US Presidential Election 2020 Live: નવાદા, એરિજોનામાં બિડેન આગળ, જ્યૉર્જિયામાં ટ્રમ્પની લીડ ઘટી

US Presidential Election 2020 Live: ન્યૂયોર્ક, ન્યૂજર્સી અને વર્જીનિયામાં વોટિંગ શરૂ

Updated: Friday, November 6, 2020, 10:52 [IST]

અમેરિકામાં આજે પ્રેશિડેન્શિયલ ચૂંટણી (US Presidential Election 2020) માટે મતદાન થશે. અમેરિકાની આ ચૂંટણી માત્ર અમેરિકા માટે જ નહિ બલકે આખી દુનિયા માટે ઘણું મહત્વ ધરાવે છે. ગત કેટલાક વર્ષોમાં ભારત અને અમેરિકાના સંબંધો જે ગતિએ મજબૂત એવામાં અમેરિકાની ચૂંટણીની અસર ભારત પર કાસ પડશે.

ભારતીય સમય મુજબ આજે બપોરે સાડા ચાર વાગ્યાની આજુબાજુમાં અમેરિકાના પ્રેસિડેન્ટ પદ માટે મતદાન થનાર છે જે બુધવારે સવારે 7.30 વાગ્યા સુધી ચાલુ રહેશે. જે મતદાતાઓએ અર્લી વોટિંગમાં બેલેટ દ્વારા વોટિંગ નથી કર્યું તેવા મતદાતા આ ચૂંટણીમાં ભાગ લેશે. જણાવી દઈએ કે આ વખતે 50 ટકા મતદાતા અર્લી વોટિંગમાં મતદાન આપી ચૂક્યા છે, જેનું મુખ્ય કારણ કોરોના મહામારી છે. રિપબ્લિકન પાર્ટી તરફતી ડોનાલ્ડ ટ્રમ્પ કિસ્મત અજમાવી રહ્યા છે જ્યારે ડેમોક્રેટિક પાર્ટી તરફથી બે વાર અમેરિકાના ઉપ રાષ્ટ્રપતિ રહી ચૂકેલા જો બિડેન ટ્રમ્પને ટક્કર આપી રહ્યા છે.

Nov 07, 2020, 4:46 pm IST

ડેમોક્રેટ જો બીડેન ધીરે ધીરે રાષ્ટ્રપતિ પદ પ્રાપ્ત કરવા તરફ આગળ વધી રહ્યા છે. છેલ્લાં 28 વર્ષથી અમેરિકાના જ્યોર્જિયામાં રિપબ્લિકન પાર્ટીનું વર્ચસ્વ હવે સમાપ્ત થઈ રહ્યું છે. અહીં, બિડેન આગળ છે અને અત્યાર સુધીમાં તેમને 7,248 મતોની લીડ મળી છે.

Nov 07, 2020, 1:44 pm IST

અમેરિકી રાષ્ટ્રપતિ ડોનાલ્ડ ટ્રમ્પે કહ્યુ છે કે જો બિડેને પ્રેસિડેન્સીનો ખોટો દાવો ન કરવો જોઈએ. આ દાવો તો હું પણ કરી શકુ છુ. ડોનાલ્ડ ટ્રમ્પે કહ્યુ કે હવે ચૂંટણી પ્રક્રિયામાં ફરીથી કાનૂની કાર્યવાહી શરૂ થઈ રહી છે.

Nov 06, 2020, 10:50 am IST

પેંસિલવેનિયા, જ્યોર્જિયા, નૉર્થ કેરોલિના, એરિજોના અને નવાદાના અંતિમ પરિણામ સામે આવી શકે છે. ડોનાલ્ડ ટ્રમ્પ નૉર્થ કેરોલિનામાં લીડ કરી રહ્યા છે પરંતુ જ્યૉર્જિયામાં તેમની લીડ ઘટી રહી છે.

Nov 06, 2020, 9:20 am IST

જોર્જિયા અને મિશીગનમાં ટ્રમ્પ કેમ્પેઈને મળી કોર્ટમાં હાર, નવાદામાં હવે ફાઈલ કરશે કેસ. જોર્જિયામાં ટ્રમ્પ કેમ્પેઈને આરોપ લગાવ્યો છે કે 53 એવા બેલેટ્સને મિલાવી દેવામાં આવ્યા છે મોડેથી પહોચ્યા હતા. જ્યારે મિશીગનમાં કેમ્પેઈન વોટ કાઉન્ટિંગને રોકવા માટે કોર્ટ પહોંચ્યુ હતુ. બંને કેસમં જજોએ કહ્યુ કે તેમની પાસે કોઈ ઠોસ પુરાવા નથી જેનાથી આરોપોની પુષ્ટિ થઈ શકે. આ સાથે જ અરજીઓને ફગાવી દેવામાં આવી.

