IPL 2024 : ચાલુ મેચમાં રિષભ પંત-રોહિત શર્મા પતંગ ઉડાવતા જોવા મળ્યા, વીડિયો વાયરલ
મુંબઈ ઈન્ડિયન્સ અને દિલ્હી કેપિટલ્સ વચ્ચે રમાયેલા મુકાબલામાં દિલ્હીએ મુંબઈને હરાવીને મુકાબલો જીતી લીધો. આ મુકાબલાનો એક વીડિયો સોશિયલ મીડિયા પર વાયરલ થઈ રહ્યો છે.
આ મેચ દરમિયાન મુંબઈ ઈન્ડિયન્સના બેટ્સમેન બેટિંગ કરવા મેદાનમાં આવ્યા ત્યારે રોહિત શર્મા પાસે એક પતંગ ઉડીને આવી. રોહિત શર્માએ તે પતંગ ઋષભ પંતને આપી હતી.
વિકેટ પાછળ ઉભેલા ઋષભ પંત મેદાનની વચ્ચે પતંગ ઉડાડતો જોવા મળ્યો. આ વીડિયો સોશિયલ મીડિયા પર ઝડપથી વાયરલ થઈ રહ્યો છે. આ અંગે ફેન્સ પણ સતત પોતાની પ્રતિક્રિયા આપી રહ્યા છે.
આ મુકાબલામાં દિલ્હી કેપિટલ્સ માટે જેક ફ્રેઝર-મેકગર્કે બેટથી ધમાલ મચાવી. જેક ફ્રેઝર-મેકગર્કે માત્ર 15 બોલમાં પોતાની અડધી સદી ફટકારી દીધી.
તેણે 27 બોલમાં 11 ચોગ્ગા અને 6 છગ્ગાની મદદથી 84 રનની ઇનિંગ રમી. જેક ઉપરાંત શાઈ હોપે પણ ટીમ માટે મહત્વપૂર્ણ રન બનાવ્યા હતા. છેલ્લી ઓવરમાં સુકાની ઋષભ પંત અને ટ્રિસ્ટન સ્ટબ્સે મુંબઈ ઈન્ડિયન્સના બોલરોની શાનદાર ધોલાઈ કરી.
Rohit Sharma giving Rishabh Pant the kite - Pant flying it. 😄👌 pic.twitter.com/uqxmmcLBGE
— Mufaddal Vohra (@mufaddal_vohra) April 27, 2024
258 રનના લક્ષ્યનો પીછો કરવા ઉતરેલી મુંબઈ ઈન્ડિયન્સની શરૂઆત સારી ન રહી. મુંબઈ ઈન્ડિયન્સનો પૂર્વ કેપ્ટન રોહિત શર્મા ખલીલ અહેમદના બોલ પર કેચ આઉટ થયો. રોહિત શર્મા બાદ ઇશાન કિશન પણ મોટી ઇનિંગ રમી શક્યો નહીં.
ઇશાન કિશન 20 રન બનાવીને પેવેલિયન પરત ફર્યો અને ટીમની સ્થિતી નાજુક થઈ ગઈ.
Click it and Unblock the Notifications
Sign in with Google
