કોણ છે અમેરિકન એરફોર્સ પાયલટ મેડિશન માર્શ? જે મિસ અમેરિકામાં પોતાની ખૂબસૂરતીનો જલવો વિખેરવા જઈ રહી છે

યુએસ એરફોર્સની એક મહિલા પાયલોટ આ દિવસોમાં ખુબ ચર્ચામાં છે. મેડિસન માર્શ નામની આ પાયલોટ ફાઈટર પ્લેન ઉડાડતી હતી અને હવે સૌંદર્ય સ્પર્ધા મિસ અમેરિકામાં ભાગ લેવા જઈ કહી છે.

યુએસ એરફોર્સ એકેડેમીમાંથી સ્નાતક થયાના થોડા મહિના પછી મેડિસન માર્શે સૌંદર્ય સ્પર્ધા મિસ અમેરિકામાં પ્રવેશવાનું નક્કી કર્યું છે. મેડિસન માર્શને મે 2023માં યુએસ એરફોર્સ ઓફિસર તરીકે કમિશન આપવામાં આવ્યું હતું.

22 વર્ષીય મેડિસન માર્શ અરકાનસાસની વતની છે. મેડિસન માર્શે યુએસ એરફોર્સ એકેડમીમાંથી સ્નાતક થયા પહેલા મિસ કોલોરાડોનો ખિતાબ જીત્યો છે.

મેડિસન માર્શ યુએસ એરફોર્સમાં સેકન્ડ લેફ્ટનન્ટ તરીકે ભરતી થઈ અને જાહેર નીતિમાં તેની માસ્ટર ડિગ્રી પૂર્ણ કરવા હાર્વર્ડ કેનેડી સ્કૂલમાં એડમિશન લીધુ છે. મેડિસન માર્શ હાલમાં મિસ અમેરિકાના ખિતાબ માટે સ્પર્ધા કરી રહી છે, જેનો નિર્ણય ફ્લોરિડામાં 13 અને 14 જાન્યુઆરીએ 50 સુંદરીઓ વચ્ચે થશે.

મેડિસન માર્શ પ્રથમ યુએસ એરફોર્સ અધિકારી હશે, જે મિસ અમેરિકા સ્પર્ધામાં ભાગ લેવા સાથે સાથે ફરજ પર પણ છે.

એક ઈન્ટરવ્યૂમાં મેડિસન માર્શ કહે છે કે, જીવનના મારા મનપસંદ ભાગોની બંને બાજુઓને એકસાથે લાવવું એ એક અદ્ભુત અનુભવ છે અને આશા છે કે અન્ય લોકોને એ સમજવામાં મદદ કરશે કે તમારે તમારી જાતને મર્યાદિત કરવાની જરૂર નથી.

તેણીએ કહ્યું કે, આર્મીમાં તમે જે રીતે નેતૃત્વ કરવા માંગો છો તે રીતે નેતૃત્વ કરવા માટે તે ખરેખર એક ખુલ્લી જગ્યા છે. મેડિસન માર્શ દાવો કરે છે કે તેણીની લશ્કરી શારીરિક તાલીમે સૌંદર્ય સ્પર્ધા માટે તેને તૈયાર કરવામાં મદદ કરી હતી.

English summary

Who is American Air Force Pilot Madison Marsh? Who is going to spread her beauty in Miss America