Nov 06, 2020, 7:54 am IST

જો બિડેને લોકોને કરી શાંત રહેવાની અપીલ, કહ્યુ - પ્રક્રિયા ચાલી રહી છે, ગણતરી પૂરી થઈ રહી છે.

Keep the faith, guys. We’re gonna win this.
— Joe Biden (@JoeBiden) November 4, 2020

Nov 06, 2020, 7:49 am IST

ડોનાલ્ડ ટ્રમ્પે એક વાર ફરીથી જીતનો દાવો કર્યો છે. ડોનાલ્ડ ટ્રમ્પે એક પ્રેસ કૉન્ફરન્સને સંબોધિત કરીને કહ્યુ છે કે જો તમે માન્ય વોટ(કાયદેસર મત)ની ગણતરી કરશો તો હું સરળતાથી જીતી જઈશ. પરંતુ જો તમે ગેરકાયદે(મેલ ઈન બેલેટ્સ) મતોની ગણતરી કરશો તો તે(બિડેન) આના દ્વારા અમારાથી જીત ચોરવાની કોશિશ કરી શકે છે. હું પહેલેથી જ ઘણા મોટા રાજ્યોમાં ઐતિહાસિક માર્જિન સાથે જીતી ચૂક્યો છુ.

Nov 05, 2020, 4:12 pm IST

ટ્રમ્પ કેમ્પેઇન મેનેજર બિલ સ્ટેપિને ફરી એકવાર જણાવ્યું છે કે ઘણા વિસ્તારોમાં મત ગણતરીના અહેવાલો પ્રાપ્ત થયા છે, જેના પરિણામો પર સવાલો ઉભા થયા છે. આવી સ્થિતિમાં તેઓ ફરી મતની ગણતરી માટે અપીલ કરી છે.

Nov 05, 2020, 3:56 pm IST

Nov 05, 2020, 12:38 pm IST

બિડેને ખુદને જીતની નજીક જોઈ બિલ્ડ બેંક બેટર નામથી ટ્રાન્ઝિશન વેબસાઈટ શરૂ કરી છે. ટ્રાન્ઝિશન ટીમ યુએસ સામે આ સમયે મહત્વના મુદ્દાઓ પર કામની તૈયારી કરશે.

Nov 05, 2020, 12:37 pm IST

ટ્રમ્પના કેમ્પેઈન મેનેજર બિલ સ્ટેપીને એક વાર ફરીથી કહ્યુ છે કે ઘણા વિસ્તારોથી મત ગણતરીમાં ગરબડના સમાચાર આવ્યા છે. જેનાથી પરિણામો પર સવાલ ઉભા થઈ શકે છે. એવામાં તે ફરીથી મતગણતરીની અપીલ કરે છે.

Nov 05, 2020, 12:36 pm IST

અમેરિકી રાષ્ટ્રપતિ પદ માટે ડેમોક્રેટ ઉમેદવાર જે બિડેન બહુમતની નજીક આવતા દેખાઈ રહ્યા છે. રાષ્ટ્રપતિ બનવા માટે બહુમતના આંકડા એટલે કે 270 ઈલેક્ટ્રોલર વોટથી તે હવે 6 વોટ દૂર છે.

Nov 05, 2020, 12:34 pm IST

ચાર ભારતીય મૂળના ઉમેદવાર - ડૉ. એમી બેરા, પ્રેમિલા જયપાલ, રો ખન્ના અને રાજા કૃષ્ણમૂર્તિ - અમેરિકી કોંગ્રેસના નીચલા હાઉસ ઑફ રિપ્રેન્ઝન્ટેટીવ માટે ફરીથી ચૂંટાયા છે.

