World Cup 2023: આજે ઑસ્ટ્રેલિયા-શ્રીલંકા વચ્ચે કાંટાની ટક્કર, જાણો ઈકાના સ્ટેડિયમનો પિચ અને વેધર રિપોર્ટ

World Cup 2023, Australia vs Sri Lanka: આઈસીસી ક્રિકેટ વર્લ્ડ કપની 14મી મેચમાં આજે 16 ઓક્ટોબરે ઑસ્ટ્રેલિયા અને શ્રીલંકા વચ્ચે રોમાંચક મેચ રમાશે. બંને ટીમો વચ્ચેની આ મેચ લખનઉના ઈકાના ક્રિકેટ સ્ટેડિયમમાં બપોરે 2 વાગ્યાથી રમાશે.

ઑસ્ટ્રેલિયા વર્લ્ડ કપમાં અત્યાર સુધી છેલ્લા સ્થાને છે, તેણે તેની બંને મેચ ગુમાવી છે. બીજી તરફ શ્રીલંકાને પણ બે હારનો સામનો કરવો પડ્યો છે.

ઑસ્ટ્રેલિયાએ શ્રીલંકા સામે અત્યાર સુધીમાં 103 વનડે મેચ રમી છે. આ દરમિયાન ઑસ્ટ્રેલિયાએ 63 મેચ જીતી છે, જ્યારે શ્રીલંકાએ માત્ર 36 મેચ જીતી છે. 4 મેચમાં કોઈ પરિણામ આવ્યું ન હતું. આ બંને ટીમો વર્લ્ડ કપમાં 11 વખત સામસામે આવી ચુકી છે અને તેમાંથી ઑસ્ટ્રેલિયાએ 8 વખત જીત મેળવી છે. શ્રીલંકા માત્ર બે વખત જીત્યું છે.

ઑસ્ટ્રેલિયા વિ શ્રીલંકા પિચ રિપોર્ટ

લખનઉમાં ઈકાના ક્રિકેટ સ્ટેડિયમ ઐતિહાસિક રીતે સ્પિનરો માટે ખૂબ મદદરૂપ માનવામાં આવે છે. ધીમી પિચને કારણે ઘણી વખત ઓછા સ્કોરિંગ મેચો થાય છે. બેટ્સમેનોએ શરૂઆતમાં ચોગ્ગા અને છગ્ગા ફટકારવા માટે થોડી મહેનત કરવી પડી શકે છે. જો કે પીચ પર થોડો સમય વિતાવ્યા બાદ બેટ્સમેનો મોટી ઇનિંગ્સ રમી શકે છે. જેમ-જેમ મેચ આગળ વધશે તેમ ફાસ્ટ બોલરોને પણ મદદ મળવા લાગશે, અહીં ઑસ્ટ્રેલિયા વિરુદ્ધ દક્ષિણ આફ્રિકાની અગાઉની મેચમાં ઑસ્ટ્રેલિયાની 10માંથી 6 વિકેટ દક્ષિણ આફ્રિકાના ફાસ્ટ બોલરોએ લીધી હતી.

આજે લખનઉમાં કેવું રહેશે હવામાન?

AccuWeather અનુસાર, લખનઉમાં આજે દિવસ દરમિયાન માત્ર 4% વરસાદની શક્યતા છે. આવી સ્થિતિમાં, દર્શકોને કોઈપણ સમસ્યા વિના અહીં આખી મેચ જોવા મળશે. લખનઉમાં મહત્તમ તાપમાન 33 ડિગ્રી અને લઘુત્તમ 22 ડિગ્રી સેલ્સિયસ રહેશે. જો કે બીજી ઇનિંગ્સમાં ઝાકળ મહત્વની ભૂમિકા ભજવી શકે છે.

ઑસ્ટ્રેલિયાની સંભવિત પ્લેઈંગ ઈલેવન

ડેવિડ વૉર્નર, મિચેલ માર્શ, સ્ટીવ સ્મિથ, માર્નસ લાબુશેન, ગ્લેન મેક્સવેલ, જોશ ઈંગ્લિસ (વિકેટકીપર), માર્કસ સ્ટોઈનીસ, પેટ કમિન્સ (કેપ્ટન), મિચેલ સ્ટાર્ક, એડમ ઝમ્પા, જોશ હેઝલવુડ.

શ્રીલંકાની સંભવિત પ્લેઈંગ ઈલેવન

પથુમ નિસાંકા, કુસલ પરેરા, કુસલ મેન્ડિસ (કેપ્ટન), સદિરા સમરવિક્રમા, ચેરિથ અસલાંકા, ધનંજય ડી સિલ્વા, દુશાન હેમંથા/ચમિકા કરુણારત્ને, ડુનિથ વેલાલેજ, મહિષ થિક્ષાના, કાસુન રાજીથા/લહિરુ કુમારા, દિલશાન મદુશંકા.

English summary

World Cup 2023: Australia vs Sri Lanka match, Lucknow weather forecast and Ekana cricket stadium pitch report.