પાકિસ્તાન સામેની મેચ પહેલા બોલ્યો શિખર ધવન, કહ્યું - વર્લ્ડ કપમાં જે થાય તે પણ...

Asia Cup 2023: એશિયા કપ 2023 અંતર્ગત ભારત અને પાકિસ્તાન વચ્ચે 2 સપ્ટેમ્બરના રોજ શ્રીલંકાના કેન્ડીમાં રમવામાં આવશે. જે બાદ ક્રિકેટ પ્રેમીઓની અધિરાઇ વધી ગઇ છે. જે બાદ આઇસીસી વનડે વર્લ્ડ કપમાં બંને ટીમો 15 ઓક્ટોબરના રોજ ટકરાશે. આ બે મોટી ઇવેન્ટથી પહેલા ટીમ ઇન્ડિયાના સ્ટાર બેટ્સમેન શિખર ધવને પ્રતિક્રિયા આપી છે.

ઉલ્લેખનીય છે કે, શિખર ધવન ઘણા સમયથી ટીમ ઈન્ડિયાની બહાર ચાલી રહ્યો છે. તેમણે 2021 માં તેનું T20I સ્થાન ગુમાવ્યું છે. આ પછી ગયા વર્ષે ખરાબ પ્રદર્શનને કારણે તેને ODI ટીમમાંથી પણ પડતો મૂકવામાં આવ્યો હતો. જોકે, ધવન આ મહિનાના અંતમાં પાકિસ્તાન અને શ્રીલંકામાં શરૂ થનારા એશિયા કપનો ભાગ હશે, પરંતુ નવી ભૂમિકામાં જોવા મળશે. તે નિષ્ણાત તરીકે સ્ટાર સ્પોર્ટ્સની બ્રોડકાસ્ટ ટીમનો ભાગ બની શકે છે.

મેચ વિશે વાત કરતાં, ધવને ભારતીય ક્રિકેટ ચાહકોમાં જૂના સંદેશને પુનરાવર્તિત કર્યો કે, પરિણામ ગમે તે હોય, વર્લ્ડ કપમાં પાકિસ્તાન સામે ક્યારેય હારવું નહીં. શિખર ધવને સ્ટાર સ્પોર્ટ્સ પર વાતચીત દરમિયાન જણાવ્યું હતું કે, તમે વર્લ્ડ કપ જીતો કે ન જીતો, પરંતુ પાકિસ્તાન સામેની મેચ જીતવી મહત્વપૂર્ણ છે.

જે બાદ ધવને હસતા જણાવ્યું હતું કે, વર્લ્ડ કપ જીતવો પણ જરૂરી છે. ભગવાનની કૃપાથી આશા છે કે, અમે જીતીશું. ચોક્કસપણે ઉત્તેજના છે (પાકિસ્તાન રમતી વખતે) પરંતુ ઘણું દબાણ પણ હોય છે.

મેચ પૂરી થાય ત્યારે તેની સામે રમવું એ ચોક્કસપણે સંતોષકારક લાગણી છે. જ્યારે પણ હું પાકિસ્તાન સાથે રમ્યો છું, મોટાભાગે અમે જીત્યા છીએ. જોકે બાદમાં સ્ટાર સ્પોર્ટ્સે આ વીડિયોને તેના ટ્વિટર હેન્ડલ પરથી હટાવી દીધો હતો.

અત્રે નોંધનીય છે કે, ભારત 2 સપ્ટેમ્બરના રોજ પાકિસ્તાન સામે તેના અભિયાનની શરૂઆત કરશે અને તેના એક દિવસ પછી નેપાળ સામે ટકરાશે. પાકિસ્તાન અને શ્રીલંકા એશિયા કપની સહ યજમાની કરશે.

પડોશી દેશ વચ્ચેના રાજકીય તણાવ વચ્ચે ભારત સરકાર મેન ઇન બ્લુને પાકિસ્તાન મોકલવા તૈયાર ન હોવાથી, ACC એ શ્રીલંકાને બીજા યજમાન દેશ તરીકે સામેલ કરવું પડ્યું હતું.

પાકિસ્તાન એશિયા કપના ભાગ રૂપે ચાર મેચોની યજમાની કરશે, જેમાં પ્રથમ મેચ મુલતાનમાં થશે, જ્યારે લાહોરમાં બે ગ્રુપ મેચ અને એક નોકઆઉટ મેચની યજમાની કરશે. ફાઈનલ સહિતની બાકીની મેચો શ્રીલંકામાં રમાશે.

English summary

Shikhar Dhawan spoke before the IND VS PAK world cup match, said - Whatever happens in the World Cup