IPL-6 : પૂણે વોરિયર્સે કોલકાત્તાને 7 રને પછાડ્યું, તસવીરો

Updated: Thursday, May 16, 2013, 12:39 [IST]

રાંચી, 16 મે : આઇપીએલની છઠ્ઠી સિઝનમાં બુધવારે થયેલા મુકાબલામાં ઝારખંડ ક્રિકેટ સંઘના મેદાન પર પૂણે વોરિયર્સ ઇન્ડિયાએ હાલની ચેમ્પિયન કોલકાતા નાઇટ રાઇડર્સને સાત રનોથી હરાવી દીધું. વોરિયર્સ પાસેથી મળેલ 171 રનોના લક્ષ્યનો પીછો કરવા ઉતરેલી કોલકાત્તાની આખી ટીમ 20 ઓવરમાં સાત વિકેટ ગુમાવીને માત્ર 163 રન જ બનાવી શકી.

પૂણે વોરિયર્સે કોલકાત્તાને 7 રને પછાડ્યું

કોલકાત્તા નાઇટ રાઇડર્સની શરૂઆત સારી ના રહી અને શરૂઆતી ત્રણ વિકેટ પાંચ ઓવરની અંદર જ ગુમાવી દીધી. કપ્તાન ગૌતમ ગંભીર 12 રન જ બનાવી શક્યો. કાલિસ અને બિસલા એક એક રન જ બનાવી શક્યા. ચોથી વિકેટ માટે યૂસુફ પઠાણે શાનદાર 72 અને રયાન ડોએસેટે 42 રન બનાવ્યા. જોકે નાઇટરાઇડર્સે છેલ્લી ચાર ઓવરમાં પઠાણ સહિત ત્રણ વિકેટ ગુમાવી અને 36 રન જ બનાવી શકી.

પઠાણે 44 બોલોમાં 8 ચોગ્ગા અને બે છગ્ગા લગાવ્યા અને ડોલસેટે 30 બોલમાં બે ચોગ્ગા અને એક છગ્ગા લગાવ્યા. વોરિયર્સે આ મેચમાં નાઇટ રાઇડર્સની સામે 8 બોલરોનો ઉપયોગ કર્યો. વેન પર્નેલે બે વિકેટ ઝડપી તથા ભુવનેશ્વર કુમાર અને ઇશ્વર પાંડેયે એક-એક વિકેટ ઝડપી.