સુરતના ગોપી તળાવ પાસે આવેલા ગેરકાયદે મદરેસાને તોડવા આદેશ!

સુરતના ગોપી તળાવનાના પાર્કિંગ પાસે બનેલ મદરેસાને લઈને છેલ્લા ઘણા દિવસોથી ભારે વિવાદ ચાલી રહ્યો છે.

By Desk

Published: Sunday, January 30, 2022, 20:05 [IST]

સુરત : સુરતના ગોપી તળાવનાના પાર્કિંગ પાસે બનેલ મદરેસાને લઈને છેલ્લા ઘણા દિવસોથી ભારે વિવાદ ચાલી રહ્યો છે. મદરેસાના ગેરકાયદે બાંધકામની અનેક ફરિયાદો સામે આવ્યા બાદ અધિકારીઓ, સ્થાનિક કાઉન્સિલરો અને ધારાસભ્યો સાથેની બેઠકમાં મેયરને જાણ કરવામાં આવી છે કે જો મદરેસા સરકારી જમીન પર બનેલ હોય તો તેને દૂર કરી દેવામાં આવે.

ઉલ્લેખનીય છે કે ગોપી તાલાબ પાસે બનેલ આ મદરેસા માટે અનેક વખત ફરિયાદો કરવામાં આવી છે. જો કે, મદરેસા સાથે સંકળાયેલા કેટલાક નેતાઓએ દાવો કર્યો હતો કે મદરેસા સંપૂર્ણપણે કાયદાકીય રીતે બનાવવામાં આવી હતી અને તે વક્ફ બોર્ડમાં નોંધાયેલ પણ છે. આવી સ્થિતિમાં આ વિવાદ ઘણો વધી રહ્યો હતો.

આ તમામ વિવાદો વચ્ચે મેયર હેમાલીબેન બોઘાવાલાએ શહેરના અધિકારીઓ અને ફરિયાદી કાઉન્સિલરો અને ધારાસભ્યો સાથેની બેઠકમાં ભારે ચર્ચા વિચારણા કર્યા બાદ સરકારી જમીન હેઠળ આવતા મદરેસાને કડક પોલીસ બંદોબસ્ત સાથે તોડી પાડવાની સૂચના આપી છે.

ઉલ્લેખનિય છે કે સુરત સહિત ગુજરાતભરમાં સરકારી જમીન પર દબાણની સતત ફરિયાદો આવતી રહે છે. આવી ઘણી બધી જગ્યાઓ પર મોટા નેતાઓની રહેમ નજર હેઠળ કબ્જો જવામી દેવામાં આવે છે ત્યારબાદ તેને હટાવવાનું નામ લેતા નથી. ત્યારે હવે સુરતમાં આ કાર્યવાહી મિશાલ બનશે.

Published On January 30, 2022