Video: કંગનાએ ઈગ્નોર કર્યુ તો ચિરાગે નામ લઈને બોલાવી, પછી મળ્યા ગળે, દિલ જીતી લેશે બંનેનુ બૉન્ડિંગ

Published: Wednesday, June 12, 2024, 14:47 [IST]

Kangana and Chirag: કંગના રનૌત અને ચિરાગ પાસવાન બંને અત્યારે હેડલાઇન્સમાં છે. જ્યારે કંગના રનૌત મંડીમાંથી જીતીને સાંસદ બની છે, તો ચિરાગ પાસવાન સૌથી યુવા કેબિનેટ મંત્રી બનીને હેડલાઇન્સમાં છે. આ દરમિયાન સોશિયલ મીડિયા પર બંનેની એક ક્લિપ વાયરલ થઈ રહી છે, જેને જોયા પછી ચાહકોની ખુશીનો પાર રહ્યો નહીં.

કંગના રનૌત અને ચિરાગ પાસવાન અભિનીત એક ફિલ્મ રિલીઝ થઈ હતી, જેમાં બંને સાથે જોવા મળ્યા હતા. આ ફિલ્મનું નામ હતું- 'મિલે ના મિલે હમ'. બંનેનું ફિલ્મી કરિયર એકસાથે સફળ ન થઈ શક્યું, પરંતુ હા, બંને રાજકારણમાં શાનદાર પ્રદર્શન કરી રહ્યા છે. કંગનાએ મંડી સીટ જીતી છે, જ્યારે ચિરાગ કેબિનેટ મંત્રીની ખુરશી પર બેઠો છે.

આ દરમિયાન કંગના અને ચિરાગનો એક વીડિયો સામે આવ્યો છે, જેમાં તેમની અદ્ભુત બૉન્ડિંગ સ્પષ્ટપણે જોવા મળી રહી છે. ક્લિપમાં જોઈ શકાય છે કે ચિરાગ સામે ઉભો છે અને કંગના પહેલા તેની સામે જોયા વિના સીધી તેની પાસેથી જતી રહે છે અને ત્યારબાદ ચિરાગ તેનું નામ લઈને બોલાવે છે અને પછી કંગના તેની સાથે હાથ મિલાવે છે.

આ પછી કંગના રનૌત અને ચિરાગ પાસવાન એકબીજાને ગળે મળે છે અને કંગના પણ ફૂલી નથી સમાતી. કંગનાને ખુશ જોઈને ચિરાગ પણ ખુશી વ્યક્ત કરે છે. આ પછી બંને વચ્ચે થોડી વાતચીત થાય છે. હવે આ વીડિયો સોશિયલ મીડિયા પર ઝડપથી વાયરલ થઈ રહ્યો છે.

સ્ક્રીનથી સંસદ સુધીની આ સફર ઘણી સુંદર રહી છે. ચિરાગની રાજકીય કારકિર્દીમાં ઘણા ઉતાર-ચઢાવ આવ્યા છે, જ્યારે કંગનાની વાત કરીએ તો તેને પણ દરેક વખતે પડદા પર સફળતા મળી નથી. અભિનેત્રીની ઘણી એવી ફિલ્મો છે, જે ઉંધા માથે પડી છે. જોકે અભિનેત્રીએ બોલિવૂડમાં ઘણી શાનદાર ફિલ્મો આપી છે.

ચિરાગની વાત કરીએ તો તે મોદી કેબિનેટ 3.0નો ભાગ બની ગયા છે. ચિરાગને ફૂડ પ્રોસેસિંગ ઉદ્યોગ મંત્રાલય મળ્યું છે. તાજેતરમાં જ તેમણે કેબિનેટ મંત્રી તરીકે હોદ્દા અને ગુપ્તતાના શપથ પણ લીધા હતા. શપથ લીધા બાદ ચિરાગે કહ્યું કે કોઈ પણ મંત્રાલય નાનું કે મોટું નથી હોતું.