IPL સ્પૉટ ફિક્સિંગ: પૂર્વ રણજી ક્રિકેટર બાબૂરાવની ધરપકડ

By Kumar Dushyant

Published: Tuesday, May 21, 2013, 10:53 [IST]

નવી દિલ્હી, 21 મે: પૂર્વ રણજી ક્રિકેટર બાબૂરાવ યાદવને આઇપીએલ સ્પૉટ ફિક્સિંગ મુદ્દે ધરપકડ કરી લીધી છે. પોલીસે કહ્યું હતું કે તે ત્રણેય ખેલાડીઓ અને કેટલાક સટોડીયાની કસ્ટડીની સમયમર્યાદા વધારવાની માંગ કરી રહ્યાં છે.

પોલીસ સૂત્રોના જણાવ્યા અનુસાર બાબૂરાવ યાદવની ગઇકાલે દિલ્હીથી ધરપકડ કરવામાં આવી હતી. અજીત ચંદીલા સાથે તેના સંબંધો અંગે પુછપરછ કરવામાં આવી હતી. બાબૂરાવ યાદવે જ અજીત ચંદીલાની સુનીલ ભાટિયા સાથે મુલાકાત કરાવી હતી. જેની પહેલાંથી ધરપકડ કરવામાં આવી છે.

અત્યાર સુધીમાં કુલ 18 લોકોની આ કેસમાં ધરપકડ કરવામાં આવ્યાં છે જેમાં ત્રણ આઇપીએલ ખેલાડી, ચાર પૂર્વ ખેલાડી અને 11 સટોડીયા અને તેમના સાથીઓનો સમાવેશ થાય છે. પોલીસ સૂત્રોના જણાવ્યા અનુસાર ધરપકડ કરવામાં આવેલા ત્રણ ખેલાડીઓ એસ શ્રીસંત, અજીત ચંદીલા અને અંકિત ચૌહાણની કસ્ટડી વધારવાની માંગણી કરી રહ્યાં છે. ત્રણેય ખેલાડીઓ અને બધા આરોપી બુકીને મંગળવારે કોર્ટમાં રજૂ કરવામાં આવશે.

Published On May 21, 2013