World Cup 2023 : વર્લ્ડ કપ ઇતિહાસમાં પહેલી વખત, ઈંગ્લેન્ડની ટીમના નામે નોંધાયો અનોખો રેકોર્ડ

By Desk

Published: Thursday, October 5, 2023, 20:37 [IST]

અમદાવાદના નરેન્દ્ર મોદી ક્રિકેટ સ્ટેડિયમથી ક્રિકેટ વર્લ્ડ કપની શરૂઆત થઈ છે. અહીં પહેલા મુકાબલામાં ન્યૂઝીલેન્ડ અને ઈંગ્લેન્ડ સામસામે છે. ડિફેન્ડિંગ ચેમ્પિયન ઈગ્લેન્ડે પહેલા બેટિંગ કરતા એક અનોખો રેકોર્ડ નોંધાવ્યો છે.

વર્લ્ડકપના પહેલા મુકાબલમાં ઈંગ્લેન્ડના બેટ્સમેનો ન્યૂઝીલેન્ડ સામે કંઈ ખાસ ન કરી શક્યા ન પરંતુ એક રેકોર્ડ પોતાના નામે કરી લીધો. આ રેકોર્ડ વર્લ્ડકપમાં પહેલા ક્યારેય જોવા મળ્યો નથી. આ પહેલી ઘટના છે.

ઈંગ્લેન્ડની બેટિંગ દરમિયાન એક પણ બેટ્સમેન એવો નહોતો જે સિંગલ ડિજિટમાં આઉટ થયો હોય. તમામ 11 બેટ્સમેનોએ બે આંકડામાં રન બનાવ્યા. આવું પહેલીવાર જોવા મળ્યું છે. જોસ બટલરની ટીમે આ વર્લ્ડ રેકોર્ડ બનાવ્યો છે. પુરુષ અને મહિલા ક્રિકેટમાં આ પહેલા ક્યારેય જોવા મળ્યું નથી.

વિશ્વ ક્રિકેટમાં આવું પહેલીવાર થઈ રહ્યું છે. આ એક એવો રેકોર્ડ છે જે તેની રીતે સર્જાયો છે. તેને બનાવવા માટે કોઈએ કોઈ પ્રયાસ કર્યા નથી. ઈંગ્લેન્ડના બેટ્સમેનો તેમની ટીમને આગળ લઈ જવાના પ્રયાસમાં આઉટ થતા ગયા અને રેકોર્ડ બની ગયો.

ઈંગ્લેન્ડની ટીમ બેટિંગમાં ખાસ કંઈ કરી ન શકી. જો રૂટ એકમાત્ર એવો બેટ્સમેન હતો જેની 77 રનની ઇનિંગ જોવા મળી. અન્ય બેટ્સમેન કેટલાક રન બનાવીને યોગદાન આપ્યું અને ઈંગ્લેન્ડે 282 રનનો સન્માનજનક સ્કોર બનાવ્યો. જો કે વધુ રન બની શકતા હતી.

Published On October 5, 2023