IPL 2023 LSG vs CSK: 'ઋતુ'રાજ નામનુ તોફાન, ચેન્નાઇએ બનાવ્યા 217 રન

Updated: Monday, April 3, 2023, 23:28 [IST]

ઈન્ડિયન પ્રીમિયર લીગ (IPL) 2023ની છઠ્ઠી મેચ રમાઈ રહી છે. જેમાં ચેન્નાઈ સુપર કિંગ્સ (CSK) અને લખનૌ સુપર જાયન્ટ્સ (LSG) આમને-સામને છે. ચેન્નાઈના એમએ ચિદમ્બરમ સ્ટેડિયમમાં બંને ટીમો ટકરાશે. લખનઉએ ટોસ જીતીને બોલિંગ પસંદ કરી હતી. ચેન્નાઇએ પ્રથમ બેટીંગ કરતા 20 ઓવરમાં 6 વિકેટ ગુમાવી 217 રન બનાવ્યા હતા.

રુતુરાજ ગાયકવાડે સોમવારે લખનૌ સુપર જાયન્ટ્સ (LSG) સામે ઈન્ડિયન પ્રીમિયર લીગ (IPL)ની છઠ્ઠી મેચમાં સતત બીજી અડધી સદી ફટકારી હતી. આ તેની આઈપીએલ કારકિર્દીની 12મી અડધી સદી હતી અને તેણે 25 બોલમાં તેને પૂરી કરી હતી. ગાયકવાડે મેચની શરૂઆતથી જ ઝડપી બેટિંગ કરીને બોલરો પર દબાણ બનાવ્યું હતું. આ ઉપરાંત કોન્વેએ 29 બોલમાં 47 રન બનાવ્યા હતા.

16મી સિઝનમાં બંને ટીમોની આ બીજી મેચ છે. CSKને તેની પ્રથમ મેચમાં ગુજરાત ટાઇટન્સ (GT)ના હાથે 5 વિકેટે હારનો સામનો કરવો પડ્યો હતો. તે જ સમયે, એલએસજીએ દિલ્હી કેપિટલ્સ (ડીસી) ને 50 રનથી હરાવીને તેમના અભિયાનની વિજયી શરૂઆત કરી હતી.