પાપુઆ ન્યૂ ગિનીમાં પીએમ મોદીનુ પ્રોટોકૉલ તોડીને સ્વાગત, પ્રધાનમંત્રી પગે લાગ્યા

Published: Monday, May 22, 2023, 7:55 [IST]

Papua New Guinea PM tuches Modi Feet: વડાપ્રધાન નરેન્દ્ર મોદી જાપાનની તેમની મુલાકાત પૂર્ણ કર્યા બાદ ત્રણ દેશોના પ્રવાસના બીજા તબક્કા માટે પાપુઆ ન્યુ ગિની પહોંચ્યા છે. અહીં તેમનુ સ્વાગત પાપુઆ ન્યુ ગિનીના વડા પ્રધાન જેમ્સ મારાપેએ કર્યુ હતુ.

પીએમ મોદીને મળવા માટે પાપુઆ ન્યુ ગિનીના પીએમ તમામ પ્રોટોકોલ તોડીને અચાનક પહોંચ્યા હતા. પીએમ જેમ્સ મોરાપે પ્રધાનમંત્રી નરેન્દ્ર મોદીનુ દિલથી સ્વાગત કર્યુ હતુ.

પાપુઆ ન્યૂ ગિની તરફ વડાપ્રધાન નરેન્દ્ર મોદીને આવકારવા માટે અપનાવવામાં આવેલી રીત અપવાદ બની ગઈ છે. બંને દેશોના પીએમ વચ્ચે આ પ્રકારની મુલાકાત આજ સુધી ભાગ્યે જ જોવા મળી છે. હકીકતમાં, વડા પ્રધાન નરેન્દ્ર મોદી ભારત-પેસિફિક આઇલેન્ડ્સ કોઓપરેશન (FIPIC) ફોરમ ફોરમ માટે રવિવારે પાપુઆ ન્યુ ગિની પહોંચ્યા હતા.

આ દરમિયાન પાપુઆ ન્યુ ગિનીના વડાપ્રધાન જેમ્સ મારાપે તેમનું સ્વાગત કરવા પહોંચ્યા હતા. આ દરમિયાન તેમણે હૂંફની સામે પોતાના વડાપ્રધાન પદના પ્રોટોકોલની પરવા ન કરી અને પીએમ મોદીના પગે લાગ્યા.

#WATCH | Prime Minister Narendra Modi arrives in Papua New Guinea for the second leg of his three-nation visit after concluding his visit to Japan. He was received by Prime Minister of Papua New Guinea James Marape. pic.twitter.com/U94yUQ2aCl
— ANI (@ANI) May 21, 2023

જેમ્સ મોરાપેએ કરેલુ પીએમ મોદીનું સ્વાગત પાપુઆ ન્યુ ગિનીના ઈતિહાસમાં અપવાદરુપ બની ગયુ. વાસ્તવમાં, આ દેશમાં સૂર્યાસ્ત પછી કોઈ નેતાનું ઔપચારિક સ્વાગત કરવામાં આવતું નથી. પરંતુ આ માન્યતાને તોડવા માટે જેમ્સ મોરાપે પોતે એરપોર્ટ પહોંચી ગયા હતા.

આ પહેલા પીએમ મોદીએ જાપાનમાં G7 દેશોની સમિટમાં હાજરી આપી હતી. જ્યાં વિશ્વના મુખ્ય દેશો સાથેની બેઠકમાં મહત્વપૂર્ણ ચર્ચાઓ થઈ હતી. જાપાનથી પરત ફરતી વખતે PM નરેન્દ્ર મોદીએ PM જેમ્સ મોરાપે સાથે મુલાકાત કરી ભારત અને પાપુઆ ન્યુ ગિની વચ્ચેના સંબંધોને મજબૂત કરવા પર ચર્ચા કરી હતી.

પાપુઆ ન્યુ ગિનીની મુલાકાત દરમિયાન પીએમ મોદી ત્યાંના ભારતીય ડાયસ્પોરાને પણ મળ્યા હતા. એનઆરઆઈએ પીએમ મોદીનું સ્વાગત ઉષ્માભર્યુ સ્વાગત કર્યુ હતુ.

#WATCH | People from the Indian diaspora welcome Prime Minister Narendra Modi as he arrives in Papua New Guinea. pic.twitter.com/O2DfVjSRyd
— ANI (@ANI) May 21, 2023