જેટકોના આઉટસોર્સિંગ કર્મચારીઓએ દેવભૂમી દ્રારકા કલેક્ટરને આવેદનપત્ર આપ્યુ, પુરતા વેતનની માંગ!

રાજ્યમાં હાલ કર્મચારીઓમાં મોટો વિરોધ જોવા મળી રહ્યો છે. રાજ્ય સરકારના સરકારી કર્મચારીઓ સાથે સાથે હવે વિવિધ સરકારી કચેરીઓમાં કામ કરતા આઉટસોર્સિંગ કર્મચારીઓ પણ પોતાની માંગણીને લઈને સતત વિરોધ નોંધાવી રહ્યા છે.

દેવભૂમી દ્રારકા : રાજ્યમાં હાલ કર્મચારીઓમાં મોટો વિરોધ જોવા મળી રહ્યો છે. રાજ્ય સરકારના સરકારી કર્મચારીઓ સાથે સાથે હવે વિવિધ સરકારી કચેરીઓમાં કામ કરતા આઉટસોર્સિંગ કર્મચારીઓ પણ પોતાની માંગણીને લઈને સતત વિરોધ નોંધાવી રહ્યા છે. આ ક્રમમાં દેવભૂમી દ્વારકા ખાતે જેટકોના કર્મચારીએ આવેદનપત્ર આપ્યુ હતું.

રાજ્ય સરકાર હાલ મોટા પાયે આઉટસોર્સિંગ કરી રહી છે. જેના કારણે ઘણા કર્મચારીઓ કોઈપણ જાતના લાભ વગર મામુલી પગારમાં કામ કરવા માટે મજબુર બન્યા છે. આવી જ હાલત દેવભૂમી દ્વારકા જિલ્લાના જેટકોના કર્મચારીઓની છે.

દેવભૂમી દ્વારકાના જેટકોના કર્મચારીઓએ કલેક્ટરને આવેદનપત્ર આપી પગાર વધારાની માંગ કરી હતી. જેટકો કર્મચારીઓની માંગ છે તે તેઓ પણ સારી ડિગ્રી સાથે અને પુરતુ કામ કરી રહ્યા છે, જેની સામે આઉટસોર્સિંગ કર્મચારીઓને મામુલી વેતન આપવામાં આવે છે. કર્મચારીઓએ પગાર વધારા સિવાય મળવા પાત્ર સહાય આપવા માટે પણ રજુઆત કરી છે.

અહીં તમને જણાવી દઈએ કે જેટકોના કર્મચારીઓ હાઈવોલ્ટેજ પાવર સાથે કામ કરતા હોય છે. જેનું તેમને કોઈ એલાઉન્સ મળતું નથી. તો કર્મચારીઓની માંગ છે કે તેમને આ પ્રકારના તમામ લાભ આપવામાં આવે અને પુરતું વેતન મળે.

English summary

Jetco's outsourcing employees submitted the complaint to the Devbhoomi Drarka Collector