Nov 05, 2020, 10:38 am IST

પૂર્વ ઉપ રાષ્ટ્રપતિ ડેમોક્રેટ જો બિડેને તોડ્યો પોતાના બૉસ પૂર્વ રાષ્ટ્રપતિ બરાક ઓબામાનો રેકોર્ડ. બુધવારે બપોર સુધી બન્યા સૌથી વધુ વોટ મેળવનાર ઉમેદવાર. વર્ષ 2008માં બરાક ઓબામાને લગભગ 69,500,000 વોટ મળ્યા હતા. જ્યારે બિડેને અમેરિકી સમયાનુસાર બુધવારે બપોર સુધી 70,330,000 વોટ મેળવી લીધા છે.

Nov 05, 2020, 7:46 am IST

રાષ્ટ્રપતિ ડોનાલ્ડ ટ્રમ્પે પેંસિનિલવેનિયા, મિશીગનના પરિણામોને કોર્ટમાં પડકાર્યા, વિસ્કૉન્સિનમાં ફરીથી વોટોની ગણતરીની માંગ કરી. રાષ્ટ્રપતિ ટ્રમ્પના જણાવ્યા મુજબ પોસ્ટ દ્વારા આવેલ મતપત્રોના ટકા નષ્ટ કરનારા છે.

Nov 05, 2020, 7:21 am IST

રાષ્ટ્રપતિ ચૂંટણીમાં જીતની ખેબ જ નજીક પહોંચીને જો બિડેને કહ્યુ, 'પ્રક્રિયા અને એકબીજા પર વિશ્વાસ જાળવી રાખો. એકસાથે, આપણે આનાથી જીતીશુ.' તમને જણાવી દઈએ કે જે બિડેન જીતની ખૂબ જ નજીક પહોંચી ચૂક્યા છે. તેમણે અત્યાર સુધી 264 ઈલેક્ટોરલ વોટ મેળવી લીધા છે. વળી, ટ્રમ્પ 214 વોટો પર છે. અમેરિકામાં બહુમતનો આંકડો 270 છે એટલે કે બિડેન માત્ર 6 વોટ દૂર છે.

Nov 05, 2020, 12:17 am IST

સુત્રોના જણાવ્યા અનુસાર જો બીડેન વિસ્કોન્સિનમાં 49.57 ટકા મત સાથે જીત્યા હતા, જ્યારે ટ્રમ્પને 48.95 ટકા મત મળ્યા હતા. અહીં કુલ 95 ટકા મતદાન થયું હતું.

Nov 04, 2020, 11:06 pm IST

ઉપરાષ્ટ્રપતિ પદના ઉમેદવાર કમલા હેરિસે કહ્યું - દરેક બેલેટની ગણતરી ન થાય ત્યાં સુધી આ રેસ સમાપ્ત થશે નહીં.

Nov 04, 2020, 11:05 pm IST

ફિલ્મ નિર્માતા મીરા નાયરના પુત્રની ન્યુ યોર્ક રાજ્ય વિધાનસભાની ચૂંટણીમાં જીત, જોહરાન મમડાની ડેમોક્રેટિક સોશિયલિસ્ટ ઓફ અમેરીકાના સભ્ય છે.

Nov 04, 2020, 10:49 pm IST

જો બિડેને કહ્યું- ઈંતેજાર કરો, જીત આપણી થશે

Nov 04, 2020, 10:48 pm IST

ટ્રમ્પે ફ્લોરિડા, ટેક્સાસ, ઓહિયો, આયોવા, કેંટકી, લુઈસિયાના, મિસિસિપી અને ટેનેસી જીતી લીધા છે. સમાચાર એજન્સી એસોસિએટેડ પ્રેસ મુજબ ટ્રમ્પ ચૂંટણી યુદ્ધના મેદાન પેન્સિલવેનિયામાં પણ બિડેનથી આગળ છે. 64 ટકા મતગણતરી પૂરી થયા બાદ ટ્રમ્પ પાસે 54.5 ટકા મતદાતા વોટ સંખ્યા છે, જ્યારે બિડેનને 44.4 ટકા વોટ મળ્યા છે.

Nov 04, 2020, 10:46 pm IST

ડોનાલ્ડ ટ્રમ્પે મત ગણતરી પર સવાલ ઉઠાવ્યા, ગડબડીની આશંકા જતાવી

Nov 04, 2020, 10:16 pm IST

રિપબ્લિકન રાષ્ટ્રપતિ પદના ઉમેદવાર ડોનાલ્ડ ટ્રમ્પે યુ.એસ.માં મતની ગણતરી પર ઉઠાવ્યા સવાલ

Nov 04, 2020, 10:15 pm IST

ડોનાલ્ડ ટ્રમ્પે કહ્યું - તેઓ મેલ બેલેટની ગણતરી કેવી રીતે કરે છે, તે તેમની ટકાવારી અને વિનાશક ક્ષમતામાં ભયંકર છે.

