પૃથ્વી છોડી મંગળ પર જીવન વિતાવવા માગે છે 78 હજાર લોકો

By Super

Updated: Friday, February 13, 2015, 12:41 [IST]

78 હજાર કરતા પણ વધુ લોકોએ પૃથ્વી છોડીને મંગળની જમીન પર પોતાનું આગામી જીવન વિતાવવા માટે અરજી કરી છે. આ અરજી તેમણે એક ટીવી રિયાલિટી એમ્બિશિયસ પ્રોજેક્ટ હેઠળ કરી છે.

એક દશકા લાંબા રેડ પ્લેનેટ મિશન હેઠળ 2023 સુધીમાં એક એનજીઓએ માર્સ પર માનવજાતિ રહી શકે તેવું વાતાવરણ ઉભૂ કરવાની યોજના બનાવી છે. બે વર્ષ લાંબી પસંદગી પ્રક્રિયા પાર કરવામાં જે ઉમેદવારો સફળ થશે તેમને ખાસ પ્રકારની ટ્રેનિંગ આપવામાં આવશે, જે મંગળ પર ગયા પછી ધરતી પર પરત નહીં ફરે.

એનજીઓ માર્સ વનના કો ફાઉન્ડર અને સીઇઓ બાસ લેન્સડ્રોપે આશા વ્યક્ત કરી છે કે 31 ઓગસ્ટ સુધીમાં અડધો મિલીયન લોકો અરજી કરશે. બે અઠવાડિયાની અંદર 78 હજાર લોકોએ અરજી કરી છે, જે એક ઐહિતાસિક આંકડો છે. માર્સ વનમાં 120 દેશોમાંથી અરજી કરવામા આવી છે,જેમાં સૌથી વધારે અરજી યુકેમાંથી કરવામાં આવી છે. યુકેમાંથી 3500 અરજી કરવામાં આવી છે.

અરજી પ્રક્રિયા અનુસાર દરેક અરજદારે 60 સેકન્ડનો વીડિયો રજૂ કરવાનો હોય છે,જેમાં તેમણે જણાવવાનું હોય છે કે તેઓ શા માટે મંગળ પર જવા માગે છે. અંદાજે પ્રથમ સ્ટેજની પસંદગી પ્રક્રિયામાં 50થી 100 અરજદારને સિલેક્ટ કરવામાં આવ્યા છે.