લોકસભા ચૂંટણીઓમાં કોંગ્રેસ સાથે ગઠબંધન નહીં : DMK

મદુરાઇ, 1 જુલાઇ : દક્ષિણ ભારતીય પાર્ટી ડીએમકે એ આગામી લોકસભા ચૂંટણી 2014માં કોંગ્રેસ સાથે ગઠબંધનનો સ્પષ્ટ ઇનકાર કરી દીધો છે. ડીએમકે એ એવી સ્પષ્ટતા પણ કરી છે તે તેણે માત્ર રાજ્ય સભા ચૂંટણીઓ માટે કોંગ્રેસનું સમર્થન માંગ્યું હતું.

ડીએમકેના વરિષ્ઠ નેતા અને પાર્ટીના કોષાધ્યક્ષ એમ સ્ટાલિને રવિવારે રાત્રે જણાવ્યું હતું કે રાજ્યસભાની ચૂંટણી માટે કોંગ્રેસનું સમર્થન માંગવાનો અર્થ એ નથી કે હવે અમે તેમની સાથે છીએ. આગામી લોકસભા ચૂંટણીઓ માટે કોંગ્રેસ સાથે અમારું કોઇ જોડાણ નહીં હોય.

આ સાથે સ્ટાલિને એમ પણ જણાવ્યું કે "અમે શ્રીલંકન તમિલોના મુદ્દે મતભેદોને કારણે યુપીએમાંથી બહાર નીકળી ગયા છીએ. આ મતભેદો હજી પણ યથાવત છે. આ કારણે અમારા જોડાણની કોઇ સંભાવના નથી."

English summary

Will not have alliance with Cong for lok sabha polls : DMK.