Pics: રશિયામાં વિક્ટરી ડે સેલિબ્રેશનમાં ભારતીય સેના બની પરેડનો ભાગ

Published: Saturday, May 9, 2015, 22:07 [IST]

મોસ્કો, 9 મે: ભારતના રાષ્ટ્રપતિ પ્રણવ મુખર્જી હાલમાં રશિયાની યાત્રા પર છે. ગઇકાલે તેમને ડોક્ટરેટની માનદ ઉપાધિથી સન્માનિત કરવામાં આવ્યા, અને આજે તેઓ રશિયામાં આયોજિત વિક્ટરી દિવસ એટલે કે વિજય દિવસનો ભાગ બન્યા. ખાસ વાત એ છે કે રાષ્ટ્રપતિની સાથે સાથે ભારતીય સેનાના જવાનોની એક ટુકડી પણ આ પરેડનો ભાગ બની.

આ યાત્રા દરમિયાન રાષ્ટ્રપતિએ જણાવ્યું કે ભારતના ઇતિહાસની મુશ્કેલીની પળોમાં રશિયન શક્તિ હંમેશા પડખે રહ્યું છે. ભારત-રશિયા સંબંધ, જે આપણા પરસ્પર ઐતિહાસ અનુભવો, સાંસ્કૃતિક નિકટતા, રાજનીતિક તાલમેલ તથા આર્થિક અવસરોથી બન્યા છે. અસ્થાઈ રાજનૈતિક વલણોની હવાઓથી પ્રભાવિત નથી થાય. રશિયાએ ભારતના વિકાસ, પ્રગતિ તથા સુરક્ષામાં યોગદાન આપ્યું છે. ભારત હંમેશા આ સમર્થનનો પ્રત્યુતર આપશે.

રાષ્ટ્રપતિએ જણાવ્યું કે ભારત માટે રશિયા સાથેના સંબંધો મહત્વપૂર્ણ છે. ભારત રક્ષા, પરમાણુ, ઊર્જા તથા સુરક્ષાના વિસ્તારમાં રશિયાની સાથે પોતાના પ્રગાઢ તથા વિસ્તૃત સહયોગને મૂલ્યવાન માને છે. રશિયા અમારૂ સૌથી મહત્વપૂર્ણ રક્ષા ભાગીદાર રહ્યુ છે અને રહેશે.

સ્લાઇડરમાં જુઓ વિક્ટરી ડેની મનમોહક તસવીરો...જેને જોઇને આપને ભારતીય હોવાનો ગૌરવ થશે.