Asian Games Indian Winner List : ભારતે એશિયન ગેમ્સમાં જીત્યા 71 મેડલ, જાણો કોને કઇ રમતમાં મળ્યો મેડલ

Asian Games Indian Winner List : ભારતીય ટુકડીએ એશિયન ગેમ્સ 2023ની હાંગઝોઉમાં ભવ્ય શરૂઆત કરી છે. ભારતે તેનો પહેલો મેડલ 24 સપ્ટેમ્બરના રોજ જીત્યો હતો, અને ત્યારથી જીતનો સિલસિલો ચાલી રહ્યો છે.

વર્ષ 2018 એશિયન ગેમ્સમાં, ભારતીય ટુકડીએ 570 સભ્યોની મજબૂત ટુકડીમાંથી 80 મેડલ મેળવીને એશિયન ગેમ્સમાં સૌથી વધુ મેડલ મેળવવાનો રેકોર્ડ બનાવ્યો હતો.

હવે આ વર્ષે યોજાનારી એશિયન ગેમ્સ ભારતીય ટીમ 100 થી વધુ મેડલના લક્ષ્ય સાથે તેના અગાઉના સર્વશ્રેષ્ઠને પાર કરવાની આશા રાખે છે. મહિલા શૂટિંગ ટીમે 24 સપ્ટેમ્બરના રોજ હાંગઝોઉમાં ભારત માટે મેડલનું ખાતું ખોલ્યું હતું. આ ખેલાડીઓએ 19મી એશિયન ગેમ્સમાં અત્યાર સુધી ભારત માટે મેડલ જીત્યા છે.

1. શૂટિંગ, મહિલાઓની 10 મીટર એર રાઇફલ ટીમ : મેહુલી ઘોષ, રમિતા અને આશી ચોકસીની શૂટિંગ ટીમે મહિલાઓની 10 મીટર એર રાઇફલ ટીમ ઇવેન્ટમાં બીજા સ્થાને રહીને સિલ્વર મેડલ જીત્યો છે. તેમણે કુલ 1886નો સ્કોર કર્યો છે.

2. રોઇંગ મેન્સ ડબલ સ્કલ્સ : અર્જૂન લાલ જાટ અને અરવિંદ સિંહની જોડીએ લાઇટવેઇટ મેન્સ ડબલ સ્કલ્સમાં સિલ્વર મેડલ જીત્યો હતો.

3. રોઈંગ, ડબલ સ્કલ્સ : લેખ રામ અને બાબુ લાલ યાદવની જોડી ત્રીજા સ્થાને રહી અને બ્રોન્ઝ મેડલ જીત્યો હતો.

4. રોઈંગ, મેન્સ એઈટ : રોઈંગમાં મેડલનો સિલસિલો ચાલુ રાખીને, ભારતે આ વખતે મેન્સ આઈ ઈવેન્ટમાં બીજો સિલ્વર મેડલ જીત્યો હતો.

5. શૂટિંગ, મહિલા 10 મીટર એર રાઇફલ વ્યક્તિગત : મહિલા ટીમ ઇવેન્ટમાં સિલ્વર મેડલ જીતનારી રમિતા જિંદાલે 10 મીટર એર રાઇફલ વ્યક્તિગત ઇવેન્ટમાં 230.1ના સ્કોર સાથે બ્રોન્ઝ મેડલ જીત્યો હતો.

6. શૂટિંગ, પુરુષોની 10 મીટર એર રાઈફલ ટીમ : દિવ્યાંશ સિંહ પંવાર, રુદ્રાંક્ષ પાટીલ અને ઐશ્વર્યા પ્રતાપ સિંહ તોમરની ત્રિપુટીએ 2023 એશિયન ગેમ્સમાં ભારતને પહેલો સુવર્ણ ચંદ્રક અપાવ્યો છે. 1893.7 ના સ્કોર સાથે, તેઓએ 10 મીટર એર રાઈફલ ઈવેન્ટમાં ટીમ માટે હાલનો વિશ્વ રેકોર્ડ તોડ્યો છે.

7. રોઈંગ, મેન્સ કોક્સલેસ ફોર : જસવિંદર સિંઘ, ભીમ સિંહ, પુનીત અને આશિષ કુમારની ચોકડી પુરુષોની કોક્સલેસ ફોરમાં ત્રીજા સ્થાને રહી અને બ્રોન્ઝ જીત્યો હતો.

8. રોઈંગ, મેન્સ ક્વાડ્રુપલ સ્કલ્સ : રોઈંગમાં ભારતે બ્રોન્ઝ મેડલ જીત્યો હતો. ફાઇનલમાં સતનામ, પરમિન્દર, જાકર અને સુખમીતની ચોકડી 3:6.08 મિનિટના સમય સાથે ત્રીજા સ્થાને રહી હતી.

