સેમિફાઇનલમાં રિઝર્વ ડે બાદ પણ ઓવરો કપાશે? જાણો આઈસીસીના બે નવા નિયમો

ભારત અને ન્યૂઝીલેન્ડ વચ્ચે રમાવા જઈ રહેલા મુકાબલાની ફેન્સ આતુરતાથી રાહ જોઈ રહ્યા છે. ફેન્સ પ્રાથના કરી રહ્યા છે કે વરસાદ વિલન ન બને.

ભારત અને ન્યૂઝીલેન્ડ વચ્ચેનો આ મુકાબલો મુંબઈના વાનખેડે સ્ટેડિયમમાં રમાશે. વર્લ્ડ કપમાં ભારતીય ટીમ અત્યાર સુધી એક પણ મેચ હારી નથી અને શાનદાર ફોર્મમાં છે.

આઈસીસીએ સેમીફાઈનલ અને ફાઈનલ માટે વરસાદની સ્થિતી માટે પહેલાથી જ વ્યવસ્થા કરી છે. વરસાદ પડે તો એક રિઝર્વ ડે રખાયો છે. છેલ્લી ત્રણ મેચ માટે રિઝર્વ ડે રખાયો છે. અગાઉ લીગ તબક્કાની મેચોમાં રિઝર્વ ડેનો વિકલ્પ નહોતો.

વરસાદ આવે તો મેચને રિઝર્વ ડે પર શિફ્ટ કરી શકાય છે. હવે સવાલ એ પણ ઉઠી રહ્યો છે કે શું રિઝર્વ ડે હોવા છતાં વરસાદના કારણે ઓવરો ઓછી થશે? તો તેનો જવાબ હા છે. વરસાદ બાદ પણ અમ્પાયરો પ્રથમ દિવસે જ મેચ પૂર્ણ કરવાનો પ્રયાસ કરશે.

મેચ પૂર્ણ કરવા અમ્પાયર પ્રથમ દિવસે ઓવર કાપીને તેને પૂર્ણ કરાવી શકે છે. જો પ્રથમ દિવસે મેચ દરમિયાન 19 ઓવર રમાય અને વરસાદને કારણે મેચ બંધ કરવામાં આવે તો ઓવરો કાપવામાં આવશે. તે જ દિવસે 46 ઓવરની મેચ યોજીને સેમિફાઇનલ પૂર્ણ કરવાના પ્રયાસો કરવામાં આવશે.

ઓવરો કાપીને 46 ઓવરની મેચ રાખવાનો નિર્ણય લીધા પછી જો 1 ઓવર નાખવામાં આવે અને વરસાદને કારણે આગળ મેચ ન રમાય તો બીજા દિવસે પણ રમત એટલી જ ઓવરની હશે. રિઝર્વ ડેમાં પણ બંને ટીમો માત્ર 46-46 ઓવરની મેચ રમશે.

ICC નો એક બીજો નિયમ છે. જેમાં 50 ઓવર રમવાના પ્રયાસો કરવામાં આવશે. જો પ્રથમ દિવસે વરસાદ પછી 46 ઓવરની મેચ નક્કી કરવામાં આવે અને બોલ ફેંકવામાં ન આવે તો બીજા દિવસે સંપૂર્ણ 50 ઓવરની મેચ રમાશે.

બોલ ફેંક્યા બાદ કટ ઓવરો રમવામાં આવશે. જો બોલ ફેંકવામાં આવે તે પહેલા ફરી વરસાદ પડે અને મેચ ન રમાય તો બીજા દિવસે 50 ઓવરની મેચ રમાશે. બીજા દિવસે પણ વરસાદ પડશે તો ઓવર કટનો વિકલ્પ રહેશે.

English summary

IND vs NZ: Overs cut in semi-final even after reserve day? Know the two new ICC rules