IND vs NZ : શ્વાસ થંભાવી દેનારા મેચમાં ભારતની 12 રને જીત, બ્રેસવેલની સદી એળે ગઈ

પ્રથમ મેચમાં ભારતે 12 રને જીત મેળવી છે. બેટીંગ માટે પહેલા મૈદાનમાં ઉતરેલી ટીમ ઈન્ડિયાએ 8 વિકેટે 350 રનનો મોટો ટાર્ગેટ ન્યૂઝીલેન્ડને આપ્યો હતો.

ભારત અને ન્યૂઝીલેન્ડ વચ્ચે રમાઈ રહેલી વન ડે સિરીઝની પ્રથમ મેચમાં ભારતે 12 રને જીત મેળવી છે. બેટીંગ માટે પહેલા મૈદાનમાં ઉતરેલી ટીમ ઈન્ડિયાએ 8 વિકેટે 350 રનનો મોટો ટાર્ગેટ ન્યૂઝીલેન્ડને આપ્યો હતો. ભારત તરફથી શુભમન ગીલે બેવડી સદી ફટકારતા 208 રનની ધમાકેદાર ઈનિંગ રમી હતી. જવાબમાં ન્યૂઝીલેન્ડની ટીમ 337 રન જ બનાવી શકી હતી.

ભારતને વધુ એક વખત ઓપનરોએ સારી શરૂઆત અપાવી હતી. રોહિત શર્મા અને શુભમન ગિલેસારી શરૂઆત કરતા પ્રથમ વિકેટ માટે 60 રન બનાવ્યા હતા. રોહિત શર્મા 34 રનના વ્યક્તિગત સ્કોર પર આઉટ થયા બાદ વિરાટ કોહલી અને ઈશાન કિશન પણ અનુક્રમે 8 અને 5 રન બનાવીને પેવેલિયન પરત ફર્યા હતા. જો કે ન્યૂઝીલેન્ડ હાવી થાય ત પહેલા શુભમન ગીલે તખરાટ મચાવ્યો હતો.

શુભમન ગિલે એક છેડો સાચવ્યો અને આ દરમિયાન સૂર્યકુમાર યાદવ અને હાર્દિક પંડ્યા સાથે ઉપયોગી ભાગીદારી કરી. અહીં પંડ્યા વિવાદાસ્પદ રીતે આઉટ થતા ગિલે સદી પુરી કરી ધમાલ મચાવી દીધી હતી. ગિલે ફર્ગ્યુસનની ઓવરમાં સતત ત્રણ છગ્ગા ફટકારીને પોતાની બેવડી સદી પુરી કરી હતી. ગિલે તેની ત્રીજી વનડે સદી અને પહેલી બેવડી સદી ફટકારતા 149 બોલમાં 208 રન બનાવ્યા હતા. આ દરમિયાન તેણે 19 ચોગ્ગા અને 9 છગ્ગા ફટકાર્યા. ટીમને 8 વિકેટે 349 રન સુધી પહોંચાડવામાં તેણે મહત્વની ભૂમિકા ભજવી.

ભારત તરફથી બોલિંગમાં સિરાજે ડેવોન કોનવેને 10 રનના વ્યક્તિગત સ્કોર પર આઉટ કર્યો હતો. આ પછી શાર્દુલ ઠાકુરે ફિન એલનને 40 રને પેવેલિયન મોકલ્યો હતો. અહીં હેનરી નિકોલ્સ 18 અને ડેરીલ મિશેલ 4 રન બનાવીને આઉટ થયા હતા.

ખરાબ શરૂઆત બાદ ન્યૂઝીલેન્ડની ટીમે 131ના સ્કોરે 6 વિકેટ ગુમાવી દીધી હતી. જો કે અહીંથી મિશેલ બ્રેસવેલ અને મિશેલ સેન્ટનરે સદીની ભાગીદારી કરી હતી. બ્રેસવેલે 57 બોલમાં સદી ફટકારીને એક સમયે ભારતને ટેન્શન આપી દીધુ હતુ. સેન્ટનર અડધી સદી બાદ આઉટ થયા બાદ ફણ બ્રેસવેલ ક્રિઝ પર રહ્યો અને તે છેલ્લી ઓવરમાં 78 બોલમાં 140 રન બનાવીને આઉટ થયો. આ રીતે ભારતીય ટીમે કિવી ટીમને ચાર બોલ પહેલા ઓલઆઉટ કરીને મેચ જીતી લીધી.ભારત તરફથી સિરાજે 4, કુલદીપ અને શાર્દુલે 2-2 વિકેટ લીઘી હતી.

English summary

IND vs NZ: India win by 12 runs in a breathtaking match