9. પુરુષોની 10 મીટર એર રાઈફલ વ્યક્તિગત : શૂટર ઐશ્વર્યા પ્રતાપ સિંહ તોમરે, જેમણે અન્ય બે સાથે મળીને ટીમ ઈવેન્ટમાં ભારતને પ્રથમ એશિયન ગેમ્સ સુવર્ણ ચંદ્રક અપાવ્યો હતો, તેણે પુરુષોની 10 મીટર એર રાઈફલ વ્યક્તિગત ઈવેન્ટમાં બ્રોન્ઝ મેડલ જીત્યો હતો.

10. પુરુષોની 25 મીટર રેપિડ ફાયર પિસ્તોલ ટીમ : આદર્શ સિંહ, અનીશ ભાનવાલા અને વિજયવીર સિદ્ધુની ત્રિપુટીએ 1718ના કુલ સ્કોર સાથે ભારત માટે બ્રોન્ઝ મેડલ જીત્યો હતો.

11. મહિલા ક્રિકેટ : ભારતીય ટીમે ફાઇનલમાં શ્રીલંકાને 19 રનથી હરાવીને ગોલ્ડ મેડલ જીત્યો છે. ભારતીય ટીમે એશિયન ગેમ્સમાં પ્રથમ વખત ભાગ લીધો હતો. ટીમ ઈન્ડિયા પહેલા પ્રયાસમાં જ ગોલ્ડ મેડલ જીતવામાં સફળ રહી છે.

12. નાવિક નેહા ઠાકુર : 17 વર્ષની નાવિક નેહા ઠાકુરે સિલ્વર મેડલ જીત્યો છે. તેણીએ ગર્લ્સ ડીંઘી ILCA4 ઇવેન્ટમાં 11 રેસમાં કુલ 27 પોઈન્ટ મેળવ્યા હતા.

13. નાવિક ઇબાદ અલી : ઇબાદ અલીએ સેઇલિંગમાં બ્રોન્ઝ મેડલ જીત્યો હતો. તે પુરુષોની વિન્ડસર્ફર આરએસ એક્સ ઇવેન્ટમાં 52ના નેટ સ્કોર સાથે ત્રીજા સ્થાને રહ્યો હતો.

14. અશ્વારોહણ ટીમ : હૃદય છેડા, દિવ્યકૃતિ સિંઘ, અનુષ અગ્રવાલ અને સુદીપ્તિ હજેલાની ભારતીય મિશ્રિત ટીમે 209.205ના સ્કોર સાથે ગોલ્ડ મેડલ જીત્યો હતો.

15. 50 મીટર થ્રી પોઝિશન રાઇફલ ટીમ, સિફ્ટ, માનિની​અને આશિ : ભારતીય શૂટિંગ ટીમ સિલ્વર મેડલ પર લક્ષ્ય ધરાવે છે. ભારતે 50 મીટર થ્રી પોઝિશન ટીમ ઈવેન્ટમાં સિલ્વર મેડલ જીત્યો છે. સિફ્ટ કૌર સમરા, આશી ચોકસી અને માનિની કૌશિકની ટીમ ચીનની જિયા સિયુ, હાન જિયાયુ અને ઝાંગ ક્વિઓંગ્યુને પાછળ રાખીને બીજા સ્થાને રહી હતી. આ દરમિયાન સિફ્ટ બીજા સ્થાને (594-28x) સાથે ફાઇનલમાં પહોંચી, આશિએ પણ છઠ્ઠા સ્થાન (590-27x) સાથે ફાઇનલમાં પ્રવેશ કર્યો હતો. માનિની​ (580-28x) ના સ્કોર સાથે 18મું સ્થાન ધરાવે છે.

16. 25 મીટર પિસ્તોલ ટીમ ઈવેન્ટ, મનુ, ઈશા અને રિધમ : ભારતીય શુટિંગ ટીમે આજે બીજો મેડલ પણ જીત્યો છે. ભારતે ગોલ્ડ મેડલ કબ્જે કર્યો છે. મનુ ભાકર, ઈશા સિંહ અને રિધમ સાંગવાન 25 મીટર પિસ્તોલ ટીમ ઈવેન્ટમાં ગોલ્ડ મેડલ જીત્યા છે! તેઓએ ચીનને ત્રણ પોઈન્ટથી હરાવ્યું! ભાકરે બે પોઈન્ટની લીડ સાથે રાઉન્ડની શરૂઆત કરી અને રાઉન્ડ આગળ વધતા તેને ત્રણ પોઈન્ટ સુધી લંબાવ્યો હતો. તેણીએ ક્વોલિફાઈંગમાં પણ ટોચનું સ્થાન મેળવ્યું હતું અને તે વ્યક્તિગત ઈવેન્ટ ફાઇનલમાં 5મા સ્થાને રહેલી ઈશા સિંઘ સાથે શૂટ કરશે.

