પાકિસ્તાનને હારાવી ટીમ ઇંડિયા બની મહિલા એશિયા કપની વિજેતા
મહિલા એશિયા કપની ફાઇનલમાં ભારત પાકિસ્તાનને 17 રનથી હરાવીને વિજેતા બન્યુ છે. મિતાલી રાજે 73 રન કર્યા હતા...
મિતાલી રાજની તોફાની 73 રનની બેટિંગ અને ઝૂલન ગોસ્વામીની શાનદાર બોલિંગે એશિયા કપના ફાઇનલ મુકાબલામાં પાકિસ્તાનને 17 રનથી પછાડી દીધુ છે. આ જીત સાથે ભારતે મહિલા એશિયા કપ ટી-20 નો ખિતાબ પોતાના નામે કરી લીધો છે.
એશિયા કપમાં ભારત ક્યારેય હાર્યુ નથી
ભારતે આ જીત સાથે એશિયા કપમાં પાકિસ્તાન સામે ક્યારેય નહિ હારવાનો પોતાનો રેકોર્ડ જાળવી રાખ્યો છે. અત્યાર સુધી રમાયેલ 4 મેચોમાં ભારતે પાકિસ્તાનને હરાવ્યુ છે.
પાક માત્ર 105 રન બનાવી શક્યુ
પાકિસ્તાન સામે ભારતે 122 રનનું લક્ષ્ય રાખ્યુ પરંતુ પાકિસ્તાન માત્ર 105 રન જ બનાવી શક્યુ. પહેલા બેટિંગ કરવા ઉતરેલી ભારતીય ટીમની શરુઆત સારી ન રહી. એસ મંદાના માત્ર 6 રન બનાવીને આઉટ થઇ ગઇ. આટલુ જ નહિ, મેઘના 9, કૃષ્ણમૂર્તિ 2 સતત આઉટ થતા રહ્યા.
મિતાલી રાજે શાનદાર રમતનું પ્રદર્શન કર્યુ
એક તરફના છેડે જ્યાં વિકેટો પડી રહી હતી ત્યાં બીજી તરફ મિતાલી રાજે શાનદાર બેટિંગનું પ્રદર્શન કર્યુ હતુ. તેણે 65 બોલમાં 73 રન કર્યા હતા. જેમાં તેણે 7 ચોગ્ગા અને 1 છગ્ગો માર્યા હતા.
ભારતીય બોલિંગ
ભારત તરફથી શાનદાર બોલિંગ કરતા એકતા બિષ્ટે 4 ઓવરમાં માત્ર 22 રન આપીને 2 વિકેટ લીધી. જ્યારે ઝૂલન ગોસ્વામીએ 4 ઓવરમાં 19 રન અને પાટિલે 4 ઓવરમાં માત્ર 1 વિકેટ લઇને 18 રન આપ્યા.
Click it and Unblock the Notifications
Sign in with Google
