IPL Playoffs : આઈપીએલ પ્લેઓફની ટિકીટની વેચાણ શરૂ, જાણો કેવી રીતે ખરીદવી?
આઈપીએલ 2024 ધીરે ધીરે અંતિમ તબક્કા તરફ આગળ વધી રહી છે. આઈપીએલના અંતિમ તબક્કા એટલે કે પ્લેઓફ માટેની ટીમોનું ચિત્ર ધીમે ધીમે સાફ થઈ રહ્યું છે ત્યારે હવે ટિકીટોનું વેચાણ પણ શરૂ થઈ ગયુ છે.
IPL 2024 ના પ્લેઓફ મુકાબલા 21 મેથી શરૂ થશે. આ માટે ટિકિટનું વેચાણ શરૂ થઈ ગયું છે. પ્લેઓફ મેચની સૌથી સસ્તી ટિકિટ 499 રૂપિયા છે. સૌથી મોંઘી ટિકિટ માટે તમારે 10,000 રૂપિયા ચૂકવવા પડશે.
આઈપીએલ 2024 પ્લેઓફની બે મેચ અમદાવાદમાં રમાશે અને એક મેચ ચેન્નાઈમાં રમાશે. ફેન્સ આના માટે ઓનલાઈન ટિકિટ ખરીદી શકે છે.
IPL 2024ની પ્રથમ ક્વોલિફાયર 21 મેના રોજ અમદાવાદમાં રમાશે. આ મેચની સૌથી સસ્તી ટિકિટ 499 રૂપિયા છે. સૌથી મોંઘી ટિકિટ 10,000 રૂપિયા છે. 10,000 રૂપિયાની ટિકિટ ધરાવતા દર્શકો પ્રીમિયમ સ્યુટમાં બેસી શકશે. તે પાંચમા માળે છે.
પ્રથમ ક્વોલિફાયર બાદ એલિમિનેટર મેચ રમાશે. આ મેચ 22 મેના રોજ અમદાવાદના નરેન્દ્ર મોદી સ્ટેડિયમમાં રમાશે. એલિમિનેટર મેચની સૌથી સસ્તી ટિકિટ 499 રૂપિયા છે. આ મેચની સૌથી મોંઘી ટિકિટ 6000 રૂપિયા છે. સૌથી મોંઘી ટિકિટો ખરીદનાર દર્શકો પ્રેસિડેન્ટ ગેલેરીમાં બેસી જશે.
IPL 2024 નો બીજો ક્વોલિફાયર મુકાબલો 24 મેના રોજ રમાશે. આ મેચ ચેન્નાઈના એમએ ચિદમ્બરમ સ્ટેડિયમમાં રમાશે. આ મેચની સૌથી સસ્તી ટિકિટ 2000 રૂપિયા છે. સૌથી મોંઘી ટિકિટ 5000 રૂપિયા છે. આ મેચની ટિકિટ ચાર કેટેગરીમાં છે. સૌથી સસ્તી અને સૌથી મોંઘી ટિકિટો 2500 અને 3000 રૂપિયામાં ઉપલબ્ધ છે.
ટિકિટ કેવી રીતે ખરીદવી?
IPLએ સોશિયલ મીડિયા દ્વારા ટિકિટના વેચાણની માહિતી શેર કરી છે. IPLએ X પર એક પોસ્ટ શેર કરી કે પ્લેઓફ ટિકિટોનું વેચાણ શરૂ થઈ ગયું છે. Paytm Insider પર તેના વિશે જાણ્યા પછી તમે તેને ખરીદી શકો છો. તમને જણાવી દઈએ કે ટૂર્નામેન્ટની ફાઈનલ મેચ 26મી મેના રોજ ચેન્નાઈમાં રમાશે.
Click it and Unblock the Notifications
Sign in with Google
