Nitish rana : 15 સિક્સ સાથે નિતિશ રાણાની ધમાકેદાર સદી, વેસ્ટ દિલ્હી લાયન્સની જીત શાનદાર જીત

Nitish rana : દિલ્હી પ્રીમિયર લીગ (DPL 2025) ના એલિમિનેટર મુકાબલામાં વેસ્ટ દિલ્હી લાયન્સે સાઉથ દિલ્હી સુપરસ્ટાર્સને 7 વિકેટે હરાવીને ક્વોલિફાયર-2માં પોતાનું સ્થાન નિશ્ચિત કર્યું છે.

વેસ્ટ દિલ્હીની આ શાનદાર જીતનો હીરો રહ્યો ટીમનો કેપ્ટન નિતિશ રાણા. આ મહત્વપૂર્ણ મેચમાં રાણાનું બેટ ખુબ ચાલ્યું. તેણે ફક્ત 55 બોલમાં અણનમ 134 રન ફટકારીને પોતાની ટીમને જીત અપાવી.

આ મેચ દિલ્હીના અરુણ જેટલી સ્ટેડિયમમાં રમાઈ હતી. પહેલા બેટિંગ કરતા સાઉથ દિલ્હી સુપરસ્ટાર્સે 20 ઓવરમાં 201 રનનો મજબૂત સ્કોર બનાવ્યો હતો.

જવાબમાં 202 રનના વિશાળ લક્ષ્યનો પીછો કરવા ઉતરેલી વેસ્ટ દિલ્હીની શરૂઆત સારી નહોતી રહી. ટીમના બંને ઓપનર વહેલા આઉટ થતા દબાણ વધી ગયું હતું.

જો કે, કેપ્ટન નિતિશ રાણાએ ક્રિસ યાદવ સાથે 97 રનની મહત્વપૂર્ણ ભાગીદારી કરીને મેચનું પાસું પલટી નાખ્યું. એકવાર સેટ થયા બાદ રાણાએ તોફાની બેટિંગ શરૂ કરી અને ચોગ્ગા-છગ્ગાનો વરસાદ વરસાવી દીધો.

તેણે ફક્ત 55 બોલમાં 134 રનની અણનમ ઇનિંગ રમી જેમાં કવર ડ્રાઈવ, પુલ શૉટ્સ અને લૉન્ગ ઑન ઉપરથી શાનદાર શૉટ્સનો સમાવેશ થાય છે. આ ઇનિંગમાં 15 શાનદાર છગ્ગા જોવા મળ્યા.

વેસ્ટ દિલ્હી લાયન્સે 19મી ઓવરમાં જ મેચ જીતી લીધી અને આખા ડગઆઉટમાં ઉજવણીનો માહોલ છવાઈ ગયો.

English summary

Nitish Rana's Blazing Century with 15 Sixes Secures West Delhi Lions' Victory