Year Ender 2024 : ભારતની રાજનીતિમાં મોટો માઈલસ્ટોન સાબિત થયુ 2024 નું વર્ષ, જાણો મહત્વની ઘટનાઓ

Lookback 2024 Politics : 2024 નું વર્ષ ભારતીય રાજનીતિમાં મોટો માઈલ સ્ટોન સાબિત થયુ છે. એક તરફ લોકોએ નરેન્દ્ર મોદી સરકારનો ઘમંડ તોડ્યો તો બીજી તરફ વિપક્ષે સંસદમાં પોતાનો દમ દેખાડ્યો.

2024 માં તાનાશાહીના રસ્તે આગળ વધી રહેલી નરેન્દ્ર મોદી સરકારને લોકોએ જમીન પર લાવવાનું કામ કર્યુ. બીજી તરફ ઘણા રાજ્યોમાં મોટા રાજકિય ઘટનાક્રમ જોવા મળ્યા.

લોકસભા ચૂંટણી 2024
લોકસભા ચૂંટણીમાં બીજેપીએ 400 પારનો નારો આપ્યો અને દેશના બંધારણને બદલવાની વાતો કરી. લોકોને આ પસંદ ન આવ્યુ અને બીજેપીને 240 સીટો પર લાવીને મુકી દીધી. લોકોએ ફરી એક વખત સાફ સંદેશ આપ્યો કે દેશના બંધારણથી ઉપર કોઈ નથી. ટીડીપી, જેડીયુ અને અન્ય સહયોગીઓની મદદથી બીજેપીએ સરકાર તો બનાવી પરંતુ નરેન્દ્ર મોદીનું ઘમંડ ચકનાચુર થઈ ગયુ.

ઓડિસા વિધાનસભાની ચૂંટણી 2024
લોકસભા ચૂંટણી ઉપરાંત આ વર્ષે અનેક રાજ્યોમાં વિધાનસભાની ચૂંટણી યોજાઈ. આ રાજ્યોના ચૂંટણી પરિણામોએ પણ ચૌકાવ્યા. ઓડિશામાં 24 વર્ષથી સત્તામાં રહેલી નવીન પટનાયકની પાર્ટીને હારનો સામનો કરવો પડ્યો અને બીજેપી સત્તામાં આવી.

હરિયાણા વિધાનસભા ચૂંટણી 2024
હરિયાણા વિધાનસભા ચૂંટણીના પરિણામોએ રાજકીય વિશ્લેષકોના દાવાઓને ખોટા સાબિત કર્યા. આ વખતે ભાજપ માટે સત્તા વિરોધી લહેર હતી પરંતુ કોંગ્રેસ ચૂંટણી જીતી શકી નહીં. અહીં બીજેપીએ ફરીથી સરકાર બનાવી.

મહારાષ્ટ્ર વિધાનસભા ચૂંટણી 2024
મહારાષ્ટ્રમાં પણ પરિણામો ચૌકાવનારા રહ્યાં. ઉદ્ધવ ઠાકરેની શિવસેના અને શરદ પવારની એનસીપીને આશા હતી કે તે સહાનુભૂતિ મેળવશે અને સત્તામાં પરત ફરશે. જો કે તેમને કારમી હારનો સામનો કરવો પડ્યો. બીજેપીના નેતૃત્વમાં એકનાથ શિંદેની શિવસેના અને અજિત પવારની એનસીપી મહાગઠબંધનને ભારે જીત મળી.

જમ્મુ-કાશ્મીર અને ઝારખંડ ચૂંટણી 2024
જમ્મુ-કાશ્મીરમાં કલમ 370 હટાવ્યા બાદ ભાજપને બહુમતની અપેક્ષા હતી. જો કે તેને શરમજનક હારનો સામનો કરવો પડ્યો. બીજી તરફ ઝારખંડમાં પણ સરકાર બનાવવાનો દાવો કરી રહ્યું હતું પરંતુ ત્યાં પણ ભાજપને નિરાશા હાથ લાગી અને હેમંત સોરેને ફરી સરકાર બનાવી.

English summary

Year Ender 2024: The year 2024 proved to be a big milestone in Indian politics, know the important events