Weather Updete: જમ્મુ કાશ્મીરમાં વરસાદ, હિમાચલમાં હિમવર્ષા, આ રાજ્યોમાં હિટવેવ, જાણો દેશનુ હવામાન
Weather Updete: આજે એપ્રિલના છેલ્લા દિવસે વાતાવરણમાં જોરદાર પલટો જોવા મળી રહ્યો છે. હવામાન વિભાગે આગાહી કરી છે કે મંગળવારે દિલ્હી-NCRમાં તાપમાન 38 ડિગ્રી અથવા તેનાથી વધુ રહી શકે છે. આખો દિવસ દિવસ સૂરજનો તાપ સહન કરવો પડશે.
હવામાન વિભાગના જણાવ્યા મુજબ લગભગ 35 કિલોમીટર પ્રતિ કલાકની ઝડપે પવન ફૂંકાઈ શકે છે. હવામાન વિભાગના જણાવ્યા અનુસાર, દિલ્હી-એનસીઆરના કેટલાક ભાગોમાં ઝરમર વરસાદની સંભાવના છે. ચાલો જાણીએ અન્ય રાજ્યોનું હવામાન.
ઉત્તરાખંડના પહાડી વિસ્તારોમાં હળવા વરસાદની સંભાવના છે. જો કે મેદાની વિસ્તારોમાં હવામાન શુષ્ક રહેશે. હવામાનશાસ્ત્ર અનુસાર, ઉત્તરકાશી, રુદ્રપ્રયાગ, ચમોલી, બાગેશ્વર અને પિથોરાગઢ જિલ્લાના કેટલાક વિસ્તારોમાં હળવા વરસાદની શક્યતા છે. જોરદાર ગાજવીજની પણ શક્યતાઓ છે.
હિમાચલ પ્રદેશમાં બે દિવસથી સતત વરસાદ, કરા અને હિમવર્ષા થઈ રહી છે. હવામાન વિભાગે આજે વરસાદને લઈને યલો એલર્ટ જાહેર કર્યું છે. રાજ્યના અનેક ભાગોમાં વરસાદની સંભાવના છે. એટલું જ નહીં 1 મેના રોજ પણ હવામાન ખરાબ રહી શકે છે.
જમ્મુ-કાશ્મીરમાં વરસાદને કારણે ઘણા જિલ્લાઓમાં શાળાઓ બંધ જાહેર કરવામાં આવી છે. જણાવવામાં આવી રહ્યું છે કે છેલ્લા ત્રણ દિવસથી વરસાદ અને હિમવર્ષા ચાલુ છે. હવામાન વિભાગે આગામી 24 કલાકમાં જમ્મુ-કાશ્મીરના મોટાભાગના વિસ્તારોમાં વરસાદ અને હિમવર્ષાની આગાહી કરી છે.
વળી, હવામાન વિભાગે બિહાર, પશ્ચિમ બંગાળ, ઓડિશા, પૂર્વી ઉત્તર પ્રદેશ અને ઝારખંડમાં હિટવેવને લઈને એલર્ટ જાહેર કર્યું છે. હવામાન વિભાગની આગાહી મુજબ, આ રાજ્યોમાં 1 મે સુધી હીટવેવનો સામનો કરવો પડશે. પશ્ચિમ આસામ, મેઘાલય, ત્રિપુરા, કેરળ અને કોસ્ટલ કર્ણાટકમાં 2 મે સુધી હીટ વેવ ચાલુ રહેવાની શક્યતા છે.
Click it and Unblock the Notifications
Sign in with Google
