IND vs NZ : ભારત-ન્યૂઝીલેન્ડના મુકાબલાનું પરિણામ આ 5 ખેલાડીઓ નક્કી કરશે, જાણો ભારતનું પલ્લુ કેટલુ ભારે?

ભારત અને ન્યૂઝીલેન્ડ વચ્ચેના હાઈપ્રોફાઈલ સેમિફાઈનલ મુકાબલાની ફેન્સ આતુરતાથી રાહ જોઈ રહ્યા છે. આ મેચમાં તમામ ક્રિકેટ પ્રેમીઓની નજર કેટલાક ખાસ ખેલાડીઓ પર રહેશે.

વિરાટ કોહલી
વર્લ્ડ કપ 2023ના લીગ સ્ટેજમાં વિરાટ કોહલી સૌથી વધુ રન બનાવનાર ખેલાડી રહ્યો છે. કોહલીએ લીગ મેચોની 9 ઇનિંગ્સમાં 99ની એવરેજથી 594 રન બનાવ્યા છે. સેમિફાઇનલમાં કોહલી પાસેથી પુરા ભારતને મોટી આશા છે.

કેન વિલિયમસન
ન્યૂઝીલેન્ડના કેપ્ટન કેન વિલિયમસન વર્લ્ડ કપ 2023માં માત્ર ત્રણ જ મેચ રમ્યો છે પરંતુ તેણે શાનદાર પ્રદર્શન કર્યું છે. બાંગ્લાદેશ સામેની તેની પ્રથમ મેચમાં તેણે અણનમ 78 રનની ઈનિંગ રમી. બીજી મેચમાં તેણે પાકિસ્તાન સામે 95 રન બનાવ્યા અને શ્રીલંકા સામેની ત્રીજી મેચમાં તેણે 14 રન બનાવ્યા હતા. ક્રિકેટ ચાહકો સેમિફાઇનલમાં તેની પાસેથી સારી ઇનિંગની અપેક્ષા રાખશે.

રોહિત શર્મા
ભારતીય કેપ્ટન અને ઓપનર રોહિત શર્મા ખૂબ જ સારા ફોર્મમાં જોવા મળી રહ્યો છે. તેણે લીગ મેચોની 9 ઇનિંગ્સમાં 55.89ના સ્ટ્રાઇક રેટથી 503 રન બનાવ્યા છે. રોહિત શર્માએ ટૂર્નામેન્ટમાં ટીમને શાનદાર શરૂઆત અપાવી છે. આવી સ્થિતિમાં ભારતીય ચાહકો સેમિફાઇનલમાં રોહિત પાસેથી સારી ઇનિંગની આશા રાખશે.

રચિન રવિન્દ્ર
ન્યૂઝીલેન્ડના યુવા ઓલરાઉન્ડર રચિન રવિન્દ્રએ પોતાના પ્રથમ વર્લ્ડ કપમાં બેટથી ધમાલ મચાવી છે. રચિને ટૂર્નામેન્ટની 9 લીગ મેચોમાં 3 સદી ફટકારી છે. તે લીગ સ્ટેજ પછી ટૂર્નામેન્ટમાં ત્રીજો સૌથી વધુ રન બનાવનાર ખેલાડી છે. રચિને 9 ઇનિંગ્સમાં 70.62ની એવરેજથી 565 રન બનાવ્યા છે.

ટ્રેન્ટ બોલ્ટ
આ મેચમાં બધાની નજર ન્યુઝીલેન્ડના ડાબા હાથના ઝડપી બોલર ટ્રેન્ટ બોલ્ટ પર રહેશે. ભારતીય બેટ્સમેનો ડાબા હાથના ઝડપી બોલરો સામે નિષ્ફળ રહ્યા છે. આવી સ્થિતિમાં તમામની નજર બોલ્ટના પ્રદર્શન પર રહેશે.

English summary

IND vs NZ : These 5 players will decide the result of India-New Zealand match