IPL 2024 : આઈપીએલનો બાકી રહેલો કાર્યક્રમ જાહેર, અહીં રમાશે ફાઈનલ

બીસીસીઆઈએ આઈપીએલની શરૂઆત પહેલા અડધુ શિડ્યુલ જારી કર્યુ હતુ. હવે આઈપીએલની શરૂઆત થઈ ચુકી છે ત્યારે બીજુ શિડ્યુલ જારી કરાયુ છે.

બીસીસીઆઈએ આઈપીએલના બાકીના શેડ્યૂલની જાહેરાત કરી છે. આમાં પ્લેઓફ સ્થળોનો સમાવેશ થાય છે. લીગની ફાઇનલ મેચ 26 મેના રોજ રમાવાની છે.

IPLના બાકીના શેડ્યૂલમાં એક પણ મેચ દેશની બહાર રમાશે નહીં. તમામ મેચ ભારતમાં જ રમાશે. પ્લેઓફ મેચ ચેન્નાઈ અને અમદાવાદમાં રમાશે. અમદાવાદમાં 21 અને 22 મેના રોજ પ્રથમ ક્વોલિફાયર અને એલિમિનેટર મેચ રમાશે.

બીજી ક્વોલિફાયર મેચ અને ફાઈનલ મેચ ચેન્નાઈમાં રમાશે. આ મેચો અનુક્રમે 24 અને 26 તારીખે રમાશે. બોર્ડે પ્રથમ તબક્કા માટે 21 મેચોના સમયપત્રકની જાહેરાત કરી હતી.

આગામી મેચ 8 એપ્રિલે રમાશે. પ્રથમ તબક્કાની જેમ બીજા તબક્કામાં પણ પ્રથમ મેચ ચેન્નાઈ સુપર કિંગ્સ સાથે શરૂ થશે. ચેન્નાઈ 8મી એપ્રિલે KKR સામે ટકરાશે.

આ કાર્યક્રમમાં પંજાબ કિંગ્સની કેટલીક મેચો ધર્મશાલામાં નિર્ધારિત કરવામાં આવી છે, ગત સિઝનમાં પણ કંઈક આવું જ જોવા મળ્યું હતું. પંજાબની ચેન્નાઈ અને આરસીબી સાથેની મેચો ત્યાં રમાશે.

IPL 2024 SCHEDULE....!!! ⭐ pic.twitter.com/M80vWCBE40

— Johns. (@CricCrazyJohns) March 25, 2024

રાજસ્થાન રોયલ્સ 15 અને 19 મેના રોજ ગુવાહાટીમાં બે મેચ રમશે. ગત સિઝનમાં પણ આવું બન્યું હતું. આ વખતે પંજાબ કિંગ્સ અને કેકેઆર સામે રાજસ્થાનની મેચ આસામમાં રમાશે.

19 મેના રોજ રાજસ્થાન રોયલ્સ અને કોલકાતા નાઈટ રાઈડર્સ વચ્ચેની મેચ લીગ તબક્કાની છેલ્લી મેચ રમાશે. આ પછી પ્લેઓફ સ્ટેજ શરૂ થશે. જો કે આ પહેલા એક દિવસનો બ્રેક લેવામાં આવશે. 20મી મેના રોજ કોઈ મેચ રમાશે નહીં. પ્લેઓફ મેચો 21 મેથી શરૂ થશે. લોકસભાની ચૂંટણીને કારણે બે તબક્કામાં IPLનું શેડ્યૂલ જાહેર કરવામાં આવ્યું છે.

English summary

IPL 2024: Remaining schedule of IPL announced, final will be played here