Russia Ukraine Conflict : ચીને આપ્યો પુતિનનો સાથ, રશિયા પરથી તમામ પ્રતિબંધો હટાવ્યા

યુક્રેન યુદ્ધ વચ્ચે જ્યાં અમેરિકા અને પશ્ચિમી દેશોએ અમેરિકાને પ્રતિબંધોમાં ફસાવી દીધું છે, તો બીજી તરફ ચીને મોટી રમત રમી છે અને ચીને રશિયા પરથી તમામ મોટા પ્રતિબંધો હટાવવાની જાહેરાત કરી છે. એટલે કે યુક્રેન યુદ્ધ વચ્ચે ચીને અમેરિકાને મોટો ઝટકો આપ્યો છે.

ચીને રશિયા પાસેથી પ્રતિબંધો હટાવ્યા

ચીને યુક્રેન પર રશિયાના હુમલાની ટીકા કરવાનો ઇન્કાર કરી દીધો છે, યુક્રેનની કટોકટીનો ઉકેલ લાવવા માટે અને રશિયા સામે અમેરિકા અને પશ્ચિમી પ્રતિબંધોનીઅસર ઘટાડવા માટે વાતચીતનું આહ્વાન કર્યું છે. આ અગાઉ લાદવામાં આવેલા ઘણા નિયંત્રણો હટાવી દેવામાં આવ્યા છે.

પહેલા ચીન તરફથી કહેવામાં આવ્યું હતું કેચીન પ્રતિબંધો લગાવવામાં માનતું નથી અને પછી ચીને રશિયા પરના ઘણા મોટા પ્રતિબંધો હટાવ્યા છે.

એવું માનવામાં આવે છે કે, રશિયાને અમેરિકાના દબાણથીબચાવવા માટે ચીને આ પગલું ભર્યું છે અને જેની આશંકા હતી કે, અમેરિકા પ્રતિબંધોનો દોર વધુ કડક કરશે તેટલું જ રશિયા અને ચીન નજીક આવશે, ચીન દ્વારા તેનીપુષ્ટિ કરવામાં આવી છે.

વિશ્વ ઘણા ભાગોમાં વિભાજિત

યુક્રેન સંકટ વચ્ચે વિશ્વ ઘણા ભાગોમાં વહેંચાયેલું જણાય છે. એક તરફ યુક્રેનના રાષ્ટ્રપતિએ સ્પષ્ટ કર્યું છે કે, તેઓ યુક્રેન સાથે એકલા હાથે યુદ્ધ લડી રહ્યા છે, તો બીજીતરફ ચીન, પાકિસ્તાન, સાઉદી અરેબિયા જેવા અનેક મુસ્લિમ દેશો રશિયાની સાથે ઉભા જોવા મળે છે.

ભારતે પણ ખુલ્લેઆમ રશિયાનો વિરોધ કર્યો નથી અને રશિયાનાપક્ષમાંથી ક્યાંક ને ક્યાંક ભારતનું સ્ટેન્ડ દેખાઈ રહ્યું છે. જ્યારે યુક્રેનની સાથે અમેરિકા, યુરોપીયન દેશો અને નાટો છે, જેમણે સૈન્ય મદદનો ઇન્કાર કર્યો છે.

તે જ સમયેવિશ્વની નજર સતત ચીન પર હતી કે, યુક્રેન વિવાદ પર ચીન શું નિર્ણય લે છે? પરંતુ કોઈને અપેક્ષા ન હતી કે, ચીન રશિયા પરના પ્રતિબંધો હટાવવાની જાહેરાત કરશે.

રશિયાને ચીનની સીધી મદદ

ચીનના અખબાર સાઉથ ચાઈના મોર્નિંગ પોસ્ટે પોતાના અહેવાલમાં જણાવ્યું છે કે, ચીનની સરકારે રશિયા વિરુદ્ધ ઘઉંની નિકાસ પર લગાવવામાં આવેલ પ્રતિબંધ હટાવીલીધો છે.

રશિયા માટે આ મોટી રાહત છે, કારણ કે રશિયા વિશ્વમાં સૌથી વધુ ઘઉંની નિકાસ કરે છે અને પશ્ચિમી દેશોના પ્રતિબંધ બાદ રશિયાની ઘઉંની નિકાસ સંપૂર્ણરીતે બંધ થઈ જવાની હતી, પરંતુ ચીનના પ્રતિબંધો હટાવ્યા બાદ એ સ્પષ્ટ થઈ ગયું છે કે હવે રશિયા ચીનને પોતાનો ઘઉં વેચશે.

અખબાર અનુસાર, ચીનના જનરલએડમિનિસ્ટ્રેશન ઓફ કસ્ટમે યુક્રેન યુદ્ધ વચ્ચે રશિયા પર લગાવવામાં આવેલા ઘઉંના પ્રતિબંધને હટાવવાની જાહેરાત કરી છે.

અખબારે જણાવ્યું હતું કે, આ મહિનેચીનના રાષ્ટ્રપતિ શી જિનપિંગ અને રશિયન રાષ્ટ્રપતિ વ્લાદિમીર પુતિનની મુલાકાત બાદ આ નિર્ણય લેવામાં આવ્યો છે.

યુક્રેન યુદ્ધ પર ચીને શું કહ્યું?

ચીનના વિદેશ મંત્રાલયના પ્રવક્તા હુઆ ચુનયિંગે એક પ્રેસ બ્રીફિંગમાં પત્રકારોને જણાવ્યું હતું કે, યુક્રેનનો મુદ્દો તેની ઐતિહાસિક પૃષ્ઠભૂમિને કારણે જટિલ છે. આજેઆપણે જે જોઈ રહ્યા છીએ તે જટિલ પરિબળોની ક્રિયાપ્રતિક્રિયા છે.

ચીન તાજેતરની ઘટનાઓ પર નજીકથી નજર રાખી રહ્યું છે અને અમે હજૂ પણ આશા રાખીએ છીએકે, સંબંધિત પક્ષો શાંતિના દરવાજા બંધ નહીં કરે અને તેના બદલે વાતચીત અને પરામર્શમાં જોડાશે અને પરિસ્થિતિને વધતી અટકાવશે. જોકે ચીને યુક્રેનમાં સૈનિકોમોકલવાનું સમર્થન કર્યું ન હતું, પરંતુ તેણે પ્રતિબંધો સ્વીકારવાનો ઇન્કાર કર્યો હતો.

ચીનના પ્રતિબંધો હટાવવાનો અર્થ શું છે?

ગુરુવારના રોજ ચીનની કસ્ટમ એજન્સીએ રશિયાથી ઘઉંની આયાતને મંજૂરી આપી હતી અને રશિયા ઘઉંના સૌથી મોટા ઉત્પાદકોમાંથી એક છે, પરંતુ હવે યુએસ અનેયુરોપિયન દેશોના પ્રતિબંધો બાદ રશિયાની ઘઉંની નિકાસ પર ખરાબ અસર પડશે, પરંતુ ચીન તરફથી પ્રતિબંધો હટાવ્યા બાદ રશિયાને મોટી રાહત મળશે.

એવુંમાનવામાં આવે છે કે, રશિયા પહેલાથી જ જાણતું હતું કે, યુએસ ઘઉંની નિકાસ પર નિયંત્રણો લાદી શકે છે, તેથી બંને દેશોએ ઘઉં અંગે પહેલેથી જ સમજૂતી કરી લીધીહતી. ચીનના અખબારના અહેવાલ મુજબ 8 ફેબ્રુઆરીએ બંને દેશો વચ્ચે ઘઉંની નિકાસ પરનો પ્રતિબંધ હટાવવાનો નિર્ણય લેવામાં આવ્યો હતો.

ઉલ્લેખનીય છે કે,રશિયાના રાષ્ટ્રપતિ બેઈજિંગ વિન્ટર ઓલિમ્પિકના ઉદ્ઘાટન કાર્યક્રમમાં ભાગ લેવા માટે ચીન ગયા હતા અને આ દરમિયાન તેમણે શી જિનપિંગ સાથે લાંબી મુલાકાતકરી હતી.

કૃષિ કોમોડિટીઝ માટે એક વિશાળ બજાર છે ચીન

ઉલ્લેખનીય છે કે, ચીન કૃષિ ઉત્પાદનો અને તેના સપ્લાયર્સ માટે એક વિશાળ બજાર છે, પરંતુ અત્યાર સુધી ચીને બેક્ટેરિયા અને દૂષણના ડરથી રશિયા પાસેથી ઘઉંનીખરીદી પર પ્રતિબંધ લગાવી દીધો હતો, પરંતુ ગુરુવારની જાહેરાતમાં કહેવામાં આવ્યું છે કે, રશિયન ઘઉંના સ્મટ ફૂગના દૂષણને રોકવા માટે તમામ પગલા લેશે.

એટલેકે ચીનને અત્યાર સુધી જે ખતરો હતો, તે ખતરો યુક્રેન યુદ્ધ પહેલા ખતમ થઈ ગયો. આ અગાઉ કિવમાં ચીનના દૂતાવાસે તેના નાગરિકોને ઘરે રહેવાની ચેતવણી આપીહતી અને જો તેઓને લાંબા અંતરની મુસાફરી કરવાની જરૂર હોય તો તેમના વાહનની અંદર અથવા તેમના પર ચીનનો ધ્વજ લગાવ્યો હતો.

પશ્ચિમી દેશો પર ચીનનો આરોપ

બુધવારના રોજ ચીનના વિદેશ મંત્રાલયના પ્રવક્તા હુઆએ પશ્ચિમી દેશો પર "ડર અને ગભરાટ" બનાવવા અને ફેલાવવાનો આરોપ મૂક્યો અને કહ્યું કે, યુએસ કિવનેશસ્ત્રો આપીને તણાવ વધારી રહ્યું છે.

તેમણે કહ્યું કે, ચીન રશિયા પરના નવા પ્રતિબંધોનો વિરોધ કરે છે. ચીનના નેતા શી જિનપિંગના નેતૃત્વમાં ચીન-રશિયન સંબંધોવધુ ગાઢ બન્યા છે, જેમણે આ મહિનાની શરૂઆતમાં બેઇજિંગમાં વાટાઘાટોમાં પુતિનની યજમાની કરી હતી.

બંને નેતાઓએ ભૂતપૂર્વ સોવિયેત પ્રજાસત્તાકોમાં નાટોનાવિસ્તરણ સામે મોસ્કોના વિરોધને સમર્થન આપતા અને બેઇજિંગ અને મોસ્કો માટે મુખ્ય વિદેશ નીતિના સ્ટેન્ડ, તાઇવાનના સ્વ-શાસિત ટાપુ પર ચીનના દાવાને સમર્થનઆપતું સંયુક્ત નિવેદન બહાર પાડ્યું હતું.

English summary

Russia Ukraine Conflict : China came openly with Putin on Ukraine crisis, lifted all sanctions from Russia.