કાબુલમાં યુએસ ડ્રોન હુમલામાં 6 બાળકોના મોત થતા સવાલો ઉઠ્યા!

અમેરિકાના સૌથી લાંબા યુદ્ધમાંથી તમામ સૈનિકોને પાછા ખેંચવા માટે અમેરિકી રાષ્ટ્રપતિ જો બાઈડન દ્વારા નક્કી કરવામાં આવેલી મંગળવારની સમયમર્યાદા પહેલા રવિવારે યુએસ મિલિટરી કાર્ગો વિમાનોએ એરપોર્ટ પરથી ઉડાન ચાલુ રાખી હતી.

અફઘાનિસ્તાનની રાજધાની કાબુલમાં ઇસ્લામિક સ્ટેટ ખોરાસનના આત્મઘાતી હુમલાખોર પર અમેરિકી ડ્રોન હુમલામાં 6 બાળકો સહિત 9 નાગરિકોના પણ મોત થયા છે. કહેવામાં આવી રહ્યું છે કે આ તમામ 9 લોકો એક જ પરિવારના સભ્યો હતા. આ ઘટના બાદ અમેરિકાના રાષ્ટ્રપતિ જો બાઈડનની ISIS સામેની કાર્યવાહી સામે સવાલ ઉઠ્યા છે.

અમેરિકન ટીવી ચેનલ સીએનએનના અહેવાલ અનુસાર, છ બાળકો સહિત એક જ પરિવારના નવ સભ્યો માર્યા ગયા છે. અગાઉ, યુએસ આર્મીના સેન્ટ્રલ કમાન્ડે કહ્યું હતું કે તે નાગરિકોની જાનહાનિનું મૂલ્યાંકન કરી રહ્યા છે. અગાઉ કાબુલમાં અમેરિકી ડ્રોન હુમલામાં ઇસ્લામિક સ્ટેટ સાથે જોડાયેલા આત્મઘાતી બોમ્બરોને લઇ જનાર વાહનને નિશાન બનાવવામાં આવ્યા હતા. અધિકારીઓએ જણાવ્યું કે આત્મઘાતી હુમલાખોરો કાબુલ આંતરરાષ્ટ્રીય એરપોર્ટ પર યુએસ લશ્કરી સ્થળાંતર કામગીરીને નિશાન બનાવવા માંગતા હતા.

આ હુમલો એવા સમયે થયો છે જ્યારે યુનાઇટેડ સ્ટેટ્સ અફઘાનિસ્તાનથી ઐતિહાસિક ઇવેક્યુશન ઓપરેશન ચલાવી રહ્યું છે, જેમાં કાબુલ આંતરરાષ્ટ્રીય એરપોર્ટ પરથી હજારો લોકોને બહાર કાઢવામાં આવ્યા છે. બે સપ્તાહ પહેલા તાલિબાને સત્તા સંભાળી ત્યારથી અફઘાનિસ્તાન અરાજકતાની સ્થિતિમાં છે. ઇસ્લામિક સ્ટેટ જૂથ સાથે જોડાયેલા આત્મઘાતી હુમલા બાદ તાલિબાનોએ એરફિલ્ડની આસપાસ સુરક્ષા વધારી દીધી છે. આત્મઘાતી હુમલામાં 180 થી વધુ લોકો માર્યા ગયા હતા. બ્રિટને શનિવારે તેની ખાલી કરનારી ફ્લાઇટ પુરી કરી દીધી છે.

અમેરિકાના સૌથી લાંબા યુદ્ધમાંથી તમામ સૈનિકોને પાછા ખેંચવા માટે અમેરિકી રાષ્ટ્રપતિ જો બાઈડન દ્વારા નક્કી કરવામાં આવેલી મંગળવારની સમયમર્યાદા પહેલા રવિવારે યુએસ મિલિટરી કાર્ગો વિમાનોએ એરપોર્ટ પરથી ઉડાન ચાલુ રાખી હતી. જો કે, દેશમાં બાકી રહેલા અફઘાન નાગરિકો તાલિબાનને તેમના અગાઉના દમનકારી શાસન પર પાછા ફરવા અંગે ચિંતિત છે. દેશમાં તાજેતરમાં બળવાખોરોએ એક લોક ગાયકની ગોળી મારીને હત્યા કર્યા બાદ આ ડર વધુ મજબૂત થયો છે. તાલિબાનના પ્રવક્તા ઝબીહુલ્લાહ મુજાહિદે અગાઉ પત્રકારોને આપેલા સંદેશમાં જણાવ્યું હતું કે હુમલામાં એક હુમલાખોરને નિશાન બનાવવામાં આવ્યો હતો, જે વિસ્ફોટકોથી ભરેલું વાહન ચલાવી રહ્યો હતો.

બે યુએસ લશ્કરી અધિકારીઓએ નામ ન આપવાની શરતે બોલતા હવાઈ હુમલાને સફળ ગણાવ્યો હતો. તેમણે કહ્યું કે હવાઈ હુમલા બાદ અન્ય વિસ્ફોટ થયા હતા, જે વાહનમાં પૂરતા પ્રમાણમાં વિસ્ફોટક સામગ્રીની હાજરી દર્શાવે છે. કાબુલ એરપોર્ટ નજીક આત્મઘાતી હુમલા બાદ અમેરિકા દ્વારા આ બીજો હુમલો છે. શનિવારે નાંગરહાર પ્રાંતમાં થયેલા હુમલામાં કાબુલમાં અમેરિકા વિરુદ્ધ હુમલાની યોજનામાં સામેલ માનવામાં આવતા ઇસ્લામિક સ્ટેટના આતંકીનું મોત થયું હતું.

English summary

6 killed in US drone strike in Kabul, questions raised