Weather Update: દિલ્લી-NCRમાં ગરમી-લૂથી નહિ મળે રાહત, બંગાળમાં ભારે વરસાદનુ એલર્ટ
Weather Update: દેશમાં આકરી ગરમી યથાવત છે. હવામાન વિભાગના જણાવ્યા અનુસાર દિલ્હી, ઉત્તર પ્રદેશ, પંજાબ અને ચંદીગઢમાં આગામી 4-5 દિવસમાં કોઈ રાહત મળવાની સંભાવના નથી. હવામાન વિભાગે જણાવ્યું છે કે ઉત્તર ભારતમાં આગામી 4-5 દિવસ સુધી ભારે ગરમી અને હીટવેવ યથાવત રહેશે.
એક તરફ ઉત્તર ભારતના રાજ્યોમાં ગરમીનો પ્રકોપ યથાવત છે તો બીજી તરફ હવામાન વિભાગે પશ્ચિમ બંગાળમાં ભારે વરસાદનું એલર્ટ જાહેર કર્યું છે. હવામાન વિભાગે પોતાની આગાહીમાં કહ્યું છે કે આગામી 4-5 દિવસમાં પશ્ચિમ બંગાળ, સિક્કિમ અને પૂર્વોત્તર ભારતમાં ભારે વરસાદ પડી શકે છે.
આગામી દિવસોમાં દિલ્હી અને NCRમાં પારો ગગડવાની કોઈ શક્યતા નથી. હવામાન વિભાગે જણાવ્યું હતું કે આગામી દિવસોમાં દિલ્હી અને NCRમાં મહત્તમ તાપમાનનો પારો પહેલા જેવો જ રહેશે. આ અઠવાડિયે પણ પારો ગગડવાની કોઈ શક્યતા નથી.
દિલ્હી-એનસીઆરમાં મહત્તમ તાપમાન 45-47 ડિગ્રી સેલ્સિયસ વચ્ચે રહે છે. જ્યારે ઉત્તર પ્રદેશ, પંજાબ, ચંદીગઢ, ઝારખંડ, હરિયાણા, રાજસ્થાનમાં પારો 45-47 ડિગ્રી સેલ્સિયસ વચ્ચે નોંધાયો છે. કાનપુરમાં પારો 47.5 ડિગ્રી સેલ્સિયસ પર પહોંચી ગયો હતો.
હવામાન વિભાગે જણાવ્યું છે કે 13થી 17 તારીખ દરમિયાન ઉત્તર પ્રદેશમાં જોરદાર ગરમી અને હીટવેવ રહેશે. બિહાર અને ઝારખંડમાં 13-15 જૂન વચ્ચે હીટ વેવ એલર્ટ જાહેર કરવામાં આવ્યું છે. 13-17 જૂન વચ્ચે દિલ્હી, હરિયાણા, ચંદીગઢ અને પંજાબના કેટલાક ભાગોમાં હીટ વેવની શક્યતા છે. તીવ્ર હીટવેવના કારણે 16-17 જૂનના રોજ કેટલાક ભાગોમાં સ્થિતિ વધુ ખરાબ થઈ શકે છે.
ગયા અઠવાડિયે મહારાષ્ટ્ર અને ગોવાના ભાગોમાં ભારે વરસાદ જોવા મળ્યો હતો. પશ્ચિમ બંગાળમાં પણ વરસાદ જોવા મળ્યો છે, જેના કારણે તિસ્તા નદીનું જળસ્તર વધ્યું છે. સિક્કિમમાં લેન્ડ સ્લાઇડને કારણે એક વ્યક્તિનું મોત થયું હતું જ્યારે પાંચ લોકો ગુમ થયા હતા.
ભારતીય હવામાન વિભાગના જણાવ્યા મુજબ આગામી ત્રણથી ચાર દિવસમાં ચોમાસું ઓડિશા, દરિયાકાંઠાના આંધ્રપ્રદેશ અને ઉત્તર પશ્ચિમ બંગાળની ખાડી સુધી પહોંચી શકે છે. એક અધિકારીએ જણાવ્યું કે બંગાળની ખાડીમાં ચોમાસું નબળું છે અને ત્યાંથી આગળ વધવાની રાહ જોવાઈ રહી છે. હવામાનશાસ્ત્રીઓ અનુસાર ઉત્તર-પશ્ચિમ તરફથી આવતા ગરમ પવનો બંગાળની ખાડી પર નબળા ચોમાસાને પ્રભાવિત કરી રહ્યા છે અને મધ્ય-ઉત્તર ભારતના ભાગોમાં હીટવેવની સ્થિતિને વધારે છે.
Click it and Unblock the Notifications
Sign in with Google