Nov 04, 2020, 10:07 pm IST

ટ્રમ્પે ફ્લોરિડા, ટેક્સાસ, ઓહિયો, આયોવા, કેન્ટુકી, લ્યુઇસિયાના, મિસિસિપી અને ટેનેસીમાં જીત મેળવી છે. સમાચાર એજન્સી એસોસિએટેડ પ્રેસના જણાવ્યા અનુસાર, ચૂંટણીના યુદ્ધના મેદાન એવા પેન્સિલવેનિયામાં પણ ટ્રમ્પ બિડેનથી આગળ છે. ટ્રમ્પ પાસે 64 ટકા મત પૂર્ણ થયા પછી 54.5 ટકા મતદારોની મત સંખ્યા છે, જ્યારે બિડેનને 44.4 ટકા મત મળ્યા છે.

Nov 04, 2020, 9:10 pm IST

જો બિડેને કહ્યું - રાહ જુઓ, વિજય આપણી જ થશે

Nov 04, 2020, 8:55 pm IST

જો બીડેનને 238 અને ડોનાલ્ડ ટ્રમ્પને 213 મતદાર મતો મળ્યા.

Nov 04, 2020, 3:12 pm IST

એરિઝોનામાં ડેમોક્રેટ જો બીડેનનો વિજય થયો. 1996 પછી ડેમોક્રેટિક પાર્ટીના આવા બીજા ઉમેદવાર છે જે અહીં જીત્યા છે. આ એક મોટું યુદ્ધનું મેદાન છે જ્યાં ટ્રમ્પે 2016 માં 3.5 ટકા પોઇન્ટ સાથે જીત મેળવી હતી.

Nov 04, 2020, 1:19 pm IST

અમેરિકી રાષ્ટ્રપતિ ડોનાલ્ડ ટ્રમ્પે એક વાર ફરીથી પોતાની જીતનો દાવો કર્યો છે. કોરોના વાયરસ મહામારી વચ્ચે થયેલી આ ચૂંટણીમાં વોટિંગ બંધ થઈ ચૂક્યુ છે. રાષ્ટ્રપતિ ટ્રમ્પે કહ્યુ કે તે દરેક જગ્યાએ જીતી રહ્યા છે. ડેમોક્રેટ્સ જો જીતનો દાવો કહી રહ્યા હોય તો એ જનતા સાથે છેતરપિંડી છે અને હવે આનો નિર્ણય સુપ્રીમ કોર્ટમાં થશે.

Nov 04, 2020, 1:00 pm IST

યૂઝ એજન્સી એપી તરફથી જણાવવામાં આવ્યુ છે કે રાષ્ટ્રપતિ ડોનાલ્ડ ટ્રમ્પ ફ્લોરિડામાં જીતી ચૂક્યા છે. આ રાજ્યના 29 ઈલેક્ટોરલ વોટ્સ પણ તેમના ખાતામાં ગયા છે. ફ્લોરિડા એક મોટુ બેટલગ્રાઉન્ડ સ્ટેટ છે અને ટ્રમ્પના ફરીથી ચૂંટણીમાં આ રાજ્ય મોટી ભૂમિકા નિભાવવાનુ છે. રાષ્ટ્રપતિ ટ્રમ્પ હવે ધીમે ધીમે ચૂંટણી મેદાનમાં પાછા આવી રહ્યા છે.

Nov 04, 2020, 12:58 pm IST

રાષ્ટ્રપતિ ડોનાલ્ડ ટ્રમ્પ જૉર્જિયા અને નૉર્થ કેરોલિના રાજ્યોમાં પણ આગળ થઈ ચૂક્યા છે.

10:46 AM, 3 Nov

હવે ગણતરીની કલાકોમાં જ રાષ્ટ્રપતિ પદ માટે મતદાન શરૂ થઈ જશે. તેની પહેલાં ડેમોક્રેટિક પાર્ટી તરફથી ઉપરાષ્ટ્રપતિ પદના ઉમેદવાર કમલા હેરિસે ફિલાડેલ્ફિયામાં પોતાની છેલ્લી ચૂંટમી રેલી સંબોધિત કરી. રેલી દરમ્યાન કમલા હેરિસે વોટર્સને પોતાની પાર્ટી માટે મતદાન કરવા અપીલ કરી.

