US Election 2024 : અમેરિકન ચૂંટણીમાં કમલા હેરિસના જીતવાના કેટલા ચાન્સ? જાણો શું કહે છે લેટેસ્ટ સર્વે?
US Presidential Election 2024 : અમેરિકાના પ્રેસિડેન્ટની ચૂંટણી અંતિમ તબક્કામાં છે. ચૂંટણીમાં બન્ને ઉમેદવારો વચ્ચે કાંટાની ટક્કર જોવા મળી રહી છે.
ચૂંટણીના અંતિમ અઠવાડિચામાં બન્ને ઉમેદવાર કમલા હેરિસ અને ડોનાલ્ડ ટ્રમ્પ તેમના ચૂંટણી અભિયાનમાં પુરી તાકાત લગાવી રહ્યાં છે.
હાલમાં જ વાઇસ પ્રેસિડેન્ટ કમલા હેરિસે વોશિંગ્ટન ડીસીમાં એલિપ્સના સમર્થકો સાથે વાત કરી તો હરીફ અને પૂર્વ પ્રમુખ ડોનાલ્ડ ટ્રમ્પે 6 જાન્યુઆરી 2021ના રોજ કેપિટોલ હિલ પરના હુમલા પહેલા સમર્થકોને સંબોધ્યા હતા.
અહીં ડોનાલ્ડ ટ્રમ્પનું ધ્યાન સંપૂર્ણપણે પેન્સિલવેનિયા પર છે, જે એક સ્વિંગ સ્ટેટ છે અને માનવામાં આવે છે કે વ્હાઇટ હાઉસનો રસ્તો અહીંથી પસાર થાય છે.
ટ્રમ્પે પેન્સિલવેનિયાનાએલનટાઉનમાં ચૂંટણી રેલી યોજી હતી. આના બે દિવસ પહેલા જ એક કોમેડિયને ન્યૂયોર્કમાં ટ્રમ્પની રેલી દરમિયાન પોડિયમ પરથી પ્યુર્ટો રિકો વિશે જાતિવાદી ટિપ્પણી કરી હતી, જેના પર વિવાદ થયો હતો.
ચૂંટણી સર્વે શું કહે છે?
રોઇટર્સ/ઇપ્સોસના લેટેસ્ટ સર્વે અનુસાર, ચૂંટણીના અંતિમ તબક્કામાં ટ્રમ્પ પર કમલા હેરિસની લીડ ઘટી છે. પોલ મુજબ રાષ્ટ્રીય સ્તરે રિપબ્લિકન ઉમેદવાર ટ્રમ્પ પર તેમની લીડ માત્ર એક ટકા છે. કમલા હેરિસને 44 ટકા અને ટ્રમ્પને 43 ટકા વોટ મળતા જોવા મળી રહ્યા છે. પોલમાં કોઈપણ દિશામાં લગભગ ત્રણ ટકા પોઈન્ટની ભૂલનો માર્જીન છે.
સર્વે એ પણ દર્શાવે છે કે સપ્ટેમ્બરના અંતથી કમલા હેરિસની લીડ સતત ઘટી રહી છે. 16-21 ઓક્ટોબરના અગાઉના રોઇટર્સ/ઇપ્સોસ પોલમાં કમલા હેરિસ ટ્રમ્પ કરતાં બે પોઇન્ટથી આગળ હતા.
અગ્રણી અમેરિકન પોલસ્ટર રાસમુસેન દ્વારા અલગ ટેલિફોન અને ઑનલાઇન સર્વે દર્શાવે છે કે કમલા હેરિસ પડકારનો સામનો કરી રહી છે. આ સર્વે અનુસાર, 47 ટકા સંભવિત અમેરિકન મતદારો તેમના વિશે સકારાત્મક અભિપ્રાય ધરાવે છે, જ્યારે 33 ટકા તેમના વિશે ખૂબ જ હકારાત્મક અભિપ્રાય ધરાવે છે. જો કે, 51 ટકા લોકો તેમના વિશે નકારાત્મક અભિપ્રાય ધરાવે છે, અને 44 ટકા લોકો ખૂબ નકારાત્મક છાપ ધરાવે છે.
ફાઈવથર્ટી એઈટના પોલ ટ્રેકર મુજબ, કમલા હેરિસ રાષ્ટ્રીય ચૂંટણીમાં 1.4 પોઈન્ટથી આગળ છે, જે મતદાનના ભૂલના માર્જિનમાં છે, જે કાંટાની ટક્કરના સંકેત આપે છે.
Click it and Unblock the Notifications
Sign in with Google