17. 50 મીટર થ્રી પોઝિશન રાઇફલ વ્યક્તિગત, સિફ્ટ કૌર (ગોલ્ડ) : ભારતીય ખેલાડીઓ શૂટિંગમાં શાનદાર પ્રદર્શન કરવાનું ચાલુ રાખે છે. સિફ્ટ કૌરે ગોલ્ડ જીત્યો હતો. સિફ્ટ કૌર સમરાએ 50 મીટર થ્રી પોઝિશન રાઈફલ વ્યક્તિગત ઈવેન્ટમાં 10.2 પોઈન્ટ મેળવીને સરળતાથી ગોલ્ડ મેડલ જીત્યો હતો. એશિયન ગેમ્સ 2023માં સિંગલ ઈવેન્ટમાં ભારત માટે ગોલ્ડ જીતનારી સિફ્ટ કૌર પ્રથમ એથ્લેટ છે. ગોલ્ડ મેડલ જીતવાની સાથે સિફ્ટે નવો વર્લ્ડ રેકોર્ડ પણ બનાવ્યો છે. તેણે 469.6 રન બનાવ્યા, જે અગાઉના રેકોર્ડ કરતા 2.6 વધુ છે.

18. 50 મીટર થ્રી પોઝિશન રાઈફલ વ્યક્તિગત, આશી ચૌકસે (બ્રોન્ઝ) : જ્યારે સિફ્ટ 50 મીટર થ્રી પોઝિશન રાઈફલ વ્યક્તિગત ઈવેન્ટમાં પ્રથમ ક્રમે રહી, આશી ચૌકસે એ જ સ્પર્ધામાં બ્રોન્ઝ મેડલ જીત્યો હતો.

19. ભારતીય પુરુષોની સ્કીટ શૂટિંગ ટીમ, અંગદ, ગુરજોત, અનંત : ભારતીય પુરુષોની સ્કીટ શૂટિંગ ટીમે બ્રોન્ઝ મેડલ જીત્યો હતો. અંગદ બાજવા, ગુરજોત સિંહ ખંગુરા અને અનંત જીત સિંહ નારુકાની ત્રિપુટીએ કુલ 355 પોઈન્ટ બનાવ્યા અને ફાઇનલમાં ત્રીજું સ્થાન મેળવ્યું હતું. તેને બ્રોન્ઝ મળ્યો છે.

20. સેઇલિંગ ડીંઘી ILCA 7 પુરૂષો, વિષ્ણુ સરવનન (બ્રોન્ઝ) : વિષ્ણુ સરવનને પુરુષોની ડીંઘી ILCA 7 માં 34ના નેટ સ્કોર સાથે બ્રોન્ઝ મેડલ જીત્યો હતો.

21. મહિલા 25 મીટર પિસ્તોલ, ઈશા સિંહ (સિલ્વર) : ઈશા સિંહે શૂટિંગમાં સિલ્વર મેડલ જીત્યો છે. તેણીએ મહિલાઓની 25 મીટર પિસ્તોલ સ્પર્ધામાં 34 રન બનાવ્યા અને બીજા સ્થાને રહી છે.

22. શોટગન સ્કીટ, મેન, અનંતજીત સિંહ (સિલ્વર) : અનંત નકુરાએ મેન્સ શોટગન સ્કીટમાં સિલ્વર જીત્યો હતો. અનંતે 60 પ્રયાસોમાંથી 58 સાચા શોટ કર્યા હતો.

23. વુશુ સાન્ડા, મહિલા, રોશિબિના દેવી (સિલ્વર) : રોશિબિના દેવીએ મહિલાઓની 60 કિગ્રા વુશુ સાન્ડામાં સિલ્વર મેડલ જીત્યો છે.

24. પુરૂષ, 10 મીટર એર પિસ્તોલ (ગોલ્ડ) : સરબજોત સિંહ, અર્જુન ચીમા અને શિવ નરવાલની પુરુષોની 10 મીટર એર પિસ્તોલ ટીમે ચીનને એક પોઈન્ટથી હરાવ્યું. ભારતે 1734ના સ્કોર સાથે ગોલ્ડ મેડલ જીત્યો હતો.

25. અશ્વારોહણ, વ્યક્તિગત ડ્રેસેજ, (બ્રોન્ઝ) : અનુષ અને તેનો ઘોડો ઇટ્રો વ્યક્તિગત ડ્રેસેજમાં ત્રીજા સ્થાને રહ્યો અને 73.030ના સ્કોર સાથે બ્રોન્ઝ મેડલ જીત્યો છે.

26. શૂટિંગ : ભારતે 10 મીટર એર પિસ્તોલ મહિલા ટીમ ઈવેન્ટમાં સિલ્વર મેડલ જીત્યો છે. ભારતીય મહિલા ટીમની ખેલાડીઓ ઈશા સિંહ, પલક અને દિવ્યાએ અજાયબી કરી બતાવી હતી. આ ત્રણેયે એશિયન ગેમ્સની વર્તમાન આવૃત્તિમાં દેશને તેનો 26મો મેડલ અપાવ્યો હતો. ઈશા સિંહ, પલક અને દિવ્યાની ટીમ 1731-50xના સ્કોર સાથે બીજા ક્રમે રહી હતી. ચીનની રેન્કસિંગ, લી અને નાનની જોડીએ ગોલ્ડ કબજે કર્યો હતો.