10:50 AM, 3 Nov

માનવામાં આવી રહ્યું છે કે બેલેટ દ્વારા પડતા મતને કારણે ચૂંટણી પરિણામની ઘોષણા થવામાં વિલંબ થઈ શકે છે. અમેરિકામાં રાષ્ટ્રપતિ પદ પર ચૂંટાવવા માટે ઉમેદવારે ઈલેક્ટોરલ કોલેજ વોટના 50 ટકાથી વધુ વોટ મેળવવાના હોય ચે. જણાવી દઈએ કે અમેરિકામાં ઈલેક્ટોરલ કોલેજના 538 વોટ છે. એવામાં જીત માટે કોઈપણ ઉમેદવારે 270 કે તેથી વધુ વોટ મેળવવા જરૂરી છે.

11:06 AM, 3 Nov

અમેરિકી સમય મુજબ અહીં મંગળવારે સવારે 6 વાગ્યાથી રાતના 9 વાગ્યા સુધી મતદાન થશે. ભારતના સમય મુજબ 3 નવેમ્બરે બપોરે સાડા ચાર વાગ્યાની આસપાસથી 4 નવેમ્બર વહેલી સવારે સાડા સાત વાગ્યા સુધી મતદાન ચાલશે.

11:07 AM, 3 Nov

અમેરિકામાં રાષ્ટ્રપતિ ચૂંટણી અપ્રત્યક્ષ રૂપે થાય છે, એટલે કે અમેરિકાના નાગરિક સીધી રીતે રાષ્ટ્રપતિને વોટ નથી આપતા. અમેરિકામાં રાષ્ટ્રપતિનો કાર્યકાળ ચાર વર્ષનો હોય છે. અમેરિકી સાંસદને કોંગ્રેસ કહેવાય ચે. જેમાં નીચલું સદન 'હાઉસ ઑફ રિપ્રજેંટેટિવ' છે અને ઉપલું સદન 'સીનેટ' કહેવાય છે.

11:13 AM, 3 Nov

અમેરિકામાં બે પાર્ટી સિસ્ટમ છે, જેમાં એક પાર્ટી રિપબ્લિકન અને બીજી ડેમોક્રેટિક પાર્ટી કહેવાય ચે. રિપબ્લિકન પાર્ટીના જે ચર્ચિત પ્રેસિડેન્ટ રહ્યા છે તેમાં અબ્રાહમ લિંકન અને જ્યોર્જ ડબલ્યૂ બુશનું નામ આવે છે. જ્યારે ડેમોક્રેટ પ્રેસિડેન્ટમાં બરાક ઓબામા, બિલ ક્લિંટન અને જૉન એફ કેનેડીનું નામ આવે છે. હાલના પ્રેસિડેન્ટ ડોનાલ્ડ ટ્રમ્પ રિપબ્લિકન પાર્ટીથી છે. જ્યારે જો બિડેન ડેમોક્રેટિક પાર્ટીના ઉમેદવાર છે.

11:21 AM, 3 Nov

અમેરિકી ચૂંટણીમાં જે મુદ્દો સૌથી મહત્વનો છે તેમાં કોરોના વિરુદ્ધ લડાઈ, ચીન વિરુદ્ધ ચાલી રહેલ ટેરિફ વૉર, જાતીય ભેદભાવ, જળવાયુ પરિવર્તન અને એચ1-બી વીજા જેવા મુદ્દા સામેલ છે

12:53 PM, 3 Nov

અમેરિકામાં આજે પ્રેસિડેન્શિયલ ચૂંટણી માટે મતદાન છે. જેમણે પોસ્ટલ બેલેટ દ્વારા વોટ નથી આપ્યો તેઓ આ ચૂંટણીમાં સામેલ થશે. અમેરિકામાં 50 ટકા મતદાતાઓએ પોસ્ટલ બેલેટથી વોટિંગ કરી દીધું છે.

