અફઘાનિસ્તાનમાં સેનાના હાથે 57 આતંકવાદીઓ ઠાર

કાબુલ, 2 જૂન : અફઘાનિસ્તાનમાં છેલ્લા 24 કલાક દરમિયાન ચલાવવામાં આવેલ શ્રેણીબદ્ધ સૈન્ય ઝુંબેશમાં 57 આતંકવાદીઓને ઠાર મરાયાં છે.

આંતરિક મંત્રાલય તરફથી રવિવારે આ માહિતી આપવામાં આવી. સમાચાર એજંસી સિન્હુઆના જણાવ્યા મુજબ અફઘાન નેશનલ પોલીસે સેના તેમજ નાટોના નેતૃત્વ હેઠળની યુતિ સેનાની મદદથી કંધાર, ગઝની, હેલમંડ, કપિસા, પકટિકા તથા પકટિયા પ્રાંતોમાં અનેક સંયુક્ત ઝુંબેશો ચલાવી. આ ઝુંબેશો હેઠલ 57 હથિયારબંધ તાલિબાન આતંકવાદીઓ ઠાર મરાયાં તથા આઠ ઈજાગ્રસ્ત થઈ ગયાં. ઉપરાંત એક ડઝન તાલિબાન લડાકાઓની ધરપકડ પણ કરવામાં આવી.

સુરક્ષા દળોએ રોડની બાજુએ બિછાવવામાં આવેલ અનેક બૉમ્બ તથા વાહનરોધી બારૂદી સુરંગો નિષ્ક્રિય કરી નાંખ્યા તથા અનેક હથિયારો ઝબ્બે કર્યાં. અફઘાની સુરક્ષા દળો તથા નાટોના નેતૃત્વ હેઠળની યુતિ સેનાએ તાલિબાન તથા અન્ય આતંકવાદી સંગઠનો વિરુદ્ધ ઝુંબેશ વેગીલી બનાવી છે.

English summary

Fifty-seven militants have been killed in a series of military operations in Afghanistan in the past 24 hours, the interior ministry said Sunday.