દુનિયાનું સૌથી શક્તિશાળી રોકેટ અમેરિકાએ અંતરિક્ષમાં મોકલ્યું

અમેરિકામાં પહેલી વાર કોઇ પ્રાઇવેટ કંપની દ્વારા દુનિયાનું સૌથી વધુ વજન ધરાવતું રોકેટ સ્પેસમાં સફળતાપૂર્વક લોન્ચ કરવામાં આવ્યું છે. જાણો આ સમાચાર અંગે વિગતવાર અહીં.

Published: Wednesday, February 7, 2018, 9:42 [IST]

અમેરિકામાં બુધવારે દુનિયાનું સૌથી શક્તિશાળી રોકેટ ફાલ્કન હૈવીને સફળતાપૂર્વક અંતરીક્ષમાં લોન્ચ કરવામાં આવ્યું. અમેરિકાએ આ દ્વારા એક નવો રેકોર્ડ સ્થાપ્યો છે. કારણ કે આ રોકેટનું વજન 63.8 ટન છે. જાણ મુજબ આ રોકેટનું વજન બે સ્પેસ શટરના વજન જેટલું છે. ત્યારે આવા વજન વાળા રોકેટને અંતરીક્ષમાં સફળતાપૂર્વક લોન્ચ કરી અમેરિકાને નવો ઇતિહાસ સર્જ્યો છે. આ રોકેટને ફ્લોરિડાના જોન એફ કેનેડી સ્પેસ સેન્ટરથી લોન્ચ કરવામાં આવ્યું છે. આ રોકેટ 230 ફૂટ લાંબુ છે. જેમાં 27 મર્લિન એન્જિન છે. આ રોકટનું વજન દુનિયાના તમામ રોકેટથી વધુ છે. જેને અંતરીક્ષમાં મોકલવામાં આવ્યું છે. રોકેટમાં સ્પોર્ટ્સ કાર રોડસ્ટરને રાખીને સ્પેસમાં મોકલવામાં આવી છે. આ કાર સ્પેસએક્સના ફાઉન્ડર મસ્કની છે.

જેણે તેની કંપની ટેસ્લાએ બનાવી છે. આ કારમાં ત્રણ કેમેરા પણ છે. કેમેરા દ્વારા અંતરીક્ષના સુંદર ચિત્રોને કેદ કરવામાં આવશે. આ રોકેટ ફાલ્કન હૈવીને એક પ્રાઇવેટ કંપનીની મદદથી બનાવવામાં આવ્યું છે. અમેરિકામાં તેવું પહેલી વાર બન્યું છે જ્યારે કોઇ રોકેટને સરકારી મદદ વગર બનાવવામાં આવ્યું હોય. આ રોકેટથી નાસાને ખૂબ જ મદદ મળશે તેવી આશા છે. ભારતીય સમય મુજબ આ રોકેટ બુધવાર રાતે 2 વાગ્યા ને 25 મિનિટે લોન્ચ કરવામાં આવ્યું હતું. દુનિયાના સૌથી તાકતવાર રોકેટને સ્લાના બિલેનિયર એલન મસ્કની કંપની સ્પેસએક્સે બનાવ્યું છે. આશા રાખવામાં આવે છે કે ભવિષ્યમાં આ રોકેટથી લોકોને ચંદ્ર પર પણ મોકલી શકાય.

Published On February 7, 2018