IPLના ડિજીટલ રાઇટ્સમાં રિલાયન્સે મારી બાજી, હવે હોટસ્ટારની જગ્યાએ અહી જોઇ શકશો લાઇવ

રિલાયન્સે ઈન્ડિયન પ્રીમિયર લીગના 2023થી 2027 ચક્ર માટે ચાલી રહેલી મીડિયા રાઈટ્સ બિડિંગમાં સોની, ડિઝની અને અનેક મોટા મીડિયા દિગ્ગજોને હરાવ્યા છે અને ભારતમાં ઓનલાઈન મેચોના લાઈવ પ્રસારણના અધિકારો જીત્યા છે. રિલાયન્સની મીડિયા કંપની VIACOMએ IPL 2023-27નું પેકેજ B 20500 કરોડ રૂપિયામાં ખરીદ્યું છે, જેના કારણે ડિજિટલમાં પ્રતિ મેચની કિંમત 50 કરોડ રૂપિયા પ્રતિ મેચ પર પહોંચી ગઈ છે.

આઈપીએલના મીડિયા અધિકારો માટે ચાલી રહેલી ઈ-ઓક્શનમાં ટીવીના રાઈટ્સ અન્ય કંપનીએ રૂ. 23575 કરોડમાં ખરીદ્યા છે અને 410 મેચોનું સમગ્ર પેકેજ રૂ. 44075 કરોડ સુધી પહોંચી ગયું છે. બે અલગ-અલગ બ્રોડકાસ્ટર્સે પેકેજ A અને પેકેજ B જીત્યા છે, જેણે મેચ દીઠ કિંમત રૂ.107.5 કરોડ પ્રતિ મેચ થઈ છે.

જ્યારે રિલાયન્સની VIACOM કંપનીએ ડિજિટલ રાઇટ્સ જીતી લીધા છે, ત્યારે ટીવી રાઇટ્સ વિજેતાનું નામ હજુ સુધી જાહેર કરવામાં આવ્યું નથી. આનો અર્થ એ થયો કે ભારતમાં IPL 2023 ની મેચો હવે Disney Hotstar ને બદલે Reliance ની Voot Select એપ પર ટેલિકાસ્ટ થશે અને ચાહકો હવે બિગ બોસની સાથે IPLનો આનંદ માણી શકશે.

નોંધનીય છે કે Voot પાસે FIFA વર્લ્ડ કપ 2022ના ડિજિટલ પ્રસારણ અધિકારો પણ છે. સ્ટાર ઇન્ડિયાએ 2017-2022 ચક્ર માટે રૂ. 16347.50 કરોડમાં IPL ડિજિટલ અને ટીવી અધિકારો જીત્યા. તે જ સમયે, સોની પિક્ચર્સે અગાઉ 10 વર્ષ માટે 8200 કરોડની બોલી લગાવીને ટીવીના મીડિયા અધિકારો જીતી લીધા હતા.

English summary

Reliance wins IPL digital rights, You can watch it live here instead of Hotstar