IPL Records: રોહિત-કોહલીને પછાડીને સંજુ સેમસને રચ્યો ઇતિહાસ, આ મામલે બન્યો નંબર વન

IPL Records: સંજુ સેમસન IPL 2024માં ફુલ ફોર્મમાં જોવા મળી રહ્યો છે. સંજુ સેમસન રાજસ્થાન રોયલ્સની ટીમનો કેપ્ટન છે. સંજુ સેમસનની કપ્તાનીમાં IPL 2024 રમી રહેલી રાજસ્થાન રોયલ્સ ટીમને દિલ્હી કેપિટલ્સ સામે સિઝનની ત્રીજી હારનો સામનો કરવો પડ્યો હતો. 56મી મેચમાં દિલ્હી કેપિટલ્સે રાજસ્થાન રોયલ્સને 20 રને હરાવીને પ્લેઓફમાં જવાની આશા જીવંત રાખી છે.

આ મેચમાં સંજુ સેમસનની શાનદાર બેટિંગ જોવા મળી હતી. જોકે, સંજુ સેમસને પોતાની સદી પૂરી કરી શક્યો ન હતો, પરંતુ તેની 86 રનની ઈનિંગ્સમાં તેણે ધોની, રોહિત અને કોહલી જેવા દિગ્ગજોનો મોટો રેકોર્ડ તોડી નાખ્યો છે, અને સૌથી ઓછી ઈનિંગ્સ રમીને આ કારનામું કરનાર પ્રથમ ભારતીય બન્યો છે.

સેમસનની શાનદાર બેટિંગ - દિલ્હી કેપિટલ્સ તરફથી મળેલા 222 રનના ટાર્ગેટ ચેઝ કરતા સમયે રાજસ્થાન રોયલ્સની શરૂઆત સારી રહી ન હતી. યશસ્વી જયસ્વાલ 4 રન બનાવીને આઉટ થયો હતો. ત્રીજા નંબરે બેટિંગ કરવા આવેલા કેપ્ટન સંજુ સેમસને બટલર સાથે મળીને ઇનિંગને આગળ વધારી હતી.

બટલર પણ 19 રન બનાવીને આઉટ થયો હતો. તોફાની શૈલી અપનાવતા સેમસને 46 બોલમાં 86 રન ફટકારીને ટીમની જીતની આશા જગાવી હતી. જોકે, મોટા શોટનો પ્રયાસ કરતી વખતે તે બાઉન્ડ્રી પર કેચ આઉટ થયો હતો. તેના બેટમાંથી 8 ચોગ્ગા અને 6 છગ્ગા આવ્યા હતા. આ સાથે સેમસને IPLમાં ધોની, રોહિત અને કોહલીના સૌથી ઝડપી 200 સિક્સરનો રેકોર્ડ તોડી નાખ્યો હતો.

રેકોર્ડ બનાવ્યો - સેમસને આ મેચમાં IPLમાં પોતાના 200 સિક્સર પૂરા કર્યા હતા. આ સાથે તે IPLમાં 200 સિક્સર મારનાર વિશ્વનો 10મો બેટ્સમેન બન્યો છે. આ ઉપરાંત, સેમસને ઈનિંગ્સ અને બોલના સંદર્ભમાં સૌથી ઝડપી 200 છગ્ગા પૂરા કરવાનો એમએસ ધોનીનો લાંબા સમયથી રેકોર્ડ તોડ્યો હતો.

સેમસને 159 ઇનિંગ્સ અને 3081 બોલ રમીને 200 સિક્સ ફટકારી હતી. આ માઈલસ્ટોન સુધી પહોંચવા માટે ધોનીએ 165 ઇનિંગ્સ અને 3126 બોલનો સમય લીધો હતો. જ્યારે, રોહિત શર્માએ 185 ઇનિંગ્સ અને 3798 બોલ રમીને આ કારનામુ કર્યું હતું.

ગેલ-રસેલ પછી ત્રીજો ખેલાડી બન્યો - સંજુ સેમસન આન્દ્રે રસેલ અને ક્રિસ ગેલ પછી IPLમાં સૌથી ઝડપી 200 સિક્સર ફટકારનાર વિશ્વનો ત્રીજો બેટ્સમેન બની ગયો છે. જ્યાં સુધી બોલનો સામનો કરવાનો સવાલ છે, આ મામલે સેમસને આન્દ્રે રસેલ, ક્રિસ ગેલ, કિરોન પોલાર્ડ અને એબી ડી વિલિયર્સ પછી પોતાનું સ્થાન નિશ્ચિત કરી લીધું છે. તે પાંચમા નંબરે છે.

સૌથી ઝડપી 200 સિક્સર મારનાર ભારતીય (ઇનિંગ મુજબ)

• સંજુ સેમસન - 159 ઇનિંગ્સ
• એમએસ ધોની - 165 ઇનિંગ્સ
• વિરાટ કોહલી - 180 ઇનિંગ્સ
• રોહિત શર્મા - 185 ઇનિંગ્સ
• સુરેશ રૈના - 193 ઇનિંગ્સ

સૌથી ઝડપી 200 સિક્સર મારનાર ભારતીય (બોલની દ્રષ્ટિએ)

• સંજુ સેમસન - 3081 બોલ
• એમએસ ધોની - 3126 બોલ
• રોહિત શર્મા - 3798 બોલ

ટોપ-3માં પ્રવેશ - આ મેચમાં રમાયેલી 86 રનની ઇનિંગ્સ સાથે સંજુ સેમસન IPL 2024માં સૌથી વધુ રન બનાવવાના મામલે ત્રીજા સ્થાને પહોંચી ગયો છે. તેણે 11 મેચમાં 471 રન બનાવ્યા છે.

અત્યાર સુધી સેમસનના બેટમાંથી 5 અડધી સદી પણ જોવા મળી છે. વિરાટ કોહલી ટોપ પર છે, જેણે 11 મેચ રમીને 542 રન બનાવ્યા છે. ઋતુરાજ ગાયકવાડ તેને ટક્કર આપી રહ્યો છે. ઋતુરાજ 541 રન સાથે બીજા સ્થાને છે.

English summary

IPL Records: Sanju Samus creates history by beating Rohit-Kohli, becomes number one in this matter