27. શૂટિંગ : ઐશ્વર્યા પ્રતાપ સિંહ, સ્વપ્નિલ અને અખિલની ત્રણેયે અજાયબીઓ કરી હતી. ત્રણેય સાથે મળીને 50 મીટર રાઇફલ 3 પોઝિશન મેન્સ ટીમ ઇવેન્ટમાં ગોલ્ડ મેડલ જીત્યો હતો. ત્રણેએ મળીને 1769નો સ્કોર કર્યો. ચીનની લિનશુ, હાઓ અને જિયા મિંગની જોડીએ સિલ્વર મેડલ મેળવ્યો હતો. આ સાથે જ કોરિયન ખેલાડીઓએ બ્રોન્ઝ મેડલ જીત્યો હતો.

28. ટેનિસ : ટેનિસની મેન્સ ડબલ્સમાં ભારતને સિલ્વર મેડલ મળ્યો છે. સાકેત માયનેની અને રામકુમાર રામનાથનની જોડી ફાઇનલમાં હારી ગઈ હતી. બંનેને સિલ્વર મેડલથી સંતોષ માનવો પડ્યો હતો. સાકેથ અને રામકુમારને ચાઈનીઝ તાઈપેઈના જેસન અને યુ-સિયુએ સીધા સેટમાં પરાજય આપ્યો હતો.

29 અને 30. શૂટિંગ : પલક મહિલાઓની 10 મીટર એર પિસ્તોલ સ્પર્ધામાં ગોલ્ડ મેડલ જીત્યો છે. જ્યારે ઈશા સિંહે સિલ્વર મેડલ જીત્યો હતો. પાકિસ્તાનની કિશમાલા તલતને બ્રોન્ઝ મેડલથી સંતોષ માનવો પડ્યો હતો. પલકનો 242.1 અને ઈશાને 239.7નો સ્કોર કર્યો હતો. જ્યારે કિશ્માલાએ 218.2નો સ્કોર કર્યો હતો.

31. સ્ક્વોશ : ભારતીય મહિલા સ્ક્વોશ ટીમને બ્રોન્ઝ મેડલથી સંતોષ માનવો પડ્યો હતો. સેમીફાઈનલમાં તેને હોંગકોંગ સામે હારનો સામનો કરવો પડ્યો હતો. અણહત સિંહ છેલ્લી મેચમાં લી સામે 10-12થી હારી ગયો હતો. અગાઉ તન્વી ખન્ના હારી ગઈ હતી. જોશના ચિનપ્પાએ બીજી મેચ જીતીને ભારતને બરાબરી પર લાવી દીધું હતું, પરંતુ અનાહતની હાર ટીમને ફાઇનલમાં પહોંચવા દીધી ન હતી.

32. શૂટિંગ : ઐશ્વર્યા પ્રતાપ સિંહે ટીમ ઈવેન્ટ જીત્યા બાદ 50 મીટર રાઈફલ 3 પોઝિશન મેન્સ ફાઇનલમાં સિલ્વર મેડલ જીત્યો છે. ઐશ્વર્યાએ 459.7 માર્ક્સ મેળવ્યા છે.

33. ટ્રેક એન્ડ ફિલ્ડ, કિરણ બાલિયાન (શોટપુટ) : કિરણ બાલિયાને શોટ પુટ સ્પર્ધામાં બ્રોન્ઝ મેડલ જીત્યો હતો. તેણે ત્રીજા પ્રયાસમાં 17.36 મીટરના થ્રો સાથે મેડલ જીત્યો હતો. એથ્લેટિક્સમાં એટલે કે ટ્રેક એન્ડ ફિલ્ડમાં ભારતનો આ પહેલો મેડલ છે. મેરઠના કિરણ બાલિયાને ટ્રેક એન્ડ ફિલ્ડમાં ભારતનું ખાતું ખોલાવ્યું હતું.

34. શૂટિંગ, મિક્સ્ડ ડબલ્સ, 10 મીટર એર પિસ્તોલ : સરબજોત અને દિવ્યાની જોડીએ સિલ્વર મેડલ જીત્યો હતો. ચીને ફાઈનલ મેચ 16-14ના માર્જીનથી જીતી હતી. આ સ્પર્ધામાં શૂટિંગમાં ભારતનો આ આઠમો સિલ્વર મેડલ છે.

35. ટેનિસ, મિક્સ્ડ ડબલ્સ, રોહન બોપન્ના અને ઋતુજા ભોસલે (ગોલ્ડ) : રોહન બોપન્ના અને ઋતુજા ભોસલેએ મિક્સ્ડ ડબલ્સ ટેનિસમાં ગોલ્ડ મેડલ જીત્યો છે. આ રમતમાં ગોલ્ડ મેડલ જીતવાનો ભારતનો સિલસિલો 2002 એશિયન ગેમ્સથી ચાલુ છે. રોહન બોપન્ના હવે બે વખત એશિયન ગેમ્સ ચેમ્પિયન છે! તેણે 2018માં દિવિજ શરણ સાથે મેન્સ ડબલ્સ જીતી હતી.

