અફઘાનિસ્તાનમાં અરાજકતા વચ્ચે ચિલ્ડ્રન્સ પાર્કમાં તાલિબાનીઓ મોજ માણી રહ્યા છે

તાલિબાન આતંકવાદીઓ જયાફતો ઉડાવી રહ્યા છે. ભારત દ્વારા બનાવવામાં આવેલી સંસદમાં તેમને નાસ્તો કરતા જોવા મળી રહ્યા છે, ક્યારેક તેમને ચિલ્ડ્રન પાર્કમાં મોજ માણતા જોવા મળી રહ્યા છે, તો ક્યારેક ફીડિંગ ગાડી ચલાવતા જોવા મળે છે.

Updated: Tuesday, August 17, 2021, 14:02 [IST]

કાબુલ : રવિવારની સાંજે તાલિબાને અફઘાનિસ્તાનની રાજધાની પર કબ્જો કર્યો અને પછી ઇસ્લામિક અમીરાત બનાવવાની જાહેરાત કરી હતી. સોમવારના રોજ સમગ્ર દુનિયાએ જોયું કે કેવી રીતે અફઘાનિસ્તાનમાંથી બહાર નીકળવા માટે લોકો એરપોર્ટ પર ધસી ગયા છે, વિમાનના પૈડા પકડીને પણ અફઘાન છોડવા તૈયાર થઇ ગયા છે, વિમાનમાંથી સેંકડો ફૂટની ઉંચાઈ પરથી પડીને મરી રહ્યા છે, પરંતુ આ બધાની વચ્ચે તાલિબાન આતંકવાદીઓ જયાફતો ઉડાવી રહ્યા છે. ભારત દ્વારા બનાવવામાં આવેલી સંસદમાં તેમને નાસ્તો કરતા જોવા મળી રહ્યા છે, ક્યારેક તેમને ચિલ્ડ્રન પાર્કમાં મોજ માણતા જોવા મળી રહ્યા છે, તો ક્યારેક ફીડિંગ ગાડી ચલાવતા જોવા મળે છે.

#Kabul amusement park #Afghanistan pic.twitter.com/ELK0GjrwAm
— Hamid Shalizi (@HamidShalizi) August 16, 2021

તાલિબાની ચિલ્ડ્રન્સ પાર્કમાં રમકડાની કાર ચલાવી રહ્યા છે

અફઘાનિસ્તાનની રાજધાની કાબુલમાં તાલિબાન લડવૈયાઓ હાથમાં હથિયારો સાથે જોવા મળે છે. રાજધાની કાબુલમાંથી કેટલાક વીડિયો સામે આવ્યા છે અને એક અલગ વીડિયોમાં તાલિબાન લડવૈયાઓ પણ પાર્કમાં ઘોડા પર સવારી કરતા જોવા મળે છે. એટલે કે એક રીતે અફઘાનિસ્તાન ભયના પડછાયા હેઠળ જીવવા માટે મજબૂર છે, લોકોએ શાંતિ ગુમાવી છે, જ્યારે બીજી બાજુ તાલિબાનના લોકો રાજધાનીમાં મજા માણી રહ્યા છે.

સમગ્ર વિશ્વના લોકો, વિશ્વના તમામ શક્તિશાળી દેશો માથું ઝુકાવીને અસહાય અફઘાન સામે જોઇ રહ્યા છે. અફઘાનિસ્તાનના લોકોને મદદ કરવા માટે કોઈ તૈયાર નથી. અમેરિકા આગળ નીકળી ગયું છે. ચીન, પાકિસ્તાન અને રશિયાએ તાલિબાનને ટેકો આપ્યો છે. ઈરાન અને તુર્કી માન્યતા આપશે અને આ બધાની વચ્ચે સામાન્ય અફઘાનોનું ભવિષ્ય શું હશે? તેની કોઈને પરવા નથી.

Another one #Kabul pic.twitter.com/dLTRP2KZOX
— Hamid Shalizi (@HamidShalizi) August 16, 2021

ભારત દ્વારા નિર્મિત સંસદમાં ફોટો શૂટ

સોશિયલ મીડિયા પર એક વીડિયો ખૂબ વાયરલ થઈ રહ્યો છે, જેમાં દાવો કરવામાં આવી રહ્યો છે કે, તાલિબાન આતંકવાદીઓ અફઘાનિસ્તાનની સંસદમાં ઘૂસી ગયા છે. તેમના હાથમાં અત્યાધુનિક હથિયારો છે અને તે સ્પીકરની ખુરશીથી બાકીની બેઠકો સુધી બંદૂકો લઈને બેઠો છે.

