નોકરાણી 8 મહિનાના બાળકને દોઢ કલાક સુધી મારતી રહી, પુરી ઘટના CCTVમાં કેદ થઈ!
સુરતમાંથી એક ચોંકાવનારો કિસ્સો પ્રકાશમાં આવ્યો છે, જ્યાં એક કેરટેકરે માસૂમ બાળક પર પોતાનો ગુસ્સો ઠાલવ્યો છે. તેણે 8 મહિનાની માસૂમને 5 મિનિટ સુધી પથારીમાં ઢસડીને માર માર્યો હતો.
સુરત : સુરતમાંથી એક ચોંકાવનારો કિસ્સો પ્રકાશમાં આવ્યો છે, જ્યાં એક કેરટેકરે માસૂમ બાળક પર પોતાનો ગુસ્સો ઠાલવ્યો છે. તેણે 8 મહિનાની માસૂમને 5 મિનિટ સુધી પથારીમાં ઢસડીને માર માર્યો હતો. આટલું જ નહીં તેણે બાળકને કાન વાળીને હવામાં ઉછાળ્યો હતો. જે બાદ બાળક બેહોશ થઈ ગયો હતો. બાળકના માતા-પિતા ઘરે નહોતા ત્યારે કેરટેકરે આ કૃત્ય કર્યું હતું.
જ્યારે બાળકના માતા-પિતા ઘરે પહોંચ્યા તો તેમને બેભાન હાલતમાં જોવા મળ્યો. આ પછી તેને શહેરની ખાનગી હોસ્પિટલમાં દાખલ કરવામાં આવ્યો હતો. જ્યાં માથામાં ઈજાના કારણે બાળકને બ્રેઈન હેમરેજ થયું હોવાનું જાણવા મળ્યું હતું. ઘરમાં લાગેલા સીસીટીવી કેમેરા ચેક કરતાં સમગ્ર મામલો સામે આવ્યો હતો. ફૂટેજમાં જોવા મળ્યું હતું કે બાળક પર 5 મિનિટ સુધી અત્યાચાર ગુજારવામાં આવી રહ્યો હતો. બાળક રડતું હતું, પરંતુ નોકરાણીને તેના પર દયા આવી નહી.
આ અંગે બાળકના પિતા મિતેશ પટેલે રાંદેર પોલીસ સ્ટેશનમાં ફરિયાદ નોંધાવી છે. જેના આધારે કેરટેકર કોમલ રવિ ચંદાલકર વિરુદ્ધ હત્યાના પ્રયાસનો કેસ નોંધવામાં આવ્યો છે. મિતેશે જણાવ્યું કે કોમલ નામની કેરટેકર છેલ્લા 3 મહિનાથી તેના બાળકની દેખભાળ કરી રહી હતી. તેનો પગાર 3,000 રૂપિયા હતો. ઘટનામાં 8 મહિનાના બે બાળકો જોડિયા છે અને બાળકના પિતા શાળામાં શિક્ષક છે અને માતા ITIમાં શિક્ષિકા છે. જ્યારે આરોપી મહિલાનો પતિ પણ શાળામાં નોકરી કરે છે.
એક પોલીસ અધિકારીએ જણાવ્યું કે બાળકને મગજમાં ઈજા થઈ છે અને તે વેન્ટિલેટર પર છે. પ્રાથમિક તપાસમાં બહાર આવ્યું છે કે રખેવાળે બાળકને ગાદલા પર પછાડીને માથામાં ગંભીર ઈજા પહોંચાડી હતી. તેની સામે હત્યાના પ્રયાસનો ગુનો નોંધવામાં આવશે.
Click it and Unblock the Notifications
Sign in with Google