36. સ્ક્વોશ, મેન્સ ટીમ (ગોલ્ડ) : સ્ક્વોશમાં ભારતીય મેન્સ ટીમે પાકિસ્તાનને હરાવી ગોલ્ડ મેડલ જીત્યો હતો. 2014 બાદ પ્રથમ વખત ભારતીય ટીમે એશિયન ગેમ્સમાં આ મેડલ જીત્યો છે. 18 વર્ષના અભય સિંહે ફાઇનલમાં શાનદાર પ્રદર્શન કર્યું અને ત્રીજી મેચ જીતીને ભારતને ગોલ્ડ મેડલ અપાવ્યો હતો. આ પહેલા સૌરવ ઘોષાલે મુહમ્મદ અસીમ ખાનને મેચમાં હરાવ્યો હતો, જ્યારે મહેશ મંગાવકરને નાસિર ઈકબાલ સામે હારનો સામનો કરવો પડ્યો હતો.

37 અને 38. એથ્લેટિક્સ, 10000 મીટર રેસ (સિલ્વર અને બ્રોન્ઝ) : ભારતના કાર્તિક અને ગુલવીરે પુરુષોની 10000 મીટર રેસમાં ઈતિહાસ રચ્યો છે. કાર્તિકે 28:15.38ના સમય સાથે સિલ્વર મેડલ જીત્યો અને ગુલવીરે 28:17.21ના સમય સાથે બ્રોન્ઝ મેડલ જીત્યો હતો. ભારતે હેંગઝોઉ એશિયન ગેમ્સમાં એથ્લેટિક્સમાં એટલે કે ટ્રેક એન્ડ ફિલ્ડમાં ત્રણ મેડલ જીત્યા છે. આ પહેલા શુક્રવારે કિરણ બાલિયાને શોટ પુટમાં બ્રોન્ઝ મેડલ જીત્યો હતો. આ બે મેડલ સાથે ભારતના કુલ મેડલની સંખ્યા વધીને 38 થઈ ગઈ છે.

39. ગોલ્ફ, અદિતિ અશોક (સિલ્વર) : અદિતિ અશોકે ગોલ્ફમાં મહિલાઓની સ્પર્ધામાં સિલ્વર મેડલ જીત્યો હતો. તે શરૂઆતથી જ ગોલ્ડ મેડલ જીતવાની દાવેદાર હતી, પરંતુ અંતે તેણે ખૂબ જ સામાન્ય પ્રદર્શન કર્યું અને તેને સિલ્વરથી સંતોષ માનવો પડ્યો હતો.

40. શૂટિંગ, મહિલા ટ્રેપ ટીમ (સિલ્વર) : મહિલા ટ્રેપ ટીમે સિલ્વર મેડલ જીત્યો છે. મનીષા કીર, રાજેશ્વરી કુમારી અને પ્રીતિ રજકે 337 રન બનાવ્યા હતા. ચીનની ટીમે 355નો સ્કોર કરીને ગોલ્ડ મેડલ જીત્યો હતો.

41. શૂટિંગ, મેન્સ ટીમ (ગોલ્ડ) : મેન્સ ટ્રેપ શૂટિંગ ઈવેન્ટમાં, કિનાન ચેનાઈ, ઝોરાવર સિંહ અને પૃથ્વીરાજ ટોંડિમાનની ટીમે 361 સ્કોર કર્યો અને ગોલ્ડ મેડલ જીત્યો, જે કુવૈત અને ચીન કરતાં ઘણો આગળ હતો.

42. ટ્રેપ શૂટિંગ, મેન (બ્રોન્ઝ) : કીનન ચેનાઈએ પુરુષોની ટ્રેપ શૂટિંગ ઈવેન્ટમાં બ્રોન્ઝ મેડલ જીત્યો છે. તે લક્ષ્ય પર 40 માંથી 32 શોટ ફટકારવામાં સફળ રહ્યો હતો.

43. બોક્સિંગ, મહિલા, નિખત ઝરીન (બ્રોન્ઝ) : નિખત ઝરીને બોક્સિંગમાં મહિલાઓની 50 કિગ્રા વજન વર્ગમાં બ્રોન્ઝ મેડલ જીત્યો હતો. નિખાત વર્લ્ડ ચેમ્પિયન છે અને તેની પાસેથી ગોલ્ડ જીતવાની અપેક્ષા હતી, પરંતુ તે સેમિફાઇનલમાં હારી ગઈ હતી.

44. 3000 મીટર સ્ટીપલચેઝ, અવિનાશ સાબલે (ગોલ્ડ) : અવિનાશ સાબલે પુરુષોની 3000 મીટર સ્ટીપલચેઝ સ્પર્ધામાં ગોલ્ડ મેડલ જીત્યો હતો. તેણે 8:19:53 મિનિટ કરી હતી.

