UAE Visa News Rule: UAE કરી રહ્યુ છે ભારતીયોના વીઝા ધડાધડ રદ, જલ્દી જાણો નિયમો નહીંતર થશે ભારે નુકસાન

UAE VISA POLICY: છેલ્લા કેટલાક વર્ષોમાં યુનાઈટેડ આરબ અમીરાત (UAE) ભારતીય પ્રવાસીઓ માટે એક પ્રિય સ્થળ તરીકે ઉભરી આવ્યું છે અને મોટી સંખ્યામાં ભારતીયો દુબઈ જઈ રહ્યા છે, પરંતુ યુએઈ સરકારે વિઝાને લઈને નવા નિયમો બનાવ્યા છે, જેના કારણે મોટી સંખ્યામાં ભારતીયોમાંથી દુબઈ આવી રહ્યા છે, વિઝા અરજીઓ ફગાવી દેવામાં આવી છે.

ટાઈમ્સ ઓફ ઈન્ડિયાના અહેવાલ મુજબ, અગાઉ દુબઈ માટે લગભગ 99 ટકા વિઝા અરજીઓ મંજૂર કરવામાં આવી હતી. પરંતુ હવે શ્રેષ્ઠ તૈયાર કરાયેલા દસ્તાવેજો પણ નકારી કાઢવામાં આવી રહ્યા છે.

UAEએ તાજેતરમાં ગલ્ફ સિટીની મુલાકાત લેવા ઈચ્છતા પ્રવાસીઓ માટે નવી અને કડક શરતો લાદી છે. આ ધોરણો હેઠળ પ્રવાસીઓ માટે તેમની તમામ હોટેલ બુકિંગ વિગતો અને રિટર્ન ટિકિટ દર્શાવવી ફરજિયાત બનાવવામાં આવી છે. અને જેઓ તેમના સંબંધીઓ સાથે રહેતા હોય તેઓએ પણ રહેઠાણનું પ્રમાણપત્ર બતાવવાનું રહેશે.

5થી 6 ટકા એપ્લિકેશન રિજેક્ટ

અગાઉ માત્ર 1થી 2 ટકા ભારતીયોના વિઝા રિજેક્ટ થતા હતા, પરંતુ હવે 100માંથી 5થી 6 ટકા અરજીઓ રિજેક્ટ થઈ રહી છે. ટાઈમ્સ ઓફ ઈન્ડિયાએ પાસિયો ટ્રાવેલ્સ પ્રાઈવેટ લિમિટેડના ડાયરેક્ટર નિખિલ કુમારને ટાંકીને જણાવ્યું હતું કે, "ફલાઈટની કન્ફર્મ ટિકિટ અને હોટલમાં રહેવાની માહિતી જોડાયેલ હોય ત્યારે પણ વિઝા અરજીઓ નકારી કાઢવામાં આવે છે."

ફ્લાઈટ ટિકિટ અને હોટેલ બુકિંગ કેન્સલ

તેમણે કહ્યું, "જે કેસોમાં પ્રવાસી દુબઈમાં સંબંધીઓ સાથે રહેતો હોય અને અમે હોસ્ટના ભાડા કરાર, અમીરાત આઈડી, રહેઠાણ વિઝાની નકલ અને સંપર્ક માહિતી જેવા ફરજિયાત દસ્તાવેજો પણ જોડીએ, તો પણ વિઝા રિજેક્ટ થઈ શકે છે. આ તમામ કેસોમાં , ગ્રાહકોએ કન્ફર્મ ફ્લાઇટ ટિકિટ અને હોટેલ બુકિંગ માટે પહેલેથી જ ચૂકવણી કરી દીધી છે." જેના કારણે મુસાફરોને ભારે નુકસાન વેઠવું પડી રહ્યું છે કારણ કે વિઝા રિજેક્ટ થયા બાદ તેમણે ફ્લાઇટની ટિકિટ અને હોટેલ બુકિંગ કેન્સલ કરવી પડે છે.

પરિવારના વિઝા નકારવામાં આવ્યા

વિહાર ટ્રાવેલ્સના ડિરેક્ટર હૃષિકેશ પૂજારીએ તેમના એક ગ્રાહક વિશે ધ ટાઈમ્સ ઓફ ઈન્ડિયાને જણાવ્યું હતું કે, "મારી પાસે ચાર જણનો એક પરિવાર હતો જેણે તેમની અરજી કાળજીપૂર્વક તૈયાર કરી હતી, જેમાં પુષ્ટિ થયેલ હોટેલ બુકિંગ અને ફ્લાઇટની વિગતોનો સમાવેશ થાય છે વિઝા અરજી નકારી કાઢવામાં આવી હતી." અન્ય એક કિસ્સામાં 35 લોકોના જૂથની દુબઈ મુસાફરીની યોજના પાટા પરથી ઉતરી ગઈ હતી, જ્યારે પરિવારના સભ્યના વિઝા નકારવામાં આવ્યા હતા.

પ્રવાસીઓને થઈ રહ્યું છે નુકસાન

હસમુખ ટ્રાવેલ્સના ડિરેક્ટર વિજય ઠક્કરે મીડિયાને જણાવ્યું હતું કે તેમના બે પ્રવાસીઓ જેઓ દુબઈમાં તેમના સંબંધીઓ સાથે રહેવાની યોજના બનાવી રહ્યા હતા, તેમની વિઝા અરજીઓ નકારી કાઢવામાં આવી હતી. ઠક્કરે જણાવ્યું હતું કે, "વિઝા માટે અરજી કરતી વખતે અમે નવી વિઝા જરૂરિયાતો અનુસાર તમામ જરૂરી દસ્તાવેજો જોડ્યા હતા. તેમ છતાં તેમની અરજીઓ નકારી કાઢવામાં આવી હતી. આનાથી પ્રવાસીઓને નોંધપાત્ર આર્થિક નુકસાન થયું હતું કારણ કે તેઓએ લગભગ ₹14,000 નો ખર્ચ કર્યો હતો, અને ટિકિટ રદ કરવાની કિંમત ₹20,000 અને તેથી વધુ હતી."

નવા વિઝા નિયમો કરાયા લાગુ

UAEની નવી વિઝા પોલિસી તેની કડક નીતિઓના બારને વધારતા સંયુક્ત આરબ અમીરાતે તાજેતરમાં નવા વિઝા નિયમો લાગુ કર્યા છે. આ હેઠળ, પ્રવાસીઓએ ગલ્ફ કન્ટ્રીના ઈમિગ્રેશન ડિપાર્ટમેન્ટના પોર્ટલ પર તેમના હોટેલ રિઝર્વેશન, ફ્લાઈટ ટિકિટની માહિતી અને રિટર્ન ટિકિટનો પુરાવો સબમિટ કરવો જરૂરી છે.

50 હજાર બેલેન્સ દર્શાવવુ પડશે

આ ઉપરાંત, પ્રવાસીઓએ એ પણ સાબિત કરવું પડશે કે તેમની પાસે દુબઈમાં રોકાણ માટે પર્યાપ્ત બેંક બેલેન્સ છે. લાઈવ મિન્ટ અનુસાર, જો કોઈ વ્યક્તિ હોટલમાં રહેવા માંગે છે, તો તેણે પાન કાર્ડની સાથે છેલ્લા ત્રણ મહિનાના બેંક સ્ટેટમેન્ટમાં 50,000 રૂપિયાનું મિનિમમ બેલેન્સ દર્શાવવું પડશે.