સુરત એરપોર્ટ પર નકલી પાસપોર્ટ સાથે એક વ્યક્તિ ઝડપાયો

સુરત ઇન્ટરનેશનલ એરપોર્ટ પર ઇમિગ્રેશન તપાસ દરમિયાન નકલી પાસપોર્ટ સાથે વિદેશ જવાની પેરવી કરતા એક શખ્સને ઝડપી પાડવામાં આવ્યો છે.

ઝડપાયેલા આરોપીની ઓળખ ભાવેશ ધીરુભાઈ બોરાડ તરીકે થઈ છે, જે પોર્ટુગલનો નકલી પાસપોર્ટ બનાવીને ગેરકાયદેસર રીતે મુસાફરી કરી રહ્યો હોવાનું સામે આવ્યું છે.

પ્રાથમિક તપાસમાં જાણવા મળ્યું છે કે આ બનાવટી પાસપોર્ટ વર્ષ 2019માં તૈયાર કરાયો હતો અને તેનો ઉપયોગ કરી અગાઉ પણ વિદેશ પ્રવાસ કરાયો હતો.

ડુમસ પોલીસ દ્વારા આરોપીની ધરપકડ કરવામાં આવી છે અને હાલમાં તેની પાસેથી નકલી પાસપોર્ટ જપ્ત કરી કાયદેસરની કાર્યવાહી હાથ ધરવામાં આવી છે.

પોલીસ હવે એ દિશામાં તપાસ કરી રહી છે કે આ નકલી દસ્તાવેજ કોણે બનાવી આપ્યો અને આ પાછળ કોઈ મોટું નેટવર્ક કામ કરી રહ્યું છે કે કેમ.

અધિકારીઓ દ્વારા આ કેસમાં સંડોવાયેલા એજન્ટોની વિગતો મેળવવા અને પાસપોર્ટ ક્યાં ફેબ્રિકેટ કરવામાં આવ્યો હતો તેની સઘન પૂછપરછ શરૂ કરવામાં આવી છે.

English summary

At Surat International Airport, authorities detained a man for attempting international travel with a forged Portuguese passport. The passport, produced in 2019, has been linked to prior trips. Police seized the document and are investigating its origin and any associated agents or networks, with further inquiries ongoing.