફાસ્ટ બોલરની જવાબદારી કેપ્ટન સ્ટુઅર્ટ બ્રૉદ, સ્ટીવન ફિન અને ઝેડ ડર્નબાક સંભાળશે. ઇગ્લેંડની ટીમ પાસે ગ્રીમ સ્વાન અને સમિત પટેલના રૂપ બે સ્પિનર છે.

English summary

India and England have both secured Super Eight berths but that will not stop them from giving their best in Sunday's night clash in the ICC World Twenty20 2012.