એક દિવસ પહેલા આ આતંકવાદીઓએ અફઘાનિસ્તાનના રાષ્ટ્રપતિના મહેલ પર કબ્જો કરી લીધો હતો અને હવે સંસદ પણ તેમના નિયંત્રણમાં આવી ગઈ છે. વીડિયોમાં કેટલાક તાલિબાન આતંકવાદીઓ બેઠકો પર હથિયારો સાથે બેઠેલા જોવા મળે છે, જ્યાં બે સપ્તાહ પહેલા તત્કાલીન અફઘાનિસ્તાનના રાષ્ટ્રપતિ અશરફ ગનીએ સંસદનું સંયુક્ત સત્ર બોલાવ્યું હતું.

કાબુલના ગુરુદ્વારામાં 320થી વધુ હિન્દુ-સિખોએ શરણ લીધી

દિલ્હી સિખ ગુરુદ્વારા મેનેજમેન્ટ કમિટીના અધ્યક્ષ મનજિંદર સિંહ સરસાએ દાવો કર્યો કે કાબુલના ગુરુદ્વારાકરતા પરવનમાં કેટલાય હિન્દુઓ અને સિખોએ શરણ લીધી છે. તેમણે જણાવ્યું કે તેઓ અફઘાનિસ્તાનમાં સિખો અને હિન્દુઓ સહિત અલ્પસંખ્યક સમુદાયોની સુરક્ષાને લઈને કાબુલ ગુરુદ્વારા કમિટીના અધ્યક્ષ સાથે સતત સંપર્કમાં છે. મનજિંદર સિંહ સિરસાએ જણાવ્યું કે, 'હું કાબુલ ગુરુદ્વારા કમિટીના અધ્યક્ષ અને સંગત સાથે સતત સંપર્કમાં છું. તેમણે મને જણાવ્યું કે 320થી વધુ લોકો કરતા પરવન ગુરુદ્વારામાં છે. જેમાં 50 જેટલા હિન્દુઓ અને 270થી વધુ સિખ છે.'

રશિયાએ આપ્યું તાલિબાનને સમર્થન

અફઘાનિસ્તાનમાં રશિયાના રાજદૂત દિમિત્રી ઝિર્નોવે તાલિબાનને સમર્થન આપ્યું છે. તેમણે કહ્યું કે, તાલિબાન જે હજૂ પણ રશિયામાં સત્તાવાર રીતે આતંકવાદી સંગઠન તરીકે માન્ય છે, તેણે અશરફ ગની સરકાર કરતા છેલ્લા 24 કલાકમાં કાબુલને વધુ સારી સુરક્ષા પૂરી પાડી છે. રશિયન રાજદૂતના આ નિવેદનને તાલિબાન સાથેના સંબંધોને મજબૂત કરવાની દિશામાં મોટા પગલા તરીકે જોવામાં આવી રહ્યું છે. રશિયા ઇચ્છે છે કે, અફઘાનિસ્તાનમાં અસ્થિરતા મધ્ય એશિયામાં ન ફેલાય, તેથી તે તાલિબાન સાથે તેના સંબંધો સુધારવા માંગે છે.

It seems all they wanted was free rides at the theme park #Taliban pic.twitter.com/qh00uk96UK
— Shakib Noori (@shakibnoori) August 16, 2021

ચીન ટૂંક સમયમાં માન્યતા આપશે

ભારત, યુરોપિયન યુનિયન સહિત તમામ પશ્ચિમી દેશો પણ તાલિબાનની માન્યતાની વિરુદ્ધ છે. ભારતે સ્પષ્ટ કર્યું છે કે, તે કાબુલમાં બંદૂકોના આધારે સર્જાયેલી શક્તિને માન્યતા આપશે નહીં. કતારમાં યોજાયેલી બેઠકમાં ભારત, પાકિસ્તાન, ચીન સાથે રશિયાએ પણ વચન આપ્યું હતું કે, તેમને તાલિબાનને માન્યતા આપશે નહીં, પરંતુ આ ત્રણ દેશોએ યુ-ટર્ન લીધો છે. આવા સમયે બ્રિટીશ વડાપ્રધાન બોરિસ જોહ્ન્સને ચેતવણી આપી છે કે, અફઘાનિસ્તાનને ફરીથી 'આતંક માટે પ્રજનન સ્થળ' બનવાની મંજૂરી આપી શકાતી નથી, પરંતુ બેઇજિંગ અને ઇસ્લામાબાદ સંભવિત નવી સરકાર સાથે ગાઢ સંબંધો માટે તાલિબાનને માન્ય કરવા સંમત થયા છે.