Yashasvi jaiswalના વિવાદીત આઉટ પર BCCIએ ભર્યુ ભયંકર પગલુ, ખુલ્લેઆમ ICC પાસે કરી આ માંગ

મેલબોર્ન ટેસ્ટના છેલ્લા દિવસે ભારતીય ટીમના ઓપનર યશસ્વી જયસ્વાલને આઉટ કરવાનો નિર્ણય ચર્ચાનો વિષય બન્યો છે. હાલમાં પણ આ નિર્ણયને લઈને ચર્ચાઓ થઈ રહી છે. જયસ્વાલને વિકેટ પાછળ કેચ પકડવાની અપીલ પર થર્ડ અમ્પાયરે આઉટ આપ્યો હતો.

ટેકનિકનો ઉપયોગ કર્યા પછી પણ અને સ્નિકો મીટર પર કંઈ ન મળતા જયસ્વાલને આઉટ કરવામાં આવ્યો હતો. તે સ્નિકો પર દેખાતું હતું કે બોલ અને બેટ વચ્ચે સંભવતઃ કોઈ સંપર્ક નથી. આ પછી પણ બાંગ્લાદેશના થર્ડ અમ્પાયરે જયસ્વાલને પેવેલિયન મોકલી દીધો હતો.

આ મામલે BCCIના ઉપાધ્યક્ષ રાજીવ શુક્લા તરફથી પ્રતિક્રિયા આવી છે. ANI સાથે વાત કરતા રાજીવ શુક્લાએ કહ્યું કે આજનો નિર્ણય ખૂબ જ નિરાશાજનક છે પરંતુ આશા છે કે અમે સિડની ટેસ્ટ મેચ જીતીશું.

ટેક્નિકલ કમિટીએ ઉકેલ શોધવો જોઈએ
જયસ્વાલને આપવામાં આવેલા નિર્ણય પર તેણે કહ્યું કે, તે અણનમ હોવા છતાં તેને આઉટ આપવામાં આવ્યો હતો. ICCની ટેકનિકલ કમિટીએ આને ધ્યાનમાં રાખીને ઉકેલ શોધવો જોઈએ. જ્યારે ગ્રાઉન્ડ અમ્પાયરના નિર્ણયને બદલવા માટે કોઈ નક્કર પુરાવા ન હોય, ત્યારે નિર્ણય બદલવામાં આવે છે. હવે આપણે સિડની ટેસ્ટ તરફ જોવું પડશે. કોઈએ એક કે બે શ્રેણી દ્વારા ખેલાડીને જજ ન કરવો જોઈએ, તેના એકંદર પ્રદર્શનને જોવું જોઈએ.

સોશિયલ મીડિયાના માધ્યમથી ઉઠાવ્યો મુદ્દો

શુક્લાએ પોતાના એક્સ હેન્ડલ પર જયસ્વાલનો મુદ્દો પણ ઉઠાવ્યો હતો અને લખ્યું હતું કે યશસ્વી જયસ્વાલ સંપૂર્ણ રીતે નોટઆઉટ છે. થર્ડ અમ્પાયરે જોવું પડ્યું કે ટેક્નોલોજી શું કહે છે. મેદાન પરના અમ્પાયરના નિર્ણયને બદલતી વખતે થર્ડ અમ્પાયર પાસે નક્કર કારણો હોવા જોઈએ.

જીતનો રસ્તો હવે મુશ્કેલ

ઉલ્લેખનીય છે કે મેલબોર્ન ટેસ્ટના છેલ્લા દિવસના છેલ્લા સેશનમાં ટીમ ઈન્ડિયાને હારનો સામનો કરવો પડ્યો હતો. ટીમ ઈન્ડિયા હજુ પણ વર્લ્ડ ટેસ્ટ ચેમ્પિયનશિપની ફાઈનલની રેસમાં છે પરંતુ હવે તે મુશ્કેલ થઈ જશે. આ રસ્તો મુશ્કેલ બની ગયો છે. આગળની બાબતો સિડની ટેસ્ટ જીત્યા બાદ જોવા મળશે.