Video : દિલ્હી મેટ્રો ફરી વિવાદમાં આવી, હવે યુવતીએ યુવકને થપ્પડ મારી, જાણો શું છે પુરી બબાલ?

By Desk

Published: Tuesday, July 4, 2023, 15:59 [IST]

ક્યારેક દિલ ખોલીને રોમાન્સ કરતા કપલ તો ક્યારેક બિકીની ગર્લ, લાગે છે કે દિલ્હી મેટ્રો વિવાદોનું ઘર બની ગયુ છે. હવે એક યુવતીએ યુવકને થપ્પડ મારી દેતા દિલ્હી મેટ્રો ફરીથી વિવાદમાં આવી છે.

હાલ સોશિયલ મીડિયા પર એક વીડિયો ઝડપથી વાયરલ થઈ રહ્યો છે. આ વીડિયોમા એક યુવતી અને યુવક વચ્ચે જોરદાર બબાલ જોવા મળી રહી છે. વીડિયોમાં યુવતી યુવક પર બૂમો પાડતી જોવા રહી છે.

વીડિયો જોઈને લોકો અનુમાન લગાવી રહ્યા છે કે બંને એકબીજાને પહેલાથી જ ઓળખતા હશે. ઘણા લોકોએ આ મામલામાં દરમિયાનગીરી કે સમાધાન કરવાનો પ્રયાસ ન કરતા તેને ઈગ્નોર કરવાનું જ યોગ્ય માન્યુ. અહીં લોકો આ બબાલમાં કોઈપણ હસ્તક્ષેપ કર્યા વગર શાંતિથી સાંભળી રહ્યા છે.

આ વીડિયો ટ્વિટર પર શેર કરાયા બાદ અન્ય પ્લેટફોર્મ પર પણ વાયરલ થઈ રહ્યો છે. વીડિયોમાં યુવતી પહેલા પુરુષ પર બૂમો પાડે છે અને પછી તેને થપ્પડ મારવાનું શરૂ કરે છે. ઝઘડાનું કારણ સામે આવ્યુ છે.

વીડિયો જોઈને અનુમાન લગાવી શકાય છે કે, યુવતી યુવકની કોઈ વાત સ્વીકારવા તૈયાર નહોતી. આશ્ચર્યની વાત એ છે કે, લોકોએ આ ઝઘડામાં ન પડવાનું યોગ્ય માન્યું અને તેનાથી દૂર રહીને આખી ઘટનાને નજરઅંદાજ કરતા રહ્યા.

Kalesh b/w a guy and a Girl Inside “Delhi Metro) - Girl slaps him too hard just think if it was vice-versa😀 pic.twitter.com/Y0RiKeYWem
— Ghar Ke Kalesh (@gharkekalesh) July 3, 2023

વીડિયો વાયરલ થતાં હવે લોકો પ્રતિક્રિયા આપી રહ્યા છે. એક યુઝરે કહ્યું કે એવું લાગે છે કે આ તેનો અંગત વિષય છે. કદાચ તે એકબીજાને ઓળખે છે. અન્ય યુઝરે વચ્ચે ન બોલવા પર ચિંતા વ્યક્ત કરી અને કહ્યું કે ખરેખર કોઈને આની પરવા નથી. આપણે કઈ દુનિયામાં જીવીએ છીએ.

અહીં તમને એ પણ જણાવી દઈએ કે, હાલમાં જ દિલ્હી મેટ્રોમાં ઘણા વિવાદિત વીડિયો સામે આવ્યા છે. આ વીડિયો સામે આવ્યા બાદ મેટ્રો પ્રશાસને પણ દખલગીરી કરી હતી.

Published On July 4, 2023