2:22 PM, 3 Nov

હાલના સમયમાં અમેરિકાએ કેટલાય અવસર પર ખુલીને ભારતનું સમર્થન કર્યું છે. જેમાં MTCR, વાસેનાર અરેંજમેન્ટ અને ઓસ્ટ્રેલિયા ગ્રુપની સભ્યતા ભારતને અમેરિકાથી જ મળી છે. અમેરિકાની કોશિશ છે કે ભારતને ન્યૂક્લિયર સપ્લાયર ગ્રુપનો સભ્ય પણ બનાવવામાં આવે પરંતુ ચીન તેનો વિરોધ કરી રહ્યું છે.

3:30 PM, 3 Nov

અમેરિકી ચૂંટણીમાં ઉપરાષ્ટ્રપતિ પદના ઉમેદવાર કમલા હેરિસના સમર્થનમાં તમિલનાડુમાં તેમના પૈતૃક ગામ થુલાસેનદ્રાપુરમમાં તેમના પોસ્ટર લગાવવામાં આવ્યાં. જણાવી દઈએ કે કમલા હેરિસના માતા તમિલનાડુથી અમેરિકા ગયાં હતાં.

3:56 PM, 3 Nov

અમેરિકાના પૂર્વ ઉપ રાષ્ટ્રપતિ જો બિડેને ન્યૂ હૈંપશાયરના ડિક્સવિલે નૉચમાં તમામ પાંચ વોટ પોતાને નામ કરી લીધા છે. અમેરિકા-કેનેડા બોર્ડર પર આવેલ નાની ટાઉનશિપની વસ્તી બસ 12 લોકોની છે અને આ પહેલી જગ્યા છે જ્યાંથી રાષ્ટ્રપતિ ચૂંટણી પહેલાં પરિણામ આવવાના છે.

7:03 PM, 3 Nov

ન્યૂયોર્ક, ન્યૂજર્સી અને વર્જીનિયામાં વોટિંગ શરૂ

9:10 PM, 3 Nov

જો બિડેનની પત્ની ડૉક્ટર જિલ બિડેને લોકોને મતદાન કરવાની અપીલ કરી. તેમણે કહ્યું, આ એજ સમય છે, આગામી થોડા કલાકમાં આપણે આપણું ભવિષ્ય નક્કી કરશું. તમારા ઘરોમાંથી બહાર નીકળો અને નજીકના મતદાન કેન્દ્રમાં જઈ વોટ આપો.

This is it. Over the next few hours, we will decide our future. It's up to us.

If you haven't voted yet, go to https://t.co/z26WaqpGLB to look up your polling place and polling hours. pic.twitter.com/DLshcM7JPR
— Dr. Jill Biden (@DrBiden) November 3, 2020

9:11 PM, 3 Nov

ટ્રમ્પે સમય પહેલાં જીતનો ઘોષણા કરી હોવાના આરોપો ખોટા ગણાવ્યા

9:12 PM, 3 Nov

જો બિડેને ડેલાવેયરમાં પોતાના દીકરા બ્યૂની કબર પર જઈ ચૂંટણી દિવસની શરૂઆત કરી.

9:12 PM, 3 Nov

સંયુક્ત રાજ્ય અમેરિકાની પ્રથમ મહિલા મેલાનિયા ટ્રમ્પે ફ્લોરિડામાં પોતાનો મત આપ્યો

United States First Lady Melania Trump casts her vote in Florida.#USPresidentialElections2020 pic.twitter.com/k2NBs0iFXI
— ANI (@ANI) November 3, 2020

11:14 PM, 3 Nov

જો બિડેને ટ્વીટ કરી કહ્યું, અમેરિકાના લોકો સાથે ઉભવાનો દિવસ, આ આપણું લોકતંત્ર લેવાનો સમય છે.

11:16 PM, 3 Nov

પ્રેશિડેન્શિયલ ચૂંટણીના દિવસે ડોનાલ્ડ ટ્રમ્પના દીકરાએ ભારતનો વિવાદિત નક્શો ટ્વીટ કર્યો છે, તેણે ભારતના કાશ્મીરને પાકિસ્તાનનો ભાગ ગણાવ્યો

6:33 AM, 4 Nov

ઘણા રાજ્યોમાં મત ગણતરીની પ્રક્રિયા શરૂ થઈ ગઈ છે. થોડી વારમાં બાકીની જગ્યાએ પણ મત ગણતરી શરૂ થવાની છે.

6:34 AM, 4 Nov

મતગણતરી શરૂ થવા સાથે જ વ્હાઈટ હાઉસની આસપાસ સુરક્ષા વધારી દેવામાં આવી.

