China : બેઈજિંગની એક હોસ્પિટલમાં ભયાનક આગ, 21 લોકોના મોત

ચીનની રાજધાની બેઈજિંગમાં એક હોસ્પિટલમાં ભયાનક આગ લાગી હોવાના અહેવાલ છે. આ આગ કેટલી ભયાનક હશે એ વાતનો અંદાજ એના પરથી લગાવી શકાય છે કે આ ઘટનામાં 21 લોકોના સળગી જવાથી મોત થયા છે.

અહેવાલો અનુસાર, આ આગ બેઈજિંગના ચાંગફેંગ હોસ્પિટલમાં લાગી હતી. બપોરે 12.57 કલાકે લાગેલી આ આગને કલાકોની મહેનત બાદ કાબુ કરાઈ હતી. ઘટનામાં મોટી સંખ્યામાં લોકોએ જીવ ગુમાવ્યા છે.

ચાઈના ડેઈલીના અહેવાલ અનુસાર, આગ ખૂબ જ ઝડપથી ફેલાઈ અને હોસ્પિટલની પૂર્વ વિંગને લપેટમાં લીધી હતી. અહીં ગંભીર રોગોથી પીડાતા દર્દીઓની સારવાર કરવામાં આવે છે. આગની જાણ થતાં જ અગ્નિશમન દળ, પોલીસ અધિકારીઓ અને ઇમરજન્સી તબીબી કર્મચારીઓ ઘટના સ્થળે પહોંચ્યા હતા.

આગ લાગવાનું કારણ હજુ સુધી જાણી શકાયું નથી. હાલ રેસ્ક્યુ ઓપરેશન દરમિયાન 71 લોકોને સુરક્ષિત બહાર કાઢવામાં આવ્યા છે. આમાંથી ઘણા લોકો ઘાયલ થયા છે. ઘાયલોને હોસ્પિટલોમાં ખસેડાયા છે.

BREAKING: Massive fire at hospital in Beijing, China 🇨🇳

Atleast 21 people's death and many people's injured.

TELEGRAM JOIN 👉 https://t.co/9cTkji5aZq pic.twitter.com/PrIPeDCpPf

— Disaster News (@Top_Disaster) April 18, 2023

બીજી તરફ સ્થાનિત તંત્ર દ્વારા કથિત રીતે જવાબદાર લોકોની અટકાયત કરવામાં આવી છે અને ઘટનાની તપાસ કરાઈ રહી છે. આ ઘટનાનો વીડિયો ચીનના સોશિયલ મીડિયા પર વાયરલ થઈ રહ્યો છે. અહેવાલો અનુસાર, લોકોએ પોતાનો જીવ બચાવવા બારીમાંથી ની કુદકા માર્યા હતા.

English summary

China: A terrible fire in a hospital in Beijing, 21 people died