45. શોટ પુટ, તજિન્દરપાલ સિંઘ તૂર (ગોલ્ડ) : તજિન્દરપાલ સિંહ તૂરે ભાલા ફેંકમાં શાનદાર પ્રદર્શન કર્યું અને ગોલ્ડ મેડલ જીત્યો છે. તે સતત બીજી એશિયન ગેમ્સમાં ગોલ્ડ જીતવામાં સફળ રહ્યો છે. તજિંદરે 2018ની જકાર્તા એશિયન ગેમ્સમાં પણ પ્રથમ સ્થાન મેળવ્યું હતું.

46. ​મહિલાઓની 1500 મીટર દોડ - હરમિલન બેન્સ (સિલ્વર મેડલ) : હરમિલન બેન્સે મહિલાઓની 1500 મીટર રેસમાં ભારત માટે સિલ્વર મેડલ જીત્યો હતો. તેણી બીજા સ્થાને રહી. બહેરીનના વિનફ્રેડ મુટીલે યાવીએ ગોલ્ડ મેડલ કબજે કર્યો હતો.

47 અને 48. પુરુષોની 1500 મીટર દોડ - અજય કુમાર સરોજ (સિલ્વર મેડલ) અને જિનસન જોન્સન (બ્રોન્ઝ મેડલ) : ભારતને પુરુષોની 1500 મીટર રેસમાં બે મેડલ મળ્યા હતા. અજય કુમાર સરોજે સિલ્વર મેડલ જીત્યો હતો. આવા સમયે જિનસન જોન્સન તેનાથી પાછળ રહી ગયો અને તેને બ્રોન્ઝથી સંતોષ માનવો પડ્યો હતો. કતારના મોહમ્મદ અલ ગરનીએ ગોલ્ડ મેડલ જીત્યો હતો.

49. લાંબી કૂદ - મુરલી શ્રીશંકર (સિલ્વર મેડલ) : મુરલી શ્રીશંકરે લાંબી કૂદમાં સિલ્વર મેડલ જીતીને દેશને ગૌરવ અપાવ્યું છે. શ્રીશંકરે 8.19 મીટરના જમ્પ સાથે બીજું સ્થાન મેળવ્યું હતું. ચીનની બેંગ જિયાનાન 8.22 મીટરની છલાંગ સાથે પ્રથમ ક્રમે રહી હતી.

50. હેપ્ટાથલોન - (નંદિની અગાસરા, બ્રોન્ઝ મેડલ) : નંદિની અગાસરાએ 800 મીટર હેપ્ટાથલોનમાં બ્રોન્ઝ મેડલ જીત્યો હતો. તેણે આ ઈવેન્ટની ફાઇનલમાં પણ પોતાનું સર્વશ્રેષ્ઠ પ્રદર્શન આપ્યું હતું. તેણે 2:15:33 વાગી હતી.

51. ડિસ્કસ થ્રો - (સીમા પુનિયા, બ્રોન્ઝ મેડલ) : ભારતની સીમા પુનિયાએ ડિસ્કસ થ્રોમાં બ્રોન્ઝ મેડલ જીત્યો હતો. તેણે 58.62 મીટરના થ્રો સાથે બ્રોન્ઝ મેડલ જીત્યો હતો. ચીનના બિન ફેંગે ગોલ્ડ મેડલ જીત્યો હતો. આવા સમયે જિયાંગ ઝિચાઓએ સિલ્વર પર કબજો કર્યો હતો.

52. 100 મીટર હર્ડલ રેસ - (જ્યોતિ યારાજી, સિલ્વર મેડલ) : ભારતીય એથ્લેટ જ્યોતિ યારાજીએ 100 મીટર હર્ડલ રેસમાં સિલ્વર મેડલ જીત્યો હતો. તેણીએ 12.91 સેકન્ડના સમય સાથે ત્રીજું સ્થાન મેળવ્યું હતું, પરંતુ બીજા સ્થાને રહેલી ચીની ખેલાડી વુ યાનીને ગેરલાયક ઠેરવવામાં આવી હતી. આ રીતે યારાજીનો મેડલ બ્રોન્ઝમાંથી સિલ્વરમાં બદલાઈ ગયો છે.

53. બેડમિન્ટન : (પુરુષોની ટીમ, સિલ્વર મેડલ)- ભારતીય પુરૂષ બેડમિન્ટન ટીમ સુવર્ણ ચંદ્રકથી ચુકી ગઈ હતી. ફાઇનલમાં તેનો સામનો મજબૂત ચીન સામે થયો હતો. ફાઇનલમાં ચીને ભારતને 3-2થી હરાવ્યું હતું. ભારતને સિલ્વર મેડલથી સંતોષ માનવો પડ્યો હતો. ટીમ ઈન્ડિયાએ 37 વર્ષ બાદ આ ઈવેન્ટમાં મેડલ જીત્યો છે. ભારતીય પુરૂષ બેડમિન્ટન ટીમે એશિયાડમાં સિલ્વર મેડલ જીત્યો હોય, તેવું પ્રથમ વખત બન્યું છે.

54. સ્કેટિંગ, 3000 મીટર, (મહિલા ટીમ, બ્રોન્ઝ) : સંજના ભાટુલા, કાર્તિકા જગદીશ્વરન, હિરલ સાધુ અને આરતી કસ્તુરીએ મહિલા સ્પીડ સ્કેટિંગ 3000 મીટરમાં બ્રોન્ઝ જીત્યો છે. તેણે પોતાની રેસ 4:34:861 મિનિટમાં પૂરી કરી છે.

