પ્રેક્ટિસ મેચમાં ભારતને 5 વિકેટે હરાવી પાકિસ્તાને મેળવ્યો વિજય

કોલંબો, 17 સપ્ટેમ્બર: T20 ની બીજી પ્રેક્ટિસ મેચમાં પાકિસ્તાને ભારતને હરાવી વિજય મેળવ્યો છે. 186 રનના ટાર્ગેટનો પીછો કરતાં પાકિસ્તાનની ટીમે ભારતને 5 વિકેટે હરાવી દીધી છે. આ પહેલાં ભારતે 20 ઓવરમાં 3 વિકેટના નુકસાન પર 185 રન બનાવ્યા હતા.

શરૂઆતમાં વિકેટો ગુમાવતાં પાકિસ્તાનની સ્થિતી નબળી લાગતી હતી, પરંતુ કામરન અકમલ અને શોએબ મલિકના શાનદાર પ્રદર્શનના કારણે પાકિસ્તાને આ મેચ પર કાબૂ મેળવી વિજય પ્રાપ્ત કરવામાં સફળતા મેળવી હતી.

ભારતીય કેપ્ટન મહેન્દ્ર સિંહ ધોનીએ ટૉસ જીતી બેટિંગ કરવાનો નિર્ણય કર્યો છે. ભારતની શરૂઆત સારી રહી હતી, પરંતુ ચોથી ઓવરમાં ગંભીરની વિકેટ પડી ગઇ હતી. બીજી તરફ વિરાટ કોહલી શાનદાર પ્રદર્શન કરતાં 75 રન બનાવી અણનમ રહ્યો હતો. છેલ્લાં સમયથી ખરાબ ફોર્મમાં જોવા મળતા રોહિત શર્મા 56 રનની જોરદાર ઇનિંગ રમ્યો હતો. જ્યારે પાકિસ્તાનના સઇદ અજમલે 22 રન આપી 2 વિકેટો પ્રાપ્ત કરી હતી.

English summary

Kamran Akmal's magnificent half century took Pakistan to a five-wicket victory in the last over against India in their warm-up match ahead of the ICC World Twenty20 2012 here on Monday. Pakistan chased down the target of 186 with five balls to spare.