6:35 AM, 4 Nov

કેંટુકી, ઈન્ડિયાના અને વેરમૉન્ટમાં જીત્યા ટ્રમ્પ. 270 ઈલેક્ટોરલ વોટ્સમાં ટ્રમ્પ પાસે અત્યાર સુધી 19 અને બિડેન પાસે 3 વોટ.

7:02 AM, 4 Nov

ટેનેસીમાં જીત્યા ટ્રમ્પ જ્યારે ન્યૂજર્સીમાં બિડેનને મળી જીત.

7:17 AM, 4 Nov

રિપબ્લિકન રાષ્ટ્રપતિ ડોનાલ્ડ ટ્રમ્પ, કેંટુકી, ટેનેસી, ઓકલોહોમા, વેસ્ટ વર્જિનિયી અને ઈન્ડિયાનામાં જીત્યા. ડેમોક્રેટ જે બિડેનના હોમ ટાઉન ડેલોવેર, ન્યૂજર્સી, વેરમૉન્ટ, વર્જિનિયામાં જીત મેળવી. અત્યાર સુધી બિડેન પાસે85 તો ટ્રમ્પ પાસે 61 ઈલેક્ટ્રોરલ વોટ જ્યારે જીત માટે જોઈએ કુલ 270 વોટ.

7:18 AM, 4 Nov

ટેકસાસથી રિપબ્લિકન રૉની જેક્સન જીત્યા. રૉની, રાષ્ટ્રપતિ ટ્રમ્પના ચીફ ફિઝીશિયન રહ્યા છે. તેમને એક વાર વેટરન અફેર્સ સેક્રેટરીના પદ માટે નામિત કરવામાં આવી ચૂક્યા છે.

7:19 AM, 4 Nov

અલબામા અને મિસીસિપી આવ્યુ રિપબ્લિકન રાષ્ટ્રપતિ ડોનાલ્ડ ટ્રમ્પના ભાગે.

7:46 AM, 4 Nov

ફ્લોરિડામાં ટ્રમ્પ 2 પોઈન્ટ આગળ, જીતવા માટે 270 વોટની જરૂર

7:48 AM, 4 Nov

ટેક્સાસથી રિપબ્લિકન રૉની જૈકસન જીત્યા. રૉની, રાષ્ટ્રપતિના ચીફ ફિજીશિયન રહ્યા છે. તેમને એકવાર વેટરન અફેર્સ સેક્રેટરીના પદ માટે પણ નામિત કરવામાં આવી ચૂક્યા છે.

8:26 AM, 4 Nov

ડેેમોક્રેટ જે બિડેને ન્યૂયોર્ક, કોલોરાડો, કનેક્ટિકટ જીત્યા. ડોનાલ્ડ ટ્રમ્પે સાઉથ ડકોટામાં જીત મેળવી. ફ્લોરિડામાં જીત તરફ આગળ વધી રહ્યા છે ટ્રમ્પ.

9:06 AM, 4 Nov

અમેરિકી રાષ્ટ્રપતિ ડોનાલ્ડ ટ્રમ્પે સાઉથ કેરોલિનામાં જીત મેળવી. ટ્રમ્પ અત્યાર સુધી અલબામા, સાઉથ ડકોટા, નૉર્થ ડકોટા, અરાકંસાસ, ટેનેસી, વેસ્ટ વર્જિનિયા, ઓકલાહોમા, કેંટુકી અને ઈન્ડિયામાં જીત મેળવી ચૂક્યા છે.

9:17 AM, 4 Nov

અમેરિકી રાષ્ટ્રપતિ ઉટા, નેબ્રાસ્કા અને લુસિયાના પણ જીત્યા.

9:52 AM, 4 Nov

ભારતમાં અમેરિકી સેનેટર કમલા હેરિસના અંકલ જી બાલાચંદ્રને આશા છે કે જો બિડેન જીતશે. તેમણે કહ્યુ કે ફ્લોરિડા મહત્વપૂર્ણ છે કારણકે જો ટ્રમ્પ અહીંથી હાર્યા તો પછી તેમણે ગુડ બાય કહેવુ પડશે. પરંતુ બિડેન અહીં હાર્યા તો હાર-જીત મહત્વ નથી રાખતી. તે બીજા રાજ્યોથી જીતી શકે છે.