55. સ્કેટિંગ, 3000 મીટર, (પુરુષોની મહિલા ટીમ, બ્રોન્ઝ મેડલ) : ભારતના આર્યનપાલ ખુમાન, આનંદકુમાર વેલકુમાર, સિદ્ધાંત કાંબલે, વિક્રમ ઈંગલે 4:10.128ના સમય સાથે ત્રીજા સ્થાને રહ્યા અને બ્રોન્ઝ મેડલ જીત્યો. ચાઈનીઝ તાઈપેએ ગોલ્ડ મેડલ જીત્યો, દક્ષિણ કોરિયાએ સિલ્વર મેડલ જીત્યો છે.

56. ટેબલ ટેનિસ, મહિલા ટીમ (બ્રોન્ઝ) : અહકિયા મુખર્જી અને સુતીર્થની જોડીએ બ્રોન્ઝ મેડલ જીત્યો છે. સેમિફાઇનલમાં ભારતીય જોડીને પાક અને દક્ષિણ કોરિયાની ચા સામે 11-7, 8-11, 11-7, 8-11, 9-11, 11-5, 2-11થી હારનો સામનો કરવો પડ્યો હતો.

57 અને 58. 3000 મીટર સ્ટીપલચેસ, મહિલા, પારુલ (સિલ્વર) પ્રીતિ (બ્રોન્ઝ) : 3000 મીટર સ્ટીપલચેસમાં ભારતની પારુલ ચૌધરીએ સિલ્વર અને પ્રીતિએ બ્રોન્ઝ જીત્યો છે. પારુલે 9:27.63 સેકન્ડમાં અને પ્રીતિએ 9:43.32 સેકન્ડમાં રેસ પૂરી કરી હતી.

59. લાંબી કૂદ, મહિલા, એનસી સોજન (સિલ્વર) : ભારતની મહિલા એથ્લેટ એનસી સોજને લાંબી કૂદમાં દેશનું ગૌરવ વધાર્યું છે. તે 6.63 મીટરના જમ્પ સાથે બીજા ક્રમે રહ્યો હતો.

60. 4 x 400 મીટર મિશ્ર ટીમ રેસ (સિલ્વર) : ભારતને 4 x 400 મીટર મિશ્ર ટીમ રેસમાં સિલ્વર મેડલ મળ્યો હતો. મિશ્ર ટીમના ખેલાડીઓ મોહમ્મદ અજમલ, વિદ્યા રામરાજ, રાજેશ રમેશ અને શુભા વેંકટેસન એકસાથે ત્રીજા સ્થાને રહ્યા, પરંતુ બીજા સ્થાને રહેલી શ્રીલંકાની ટીમને ગેરલાયક ઠેરવી. આ રીતે ભારતીય ટીમ બીજા સ્થાને આવી ગઈ છે. તેનો મેડલ બ્રોન્ઝમાંથી સિલ્વરમાં બદલાઈ ગયો હતો.

61. રોઈંગ, પુરુષોની ટીમ (બ્રોન્ઝ) : અર્જુન સિંહ અને સુનિલ સિંહે પુરુષોની કેનો ડબલ 1000 ફાઇનલમાં બ્રોન્ઝ જીત્યો હતો. આ જોડીએ પુરુષોની કેનો ડબલ 1000 મીટર સ્પર્ધામાં 3.53.329ના સમય સાથે બ્રોન્ઝ મેડલ જીત્યો હતો.

62. બોક્સિંગ, પ્રીતિ, (બ્રોન્ઝ) : પ્રીતિએ બોક્સિંગમાં મહિલાઓની 54 કિગ્રા વજન વર્ગમાં બ્રોન્ઝ મેડલ જીત્યો છે. તેને સેમિફાઇનલમાં ચીનની યુઆન ચાંગ સામે હારનો સામનો કરવો પડ્યો હતો. આ સાથે એશિયન ગેમ્સમાં તેની સફરનો અંત આવ્યો. જોકે, તે પેરિસ ઓલિમ્પિક માટે બ્રોન્ઝ મેડલ અને ક્વોટા મેળવવામાં સફળ રહી હતી.

63. મહિલા 400 મીટર હર્ડલ્સ, વિદ્યા રામરાજ, (બ્રોન્ઝ) : વિદ્યા રામરાજે 400 મીટર હર્ડલ્સમાં ભારતને વધુ એક મેડલ અપાવ્યો છે. તેણી 55.68 સેકન્ડના સમય સાથે ત્રીજા સ્થાને રહી અને બ્રોન્ઝ મેડલ જીત્યો. બહેરીનની અદેકોયાએ 54.45 સેકન્ડના સમય સાથે ગોલ્ડ જીત્યો હતો. એશિયન ગેમ્સ માટે પણ આ એક નવો રેકોર્ડ છે. આવા સમયે, ચીનની જિયાદી મોએ 55.01 સેકન્ડના સમય સાથે સિલ્વર મેડલ જીત્યો છે.

