નીલ મોહન યુટ્યુબના આગલા સીઈઓ બનશે, ભારતીય મૂળના ઉત્તરાધિકારીને કમાન સોંપીને ભાવુક થયા સુસાસ વીઝ્સ્કી

યુટ્યુબના આગલા સીઈઓ ભારતીય મૂળના નીલ મોહન હશે. જે ભારત માટે ગર્વની વાત છે. જાણો વર્તમાન સીઈઓ વોજસિકીએ શું કહ્યુ.

Published: Friday, February 17, 2023, 7:39 [IST]

નીલ મોહન યુટ્યુબના આગલા મુખ્ય કાર્યકારી અધિકારી(સીઈઓ) હશે. આ સફળતાથી વૈશ્વિક મંચ પર એક વાર ફરીથી ભારતનો ડંકો વાગ્યો છે. ગૂગલ સાથે જોડાયેલા વીડિયો પ્લેટફૉર્મ યુટ્યુબના પ્રમુખ નીલ મોહનની રાષ્ટ્રીયતા ભારતીય-અમેરિકી છે. રિપોર્ટસમાં કહેવામાં આવ્યુ કે નીલ વર્તમાન યુટ્યુબ પ્રમુખ(મુખ્ય કાર્યકારી અધિકારી) Wojcicki બાદ કંપનીના આગલા સીઈઓ નિયુક્ત કરવામાં આવ્યા છે. તમને જણાવી દઈએ કે દુનિયાની સૌથી મોટી સર્ચ એન્જિન - ગૂગલના સીઈઓ સુંદર પિચાઈ પણ ભારતીય મૂળના જ છે. માઈક્રોસૉફ્ટના સીઈઓ સત્યા નડેલાની જડો પણ ભારત સાથે જોડાયેલી છે.

નીલ મોહન યુટ્યુબ પહેલા પણ ઘણા મહત્વના પદો પર રહ્યા

યુટ્યુબની લીડરશિપમાં પરિવર્તનના સમાચાર માઇક્રો બ્લોગિંગ સાઇટ ટ્વિટર પરથી સામે આવ્યા છે. તેમાં કહેવામાં આવ્યુ છે કે ભારતીય-અમેરિકન નીલ મોહન યુટ્યુબના આગામી મુખ્ય કાર્યકારી અધિકારી(સીઈઓ) હશે. નીલ મોહન હાલમાં યુટ્યુબના ચીફ પ્રોડક્ટ ઓફિસર છે. યુટ્યુબમાં જોડાતા પહેલા મોહન ગૂગલમાં સીનિયર વાઇસ પ્રેસિડેન્ટ (SVP), ડિસ્પ્લે અને વીડિયો જાહેરાત(Display and Video)રહી ચૂક્યા છે.

વોજસિકી ભારતીય ઉત્તરાધિકારી પર શું બોલ્યા

વોજસિકીએ વિદાય લેતા પહેલા એક પત્રમાં જાહેરાત કરી હતી કે નીલ મોહન તેમના અનુગામી હશે. તેમણે મોહન વિશે કહ્યુ કે મોહન એક ઉત્કૃષ્ટ નેતા છે જે આ સમુદાય અને તેમની જરૂરિયાતોને કોઈપણ કરતાં વધુ સારી રીતે સમજે છે. નીલને મદદ કરવા માટે વોજસિકી થો઼ા સમય માટે ઑફિસમાં રહેશે. યુટ્યુબનુ સીઈઓ પદ છોડ્યા પછી, તેઓ ગૂગલ અને આલ્ફાબેટના સલાહકાર તરીકે કામ કરશે.

વર્તમાન સીઈઓનુ રાજીનામુ

વર્તમાન યુટ્યુબ સીઈઓ સુસાન વોઝ્સ્કીએ 'વ્યક્તિગત પ્રોજેક્ટ્સ'ને ટાંકીને તેમના રાજીનામાની જાહેરાત કરી. યુટ્યુબ નિર્માતાઓએ ટ્વિટર પર વોજિસ્કીના રાજીનામાની જાણ કરી અને ઓનલાઈન વીડિયો-શેરિંગ પ્લેટફોર્મમાં તેમના યોગદાન બદલ આભાર માન્યો.

યુટ્યુબ છોડવુ ભાવુક પળ

યુટ્યુબ સર્જકોએ પણ વોજિસ્કીનો સંદેશ શેર કર્યો. તેમાં કહેવામાં આવ્યુ છે કે, 'આજે અગાઉ મે કર્મચારીઓને એક ઈમેલ મોકલીને જાહેરાત કરી હતી કે હું મારા કુટુંબ, સ્વાસ્થ્ય અને અંગત પ્રોજેક્ટ્સ પર કેન્દ્રિત એક નવો અધ્યાય શરૂ કરવા માટે યુટ્યુબના વડા તરીકેની મારી ભૂમિકામાંથી રાજીનામું આપીશ.' તેમણે કહ્યુ કે, તે કેટલાક એવા પ્રોજેક્ટ પર કામ કરશે, જેના વિશે તે ખૂબ જ ઉત્સાહી છે.

સીઈઓની કહાનીઓથી મળી પ્રેરણા

મહાન ક્રિએટર્સ પ્રત્યે કૃતજ્ઞતા વ્યક્ત કરતા વોજસિકીએ કહ્યુ, 'તમે બનાવેલા અદ્ભુત યુટ્યુબ સમુદાય માટે આગળની હરોળમાં બેસવુ એ મારી કારકિર્દી માટે સન્માનની વાત છે. તમારી દ્રઢતા, સર્જનાત્મકતા અને પ્રેરણાની વાર્તાઓ રોજિંદા પ્રેરણાનો સ્ત્રોત હતી અને મને એક વકીલ અને મેનેજર બનવાની પ્રેરણા આપી હતી. તમે બધાએ આ સમુદાય બનાવ્યો છે. તમારી સાથે બેસીને, તમે કેવી રીતે પ્લેટફોર્મનો ઉપયોગ કરી રહ્યા છો તે સાંભળવું અને પ્રતિક્રિયાને સાંભળવી એ મારા કામનુ એક નિરંતર આકર્ષણ હતુ.'

યુઝર્સે કહાનીઓનો હિસ્સો બનાવ્યા - આભાર

વોજિસ્કીએ લોકોનો આભાર માનીને પોતાનો પત્ર સમાપ્ત કર્યો. તેમણે ઉમેર્યુ, 'છેલ્લે, આટલા વર્ષોમાં દરેક વસ્તુ માટે તમારો આભાર. તમારા સ્ટુડિયો, તમારા ઘરો અને તમારા જીવનમાં મારુ સ્વાગત કરવા બદલ તમારો આભાર. મને આવી અવિશ્વસનીય વાર્તાઓનો ભાગ બનવાનું પસંદ છે તમે જે ફરીથી વિશ્વ સાથે શેર કરી રહ્યા છો તેવી અવિશ્વસનીય વાર્તાઓનો હિસ્સો બનવા દેવા માટે આભાર.'

Published On February 17, 2023