Ravindra jadeja Record: રવિન્દ્ર જાડેજાએ રચ્યો ઇતિહાસ, કરી ધોનીની બરાબરી

Published: Saturday, March 23, 2024, 11:38 [IST]

Ravindra jadeja Record: ઈન્ડિયન પ્રિમિયર લીગ (IPL 2024)ની 17 મી સિઝનની શરૂઆત થઇ ચૂકી છે. જેમાં ચેમ્પિયન ચેન્નાઇ સુપર કિંગ્સે પહેલી મેચ જીતી લીધી છે. આ સાથે પોઇન્ટ ટેબલમાં પોતાનું ખાતું ખોલાવ્યું છે. રોયલ ચેલેન્જર્સ બેંગ્લોર સામે ચેન્નાઇ સુપર કિંગ્સની બેટિંગ અને બોલિંગ બંને લયમાં જોવા મળી હતી.

આ મેચમાં ચેન્નાઈ સુપર કિંગ્સના સ્ટાર ઓલરાઉન્ડ ખેલાડી રવિન્દ્ર જાડેજાએ પણ બેટથી શાનદાર પ્રદર્શન કર્યું હતું, જેમાં તેણે 17 બોલમાં 25 રનની અણનમ ઈનિંગ રમી હતી અને અણનમ રહીને પેવેલિયન પરત ફર્યો હતો, અને ટીમને જીત તરફ દોરી ગઈ હતી. આ સાથે જાડેજાએ IPL ઈતિહાસમાં ધોનીના એક ખાસ રેકોર્ડની પણ બરાબરી કરી લીધી છે.

રોયલ ચેલેન્જર્સ બેંગ્લોર સામેની મેચમાં ચેન્નાઈ સુપર કિંગ્સ સામે 174 રનનો ટાર્ગેટ હતો, જે બાદ એક સમયે ટીમે 110 ના સ્કોર પર 4 વિકેટ ગુમાવી દીધી હતી. અહીંથી રવિન્દ્ર જાડેજાએ શિવમ દુબે સાથે મળીને માત્ર 18.4 ઓવરમાં 6 વિકેટે ટીમને જીત અપાવી હતી.

આ સાથે જાડેજા, IPL ના ઈતિહાસમાં જીતેલી મેચોમાં સૌથી વધુ વખત અણનમ રહેવાના સંદર્ભમાં ધોનીના રેકોર્ડની બરાબરી કરવામાં સફળ રહ્યો છે. IPL માં અત્યાર સુધી ધોની 27 વખત અણનમ પેવેલિયન પરત ફર્યો છે, અને મેચ જીતીને રન ચેઝ કરી ચૂક્યો છે. જાડેજા પણ 27 વખત આ સિદ્ધિ હાંસલ કરવામાં સફળ રહ્યો છે. દિનેશ કાર્તિક હવે આ યાદીમાં બીજા સ્થાને છે, જે સફળ રન ચેઝમાં 22 વખત અણનમ પેવેલિયન પરત ફર્યો છે.

રવીન્દ્ર જાડેજાનું બેટ અને બોલ બંને સાથેનું ફોર્મ IPLની 17મી સિઝનની પ્રથમ મેચમાં જોવા મળ્યું હતું. જેમાં તે 4 ઓવરમાં એક પણ વિકેટ લઈ શક્યો ન હતો, પરંતુ તેણે માત્ર 21 રન જ આપ્યા હતા.

CSK માટે સિઝનની પ્રથમ મેચમાં, મુસ્તાફિઝુર રહેમાને બોલ સાથે અદ્ભુત પ્રદર્શન કર્યું હતું, તેણે તેની 4 ઓવરમાં 29 રન આપીને 4 વિકેટ ઝડપી હતી. ચેન્નાઈ સુપર કિંગ્સે હવે આ સિઝનમાં તેની બીજી મેચ ગુજરાત ટાઇટન્સ સામે 26 માર્ચના રોજ એમએ ચિદમ્બરમ સ્ટેડિયમમાં રમવાની છે.

pic.twitter.com/wqeojoDqzo 𝗗𝗢 𝗡𝗢𝗧 𝗠𝗜𝗦𝗦! Two shots of excellence and composure! Finishing in style, the Ravindra Jadeja way 🙌#ChennaiSuperKings #TATAIPL #MSDhoni #RohitSharma #WhistlePodu #RCBvsCSK
— billu g (@user_anonymouss) March 21, 2024