64. મહિલાઓની 5000 મીટરની દોડ, પારુલ ચૌધરી, (ગોલ્ડ) : ભારતની પારુલ ચૌધરીએ મહિલાઓની 5000 મીટરની દોડમાં ગોલ્ડ જીત્યો છે. એશિયન ગેમ્સમાં મહિલાઓની 5000 મીટરની દોડમાં ભારતનો આ પહેલો ગોલ્ડ છે. આવું પહેલા ક્યારેય બન્યું નથી.

65. મેન્સ 800 મીટર રેસ, મોહમ્મદ અફઝલ (સિલ્વર) : ભારતના મોહમ્મદ અફઝલે મેન્સ 800 મીટર રેસમાં સિલ્વર મેડલ જીત્યો છે. તેણે આ માટે 1:48:43 મિનિટનો સમય લીધો હતો. છેલ્લા કેટલાક મીટરમાં, સાઉદી અરેબિયાના એસ્સા અલીએ તેના પર લીડ લીધી અને તે ગોલ્ડ ચૂકી ગયો. ભારતના કૃષ્ણ કુમાર પાંચમા સ્થાને રહ્યા હતા.

66. પુરુષોની ટ્રિપલ જમ્પ, પ્રવીણ ચિત્રવેલ (બ્રોન્ઝ) : પ્રવીણ ચિત્રવેલે પુરુષોની ટ્રિપલ જમ્પ ઈવેન્ટમાં બ્રોન્ઝ મેડલ જીત્યો હતો. તેણે છઠ્ઠા પ્રયાસમાં 16.68 મીટરની છલાંગ લગાવી અને ત્રીજું સ્થાન મેળવવામાં સફળ રહ્યો હતો. ભારતનો અબુ બક્કર 16.62 મીટરના જમ્પ સાથે ચોથા ક્રમે રહ્યો હતો.

67. મેન્સ ડેકાથલોન, તેજસ્વિન શંકર (સિલ્વર) : ભારતના તેજસ્વિન શંકરે સિલ્વર મેડલ જીત્યો છે. તેણે ડેકેથલોનમાં આ સફળતા મેળવી હતી. આ સ્પર્ધામાં 10 વિવિધ રમતો રમાય છે. આ સ્પર્ધા બે દિવસ સુધી ચાલશે. 1974થી ભારતે આ ઈવેન્ટમાં કોઈ મેડલ જીત્યો નથી. 1974માં વિજય સિંહ ચૌહાણે ગોલ્ડ અને સુરેશ બાબુએ બ્રોન્ઝ જીત્યો હતો.

68. મહિલા જેવલિન થ્રો, અન્નુ રાની (ગોલ્ડ) : અન્નુ રાનીએ ઈતિહાસ રચ્યો છે. અન્નુએ એશિયાડની મહિલાઓની ભાલા ફેંક સ્પર્ધામાં ગોલ્ડ જીત્યો હતો. તેના ચોથા પ્રયાસમાં, તેણે સિઝનનું સર્વશ્રેષ્ઠ પ્રદર્શન કર્યું અને 62.92 મીટર બરછી ફેંકી હતી. શ્રીલંકાની નદીશા દિલહાને સિલ્વર મેડલ જીત્યો હતો.

69. મેન્સ બોક્સિંગ, નરેન્દ્ર બરવાલ (બ્રોન્ઝ) : નરેન્દ્ર બરવાલે +92 કિગ્રા વર્ગમાં ભારત માટે બ્રોન્ઝ મેડલ જીત્યો હતો. પેરિસ ઓલિમ્પિકમાં નરેન્દ્રનું સ્થાન પણ નિશ્ચિત થઈ ગયું છે.

70. 35 કિમીની રેસ, મિશ્ર ટીમ, મંજુ રાની અને રામ બાબુ (બ્રોન્ઝ) : મંજુ રાની અને રામ બાબુની જોડીએ 35 કિમીની મિશ્ર રેસમાં બ્રોન્ઝ મેડલ જીત્યો હતો. સ્પર્ધામાં ભાગ લેનારી પાંચ ટીમોમાં ભારતીય ટીમ ત્રીજા ક્રમે રહી હતી. ભારતીય જોડીએ 5:51:14 મિનિટમાં પોતાની રેસ પૂરી કરી હતી.

71. તીરંદાજી, મિશ્ર ટીમ, ઓજસ અને જ્યોતિ, (ગોલ્ડ મેડલ) : તીરંદાજીમાં, ઓજસ દેવતાલે અને જ્યોતિ વેન્નમે કમ્પાઉન્ડ મિક્સ્ડ ટીમ ઈવેન્ટમાં ગોલ્ડ મેડલ જીત્યો હતો. ભારતીય જોડીએ દક્ષિણ કોરિયાની ટીમને 159-158થી હરાવ્યું હતું.

English summary

Asian Games Indian Winner List : India won 71 medals in Asian Games, know who got medal in which sport