આ મહિલાને જમણી બાજુએ ધબકે છે હૃદય, જાણો આ દુર્લભ બીમારી વિશે...

વોશિંગટનમાં રહેતી એક મહિલાને જાણ થઇ કે તેનું હૃદય ઉચિત સ્થાને નહીં, પરંતુ ખોટી જગ્યા પર છે, ત્યારે તે ચોંકી ગઇ હતી. પહેલા તો આ મહિલાએ આ વાતને ડૉકટર્સની મજાક ગણાવી હતી, પરંતુ બાદમાં આ મહિલાએ આ વાત સ્વીકારવી પડી.

Published: Thursday, July 22, 2021, 12:29 [IST]

વોશિંગટન - તમે બોલીવુડની ફિલ્મ 'લક' જોઈ હશે? આ ફિલ્મમાં અભિનેતા સંજય દત્ત, ઇમરાન ખાન અને શ્રુતિ હસન સહિત ઘણા કલાકારોએ કામ કર્યું હતું. આ ફિલ્મમાં ઈમરાન ખાનને છાતીની ડાબી બાજુ ગોળી વાગે છે, પરંતુ તેનુ હૃદય જમણી બાજુ છે, જે એક દુર્લભ રોગ છે. આ તો રીલ લાઇફની વાત હતી, પણ જો રિયલ લાઇફમાં કોઇ સાથે આવું થાય તો તેની પ્રતિક્રિયા શું હશે?

મહિલા સાથે થયો ચમત્કાર

આવો જ એક ચોંકાવનારો કિસ્સો અમેરિકામાં સામે આવ્યો છે. વોશિંગટનમાં રહેતી એક મહિલાને જાણ થઇ કે તેનું હૃદય ઉચિત સ્થાને નહીં, પરંતુ ખોટી જગ્યા પર છે, ત્યારે તે ચોંકી ગઇ હતી. પહેલા તો આ મહિલાએ આ વાતને ડૉકટર્સની મજાક ગણાવી હતી, પરંતુ બાદમાં આ મહિલાએ આ વાત સ્વીકારવી પડી. 19 વર્ષીય ક્લેર મેક ગત બે મહિનાથી ખાંસીથી પરેશાન હતી. ઘરેલુ ઉપાય કર્યા બાદ પણ રાહત ન મળતા તેને ડૉક્ટરનો સંપર્ક કર્યો હતો.

લાંબા સમયથી આવતી હતી ખાંસી

હોસ્પિટલના ડૉકટર્સે જે કહ્યું તેનાથી ક્લેર મેડના હોશ ઉડી ગયા હતા. શિકાગોની રહેવાસી ક્લેર મેકને ડૉકટર્સ દ્વારા જણાવવામાં આવ્યું હતું કે, તેને લંગ્સ ઇન્ફેક્સન છે. જે કારણે તેનો એક્સ-રે લેવો પડશે. જે બાદ ડૉક્ટર્સ પણ ટેસ્ટ રિઝલ્ટથી આશ્ચર્યચકિત થઇ ગયા હતા. ક્લેર મેકને જણાવવામાં આવ્યું કે, તેનું હૃદય જમણી તરફ છે, જે સામાન્ય રીતે ડાબી બાજુ હોવું જોઇએ. આ વાત જાણીને ક્લેર મેક પોતે પણ ચોંકી ઉઠી હતી.

રિપોર્ટ્સમાં થયા ચોંકાવનારા ખુલાસા

ક્લેર મેકે જણાવ્યું હતું કે, તેને લાંબા સમયથી ખાંસી હતી. જૂન મહિનામાં અકસ્માતમાં ઇજાગ્રસ્ત થયા બાદ તે ટિટનેસના ઇન્જેક્શન માટે હોસ્પિટલમાં ગઈ હતી. આ દરમિયાન ખાંસી માટેનું એક ચેકઅપ પણ કરાવ્યું હતું. એક્સ-રે રિપોર્ટ સમજાવતા સમયે ડૉક્ટર પણ થોડા ચિંતાતુર દેખાયા હતા. ડૉક્ટરે ક્લેર મેકને કહ્યું કે, આ વિચિત્ર લાગશે, પરંતુ તમારું હૃદય છાતીની ડાબી તરફ નહીં, પણ જમણી તરફ છે.

ડેક્સ્ટ્રોકાર્ડિયા શું છે?

ડૉક્ટરે કહેલી આ સાંભળીને ક્લેર મેક હસી પડી હતી, પરંતુ જ્યારે તેને કહેવામાં આવ્યું કે, આ બીમારીને મેડીકલ ભાષામાં ડેક્સ્ટ્રોકાર્ડિયા કહેવામાં આવે છે. જે બાદ ક્લેર મેકને ડૉક્ટરની વાત પર વિશ્વાસ આવ્યો હતો. ડેક્સ્ટ્રોકાર્ડિયા એ એક દુર્લભ બીમારી છે, જેમાં વ્યક્તિનું હૃદય ડાબી તરફ નહીં, પણ છાતીમાં જમણી તરફ હોય છે.

જમણી બાજુએ સંભળાય છે હાર્ટ બીટ

ક્લેર મેકે આ અગાઉ અન્ય ડૉક્ટર પાસેથી જાણવા મળ્યું હતું કે, તેના હૃદયના ધબકારા ડાબી બાજુ કરતાં જમણી બાજુએ વધુ ઝડપથી સંભળાય છે. જોકે તે સમયે ક્લેર મેકે આ વાતની નોંધ લીધી ન હતી. ક્લેર મેકને પોતે એક મિલિયનમાં એક હોવાનો આનંદ પણ છે. ક્લેર મેકની આ વાત જગ જાહેર છે, ત્યારે લોકો તેને ઘણા વિચિત્ર સવાલો પૂછે છે.

